السلام عليكم



عندي سؤال لكل المتزوجات ؟؟
هو بصراحه كذا سؤال؟؟؟؟؟؟؟؟
ممكن تساعدوني

انا فرحي قرب وعندي مشاكل عايزه احلها مع نفسي قبل الجواز عشان اعرف اعيش في سعاده باقي حياتي

اسمحولي احكيلكم مشاكلي وياريت تساعدوني بأرئكم

انا مرتطه بخطيبي بقالنا فتره طويله اوي وبنحب بعض اوي

اول مشكله عندي

من فتره اكتشفت حاجه مخلياني لحد دلوقتي في صدمه
خطيبي بيحبني اوي وانا واثقه بس هو شغله في سوق يعني عنده محل وبيجيلوا زباين كتير ومن فتره ربنا رزقه بواحده من الستات اللي متعرفش ربنا ولا تعرف حياء مش عارفه اقول ايه المهم الست ده متجوزه وعندها عيال وهي مش مبسوطه مع جوزها لما راحت عند خطيبي ابتدت تتقرب منه وهو بيعاملها علي انها زبونه عاديه وبعدين خدت رقم موبايله وهو للاسف من النوع اللي مش بيعرف يكسف حد المهم ابتدت تكلمه وتتقرب منه وهو ابتدي يرد عليها ويكلمها كل ده طبعا من ورايا وابتدت ترسم علي جواز منه وانها خلاص هتتطلق من جوزها مع العلم انها اكبر منه (خطيبي) وعندها عيال وابتدت تبعتله كروت غراميه وهوللاسف كان بياخدها منها المهم هو بعد شويه ابتدي يفوق لنفسه وابتدي يتهرب منها وكل ده من غير ما انا اعرف حاجه لحد ما هو جه قالي بنفسه بعض مشاكل كتير ما حصلت بينا بسبب تليفونه اللي علي طول الوقت مشغول وحاله اللي انقلب طبعا انا اتصدمت وقلبت الدنيا وكانت خناقه كبيره وكنا خلاص هنسيب بعض ولانه بيحبني وانا بحبه حاول يسترضيني كتير ويطلب السماح وانها كانت غلطه ومحصلش حاجه بينهم وكل غلطته انه سمح لنفسه انه يتكلم معاها واداها فرصه لكده طبعا بعد الحاح منه ومن اهله اني اسامحه اديته فرصه تانيه ومسيبتوش وهي فضلت بعدها تطارده وكان بيقولي لما تكلمه علي اللي حصل ( قال يعني حسن نيه منه)
المهم انا فضلت فتره طويله في حاله صدمه وحاله نفسيه زي الزفت لانه ده كانت اخر حاجه اتوقعها منه بعد الحب الكبير اللي بينا وهو عارف اني كنت بثق فيه
المهم احنا رجعنا كويسين تاني والحمد لله خلاص فرحنا قرب وابتديت شويه اثق فيه بس مش اوي وكل ما احاول اوهمه اني رجعت اثق فيه تماما للاسف تحصل هفوات بسيطه تعرفه اني لسه بشك فيه
انا عارفه انه بيحبني وهو قالي محصلش بينهم حاجه وان هو من نفسه جه حكالي
بس المشكله انا مش عارفه اسامحه لحد دلوقتي وكتير اوي بفتكر اللي عمله مع انه عدي عليه حوالي 4 شهور بس لسه بفتكر اللي حصل كأنه امبارح واسأل لنفس ليه سمح لنفسه انه يعمل فيا كده اضمن منين انه مش هيعمل كده تاني مع انه كتير بيقولي انه كويس ان ده حصل قبل الجواز عشان يتعلم غلطه وميحصلش تاني
بس اضمن منين وانا كمان مش قادره انسي ولا عارفه اسامحه ومها بحاول اداري ده بيبان عليا
انا معتبره اللي عمله خيانه بس هو بيقولي لأ لأنه محصلش بينهم حاجه
انا خايفه اوي
مش عارفه اعمل ايه المشكله دلوقتي بقت فيا
قولولي انا كده مكبره الموضوع والا اعمل ايه

المشكله التانيه

خطيبي كداب كبير اوي ومبرره ( انا بحبك وبخاف عليكي مش عايز ازعلك )
يعني لو زبونه عاديه بتكلمه يقولي ده زبون او واحد صاحبي
ولو شفت اسم واحده علي الموبايل يقولي ده صاحبه اختي وهي تكون زبونه
ولو وقف مع اصحابه شويه بعد الشغل يقولي اصلي كان في واحد عنده مشكله وبيحكيلي اللي حصل
الحقيقه انا اللي خليته يكدب عليا في الاول لاني كنت فعلا بعمله مشكله علي اقل شئ فابتدي يكدب عليا عشان ميزعلنيش
احب اقولكم ان ده من الحاجات اللي اكتشفتها برضه مؤخرا وسبببت مشاكل كتير لحد ما حاولت افهمه انه عادي هتقبل الامر لو زبونه كلمتك في طلب هي عايزاه طالما انه شغل ومفيش حاجه غلط بس بعد ايه بعد ما اعصابي انهارت ونفسيتي تعبت من الكدب ويقولي انا بخاف عليكي ومش عايزك تزعلي
هو ابتدي يتغيرويحكيلي علي كل حاجه
بس المشكله اني برضه مش عارفه اصدقه ميه في الميه لازم يبقي في بالي ان ممكن يكون كدب وبحمد ربنا لما اعرف انه مكنش كدب

انا مش عارفه اعمل ايه هو بيحبني وانا بحبه وهو فعلا بيخاف علي زعلي اوي وده سبب لنا مشاكل كتير لاني كنت دايما اقوله لو عملت حاجه غلط احكيلي زعلي منك مش هيكون زي زعلي لما اعرف انك كدبت لانه في الحاله ده هتكون غلطت وكمان كدبت بس للاسف هو اتعلم متأخر اوي واتغير بعد فوا الاوان بعد ماخلاص فقدت ثقتي فيه ومش عارف اصدقه تاني مع اني بحاول وبجي علي نفسي كتير عشان ميعرفش ده بس بيعرف من اقل مشكله وبيزعل لاني مش بثق فيه

طولت عليكوا
بس فعلا محتاجه حد يساعدني لانه هو ابتدي يتغير
بس للاسف انامش عارفه انسي ولا اسامح بقول الايام هتنسيني بعد الجواز وممكن اللي انا فيه ده بسبب بعضنا عن بعض لحد دلوقتي بس الخوف انه تفضل هواجس انه ممكن يكلم واحده تانيه وانه لو قالي علي حاجه ممكن تكون كدب وافضل حاطه ايدي علي قلبي لحد ما اتأكد انه فعلا صادق , كل ده يفضل معايا وينكد عليا حاتي معاه

وسؤال مهم اوي اوي اوي ؟؟؟؟؟؟؟؟؟؟؟؟؟
صحيح الرجاله بتتغير بعد الجواز وحالها بينصلح والا بيفضلوا علي حالهم ؟؟؟؟؟؟!!!!!!!!!

اتمني تساعدوني
وشكرا

بصي يا حبيبتي ما اخبيش عليكي دي كلها حاجات تقلق بجد، وممكن فعلا تعمل مشاكل جامدة بينكم بعد كدة، انا مش هقولك سيبيه، بس هقولك حطي في دماغك كويس انك تستحملي حوارات زي دي واكتر بعد الجواز لأنك هتبقي معاه علطول، وما تعتقديش ان الحياة هتبقى وردي وانه هيتغير عشان بيحبك لان كل دي اوهام، ماحدش بيتغير مية في المية ولا حتى 80 والتغيير بيبقى قليل، بالمنطق كدة واحد بقاله على الاقل 27 سنة متعود ومتربي على حاجة، هيغيرها ازاي في شهور، وانت اكيد كدة وانا وكلنا، فالحل انك بس تبقي عارفة ان التغيير بيبقى بسيط، ونصيحة والله اخوية مني عشان ما تتصدميش صدمتي، انك تعيشي الواقع والله حسيتي انك هتقدري تتعايشي معاه وتطنشي بعض حاجات، والباقي تلهيه عن الحاجات التانية يعني تبقي علطول فول اوبشن واللي هينفعك كمان ان هو بيحبك ، توكلي على الله، بس بعد كدة ما تجيش تقولي اصل كنت فاكراه هيتغير، اصلي ماكنتش فاكرة كدة، انت عارفاه اهوه من دلوقتي وعرفتي طباعه، وادعي ربنا يهديهولك، وبذكاء الانثى خليكي انت كل حياته.
وربنا يوفقك يا حبيبتي للي فيه الخير يارب.

شكرا علي ردك فرح1983

مشكلتي اني بحبه اوي وحاطه امل انه هيتغير وده اللي مخوفني انه ميحصلش كده
بس برجع اقول لنفس مفيش راجل في الدنيا ده كامل وكله صفات كويسه لازم هيبقي في مشكله في حاجه
بس المشكله دلوقتي فيا انا انا اللي مش عارفه اتأقلم مع كل اللي حصل وحاسه اني لسه في صدمه
عشان كده عايزه اعرف منكم اتصرف ازاي واطلع من اللي انا فيه ازاي

ممكن يتغير فيه ناس كتير اتغيروا

حبيبتي الغالية عليك بالدعاء والدعاء والدعاء إنه ربنا يصلحلك خطيبك وأستخييييييييييييييييييييييري كثيييييييييييير وربنا يكتبلك الخير ياااارب

بالنسبة للمشكلة الأولى
هو فعلا أخطأ لما كان يكلم وحدة متزوجة وولكن هو ندم وما استمر معها وعرف خطأه وأخبرك بالذي بينه وبينها ولم يسكت وهذا شئ اجابي وكذلك قطع كل اتصالاته معها وفعل المستحيل لكي يحافظ عليك فكان المفروض منك انك تسامحيه وتحاولي تثقي فيه ولاتبيني له عدم ثقتك فيه واتكلي على ربك ولا تدوري وراه لكي ترتاحي وصدقيني مهما فعل من وراك سيظهره الله لك ان اتكلت عليه.
أما المشكلة الثانية
فأعتقد أن السبب الذي يجعل خطيبك يكذب عليه هو انت لأنك شكلك غيورة جدا وبتحققي معه في كل شئ فيظطر يكذب لأجل ألا يزعلك وهذا الشئ راح يتعبك ويتعب خطيبك معك فنصيحتي لك اتركي التنبيش في موبايل زوجك وأغراضه وسؤاله عن كل مكالمة وتفاصيلها ولماذا فعل هذا الشئ وترك ذلك لأنك ان استمريت على ذلك راح يطفش منك وتزيد المشاكل بينكم وكما قلت لك اتكلي على ربك وادعي لزوجك بأن الله يحفظه من كل فتنة
والله يوفقك

شكرا لردودكم
بجد افادتني
و ام ليان
انا فعلا السبب بغيرتي عليه الزياده بس انا هعمل بنصيحتك بذات في موضوع الموبايل لاني فعلا بعمل كده بفتش موبايله ومحفظته كمان بس انا عمري ما عملت كده معاه اللي من بعد اللي حصل
انا اسمع نصايحكم وهدعي ربنا يهديه ليا

الغالية كلاسيك
ربنا يتمم لك على خير ويهدي خطيبك ويوفقك في حياتك..

اختي لو اعاد كذبه مرة اخرى..قفي عند الكذبة ثم اخبريه انه ليس مجبرا على الكذب
ولا مضطرا بأي حال من الاحوال ليكذب مبررا تصرفاته...
والا ربما كان طبع لديه ..وهو موجود لدى الكثير من الشباب...
هنا اؤكد لكِ انك ستدخلين مرحلة من المرار تمتد وليس هناك ضمان بالتغير..

اختي سؤال مباشر ومهم: هل سألتم عنه وعن اخلاقياته في السوق؟
اختي كثير من التجار للأسف يكذبون... ويرون النساء بشكل متكرر...
لذلك ارجو منك ان تتحري الامر جيدا وتتأكدي قبل ان يتم الزواج
حتى لو تم فليتم على نور وبصيرة... فهو شركة فيها عقد من اعظم العقود عند الله عزوجل..
فلا تستهيني بالامر ابدا وتجعلي العواطف والحب هي من يحكم ويقرر عنك.. أنتِ..

بالتوفيق غاليتي..

بصى يا كلاسيك انا كنت حاسه انى بقرأ تاريخ حياتى بالظبط مع اختلافات بسيطه وهى انى قدرت اسيبه فعلا لفتره شهرين حاول هو بكل الطرق انه يرجعلى وانا رفضت لانى شايفه انى الخيانه مش ممكن تغتفر وهى اكتر حاجه ممكن الراجل يجرح بيها الست بس بعد المده دى لقيت ان حياته اتغيرت وقرب من ربنا اكتر وركز فى شغل اكتر وعرفت من ناس كتييير انه فى حاله اكتئاب ومش بيخرج مع اصحابه ولا اى حاجه من بتاعت زمان وهنا حسيت انه بجد اتغير ولانى فى نفس الوقت كنت فى حاله نفسيه زى الزفت ومش قادره اتخيل نفسى لحد غيره فوافقت انى ارجعله بس طبعا بطريقه ثقيله وانى ابين له انى هفضل طول عمرى فاكره انه خانى ولو بمجرد التفكير فى حد تانى وهو وشطارته بقى انه ينسينى واحنا دلوقتى متجوزين بقالنا سنتين إلا شهر وعندنا عمر عنده 10 شهور وهو اتغييييييييييييييييييييييييييييييييير جدا جدا جدا بعد الجواز للأحسن كتييييييييير وبقينا انا وابنه كل حياته وهو فعلا حب العمر زى ما بيقولوا. بس لازم اقولك على ملحوظه مهمه جدا انا جوزى مكنش بيكدب عليا فى اى حاجه لدرجه انى كنت زمان بقوله لما تعمل حاجه متقوليش لانى كده بتعذب . الكدب دا شىء خطير وداء صعب العلاج منه
كونى حريصه انا قولتلك تجربتى ونصيحتى فى نفس الوقت
ويارب يكملك على خير ويوفقك ويسعدك فى حياتك
والســـلام عليكم ورحمة الله وبركاته

كتبت بواسطة كلاسيك2009

السلام عليكم



عندي سؤال لكل المتزوجات ؟؟
هو بصراحه كذا سؤال؟؟؟؟؟؟؟؟
ممكن تساعدوني

انا فرحي قرب وعندي مشاكل عايزه احلها مع نفسي قبل الجواز عشان اعرف اعيش في سعاده باقي حياتي

اسمحولي احكيلكم مشاكلي وياريت تساعدوني بأرئكم

انا مرتطه بخطيبي بقالنا فتره طويله اوي وبنحب بعض اوي

اول مشكله عندي

من فتره اكتشفت حاجه مخلياني لحد دلوقتي في صدمه
خطيبي بيحبني اوي وانا واثقه بس هو شغله في سوق يعني عنده محل وبيجيلوا زباين كتير ومن فتره ربنا رزقه بواحده من الستات اللي متعرفش ربنا ولا تعرف حياء مش عارفه اقول ايه المهم الست ده متجوزه وعندها عيال وهي مش مبسوطه مع جوزها لما راحت عند خطيبي ابتدت تتقرب منه وهو بيعاملها علي انها زبونه عاديه وبعدين خدت رقم موبايله وهو للاسف من النوع اللي مش بيعرف يكسف حد المهم ابتدت تكلمه وتتقرب منه وهو ابتدي يرد عليها ويكلمها كل ده طبعا من ورايا وابتدت ترسم علي جواز منه وانها خلاص هتتطلق من جوزها مع العلم انها اكبر منه (خطيبي) وعندها عيال وابتدت تبعتله كروت غراميه وهوللاسف كان بياخدها منها المهم هو بعد شويه ابتدي يفوق لنفسه وابتدي يتهرب منها وكل ده من غير ما انا اعرف حاجه لحد ما هو جه قالي بنفسه بعض مشاكل كتير ما حصلت بينا بسبب تليفونه اللي علي طول الوقت مشغول وحاله اللي انقلب طبعا انا اتصدمت وقلبت الدنيا وكانت خناقه كبيره وكنا خلاص هنسيب بعض ولانه بيحبني وانا بحبه حاول يسترضيني كتير ويطلب السماح وانها كانت غلطه ومحصلش حاجه بينهم وكل غلطته انه سمح لنفسه انه يتكلم معاها واداها فرصه لكده طبعا بعد الحاح منه ومن اهله اني اسامحه اديته فرصه تانيه ومسيبتوش وهي فضلت بعدها تطارده وكان بيقولي لما تكلمه علي اللي حصل ( قال يعني حسن نيه منه)
المهم انا فضلت فتره طويله في حاله صدمه وحاله نفسيه زي الزفت لانه ده كانت اخر حاجه اتوقعها منه بعد الحب الكبير اللي بينا وهو عارف اني كنت بثق فيه
المهم احنا رجعنا كويسين تاني والحمد لله خلاص فرحنا قرب وابتديت شويه اثق فيه بس مش اوي وكل ما احاول اوهمه اني رجعت اثق فيه تماما للاسف تحصل هفوات بسيطه تعرفه اني لسه بشك فيه
انا عارفه انه بيحبني وهو قالي محصلش بينهم حاجه وان هو من نفسه جه حكالي
بس المشكله انا مش عارفه اسامحه لحد دلوقتي وكتير اوي بفتكر اللي عمله مع انه عدي عليه حوالي 4 شهور بس لسه بفتكر اللي حصل كأنه امبارح واسأل لنفس ليه سمح لنفسه انه يعمل فيا كده اضمن منين انه مش هيعمل كده تاني مع انه كتير بيقولي انه كويس ان ده حصل قبل الجواز عشان يتعلم غلطه وميحصلش تاني
بس اضمن منين وانا كمان مش قادره انسي ولا عارفه اسامحه ومها بحاول اداري ده بيبان عليا
انا معتبره اللي عمله خيانه بس هو بيقولي لأ لأنه محصلش بينهم حاجه
انا خايفه اوي
مش عارفه اعمل ايه المشكله دلوقتي بقت فيا
قولولي انا كده مكبره الموضوع والا اعمل ايه

المشكله التانيه

خطيبي كداب كبير اوي ومبرره ( انا بحبك وبخاف عليكي مش عايز ازعلك )
يعني لو زبونه عاديه بتكلمه يقولي ده زبون او واحد صاحبي
ولو شفت اسم واحده علي الموبايل يقولي ده صاحبه اختي وهي تكون زبونه
ولو وقف مع اصحابه شويه بعد الشغل يقولي اصلي كان في واحد عنده مشكله وبيحكيلي اللي حصل
الحقيقه انا اللي خليته يكدب عليا في الاول لاني كنت فعلا بعمله مشكله علي اقل شئ فابتدي يكدب عليا عشان ميزعلنيش
احب اقولكم ان ده من الحاجات اللي اكتشفتها برضه مؤخرا وسبببت مشاكل كتير لحد ما حاولت افهمه انه عادي هتقبل الامر لو زبونه كلمتك في طلب هي عايزاه طالما انه شغل ومفيش حاجه غلط بس بعد ايه بعد ما اعصابي انهارت ونفسيتي تعبت من الكدب ويقولي انا بخاف عليكي ومش عايزك تزعلي
هو ابتدي يتغيرويحكيلي علي كل حاجه
بس المشكله اني برضه مش عارفه اصدقه ميه في الميه لازم يبقي في بالي ان ممكن يكون كدب وبحمد ربنا لما اعرف انه مكنش كدب

انا مش عارفه اعمل ايه هو بيحبني وانا بحبه وهو فعلا بيخاف علي زعلي اوي وده سبب لنا مشاكل كتير لاني كنت دايما اقوله لو عملت حاجه غلط احكيلي زعلي منك مش هيكون زي زعلي لما اعرف انك كدبت لانه في الحاله ده هتكون غلطت وكمان كدبت بس للاسف هو اتعلم متأخر اوي واتغير بعد فوا الاوان بعد ماخلاص فقدت ثقتي فيه ومش عارف اصدقه تاني مع اني بحاول وبجي علي نفسي كتير عشان ميعرفش ده بس بيعرف من اقل مشكله وبيزعل لاني مش بثق فيه

طولت عليكوا
بس فعلا محتاجه حد يساعدني لانه هو ابتدي يتغير
بس للاسف انامش عارفه انسي ولا اسامح بقول الايام هتنسيني بعد الجواز وممكن اللي انا فيه ده بسبب بعضنا عن بعض لحد دلوقتي بس الخوف انه تفضل هواجس انه ممكن يكلم واحده تانيه وانه لو قالي علي حاجه ممكن تكون كدب وافضل حاطه ايدي علي قلبي لحد ما اتأكد انه فعلا صادق , كل ده يفضل معايا وينكد عليا حاتي معاه

وسؤال مهم اوي اوي اوي ؟؟؟؟؟؟؟؟؟؟؟؟؟
صحيح الرجاله بتتغير بعد الجواز وحالها بينصلح والا بيفضلوا علي حالهم ؟؟؟؟؟؟!!!!!!!!!

اتمني تساعدوني
وشكرا

عزيزتي الله يهديك أنت مكبرة الموضوع

المهم الأن بأنك قد وضحت له موقفك تجاه مثل هذه الغلطات

عزيزتي باين على خطيبك أنه يحبك وكل اللي بيعمله حول المشكلة الثانية

هو أنها خايف تشكي فيه مرة ثانية

بكل هدوء وثقة قولي له بأنه يمكنه بأن يهدأ أعصابه ويتكلم مع من يريد أمامك وبدون خوف

وأنك تتفهمين طبيعة عمله ولكن عليه بالمقابل أن يكون بقدر الثقة التي منحتها إياه

عزيزتي المشاكل لا بد منها قبل أم بعد الزواج

والرجل يتغير نعم بعد الزواج ولكن لا تنسي بأن المرأة تتغير أيضاً بعد الزواج

وهنا تأتي مهمة اكبر لكلا الطرفين بعد الزواج بأن يشد شريكه نحو بر الأمان معه

امنحيه كل ما تملكين من مشاعر صادقة وابتغي في ذلك وجه ربك

فليس هناك أجمل من زواج ينذر لله تعالى ويكون فيه الزوجان مجتمعان على حب الله وفي الله

شديه معك ليكون لك كما تريدين مثلاً بأن تكون لكما أنشطة خاصة لا يمكن لأي شيء آخر أن يطغى عليها

كحفظ القرآن أو الصلاة والنزهات والزيارات .... الخ

حافظي عليه يا أختي فواضح أنه شاريك ويتمنى رضاك

وأنت بذكائك تستطيعين أن تجعليه لا يهتم بكل الزبائن من حوله وأن تجعليه يعود للمنزل مهرولاً لكي يكون بجانبك فقط

الله يوفقك يا رب وييسر لك كل أمورك