ياجماعة راحت فين العلاقة الحلوة بين الازواج فين المودة والرحمة ال الرسول صلى اللة علية وسلم وصى بيهم لية العنف انتشر جدا بين المتزوجين اكنهم داخلين حرب وهنشوف مين ال هيكسب لية كل حاجة بالعند والقوة والعنف لية كل دة راحت فين العلاقة الحلوة والرومانسية والمودة والرحمة من حياتنا لية بقت حياتنا متطلبات ورغبات فين العلاقة الهادية لالاسف زهبت مع الريح ليا قريبة بتترعب من زوجها جدا بيمثل ليها حلقة رعب ف حياتها بتتعامل معاة اكنة ظابط لية كل دة وقريبة تانية زوجها بيعاملها بمنتهى العنف والاهانة من ضرب وحرمان وجوع كل حاجة هما بنات الناس راحين يتجوزو ولا يتبهدلو طبعا الحياة اتغيرت بس مش لازم تغير علاقة الزوجين ببعض اتحدى ان اى واحدة سعيدة بمعنى الكلمة مع زوجها اكيد فى منغصات ف حياتهم وطبعا بتاثر على علاقتهم ببعض المفروض الزوجين يهربو من المشاكل ويرجعو لحضن بعض حتى لو فية اية علاقتهم الحلوة وحضنهم الدافئ هيحلو اى عقبة ف طريقهم بس لللاسف مفيش الكلام دة انا يمكن رومانسية اوى بس صدقونى دى مشكلة ف حياتى حد يجاوبنى راحت فين العلاقة الحلوة والمشاعر الجميلة بين الازواج

السلام عليكم

أختي لو قبل الزواج عملنا إستخاره على الزوج المتقدم للزواج
معتقدش ربنا حيتخلى عن اللي إستخارته ورضيت بقضائه
وأنصحك إنك لما تتزوجي - اعتقد إنك لسه متزوجتيش -
إنك تكوني مُبادره
بمعنى لو إنتي عايزه زوجك يعاملك بالمثل ، إبدأي إنتي
ومع الوقت حيتعود على طريقتك وحيكون رد فعله إنه يقابل الإحسان والمعامله الحلوة بالمثل

ومتاخديش أقاربك مقياس للزواج
لأنه موجود الزيجات السعيده في الدنيا أو اللي يغلب عليها طابع السعاده
واللي هو في الأصل بسبب وجود الموده والرحمه بينهم
وفي حاجه مهمه جداً جداً لتحقيق السعاده والرضا عموماً مش للمتزوجين بس
وهي مراعاة الله في كل شئونك
مع المداومه على الأذكار اليوميه والإستغفار
متشيليش هم من دلوقتي وسيبيها على ربنا هو اللي بإيده يسعدنا لو رضي عنا
ولو حصل مشقه وتعب في حياة الإنسان
بيكون إبتلاء وإختبار من الله سبحانه وتعالى
وما علينا إلا الصبر والتوكل على الله وحُسن الظن به

أتمني لك كل سعاده