السلام عليكم يا امهات يا حلوات يا حنونااااااااااااااااااااااااااات

بصراحة الموضوع عاملى مشاكل كتير و محيرنى فقلت اشرككم معايا فيه
ياريت نتناقش و كل واحدة تقول رأيها


انتى بتشتغلى و لا لأ؟؟؟؟؟؟؟؟؟؟

هو ده السؤال


طيب شغلك له تأثير على بيتك؟ بالسلب و لا بالايجاب؟


طب ايه سلبيات و ايجابيات الشغل او القعدة فى البيت؟


طب سؤال كمان لو سمحتى قبل ما تمشى


لو بتشتغلى قوليلنا بتنظمى وقتك ازاى بين البيت و الشغل



.
.

يعنى انا مثلا خريجة جامعة
اول ما خلصت اتجوزت و خلفت
دلوقتى ابنى عنده سنة و 3 شهور
انا زهقت و نفسى اشتغل
بس خايفة على ابنى مش عارفة اسيبه فين
خصوصا انى ف بلد غير بلدى
يعنى ماينفعش اسيبه عند ماما او حماتى
جوزى رافض الفكرة و بيقولى ده هياثر ع البيت
و انا محتارة هفضل كده ف البيت و انا زهقانة و نفسيتى تتعب
و لا انزل اشتغل و اسيب ابنى ف حضانة و هو لسا صغير كده
مانا لو مااشتغلتش دلوقتى خلاص هجيب طفل تانى و تبدأ اللفة من جديد
انا جوزى مكفينى و مكفى بيتى الحمدلله
لكن انا محتاجة الشغل اولا نفسيا و ثانيا لغرض تانى فى دماغى
ها ايه رايكم
احكوا لنا تجربتكم

أم سيسو حبيبتي
يسعدني ان اكون اول واحدة ترد على استفتاءك الروووعة..
كأنك تتكلمي عن تجربتي الشخصية مع الفارق بين عمر ابنتي وابنك ولكن موضوع الشغل يهمنا خاصة ونحن اكملنا الدراسة الجامعية وبتفوق.. وصدقيني انا لست ممن يقولون: اريد اشتغل حتى اجد نفسي! ولكن لأن كثر الجلوس بالبيت يجعل عقولنا تجمد خاصة ونحن بغربة وليس لدينا اهل نلتقي معهم ونقضي جزء من اليوم وعطلة آخر الاسبوع.. كما انه ليس الهدف فقط نفسي بل ايضا مادي لأن وجودنا بالغربة لن يدوم وممكن نختصر الزمن ونساعد ازواجنا.. أما الجانب الآخر المرهق نفسيا هو كيف اترك بنوتتي ولمن اتركها؟؟ انا ضد الحضانة ما دام زوجي يكفيني والحمد لله اعتقد ان بنوتتي لها الحق الاكبر ان اكون بقربها وبرأيي الى ان تدخل كي جي1 ممكن اعمل بحيث اكون بالبيت لما ترجع هي ووالدها.. ويااااااااا ريت الأمهات يفيدونا بتجاربهم.. تسلم ايدك اختيارك للموضوع رااااااائع ويطرق على الوتر الحساس

انا كمان اتخرجت و اتجوزت و خلفت بس انا من فبل ما اتخرج و انا مقررة انى اقعد في البيت عشان جوزى و اولادى و طبعا جوزى مبسووووووووووووووووط كده جدا منكرش انى اوقات بزهق و ببقى حاسة انى عايزة انزل شغل لانى بفكر هو انا هفضل كده يعني قاعده في البيت و بس ...... بس بعد كده بلاقى نفسي معنديش وقت اعمل حاجة من بنتى فاقول امال لو اشتغلت هعمل ايه انا شايفة ان طالما الزوج رافض يبقى خلاص ملهاش لازمة المشاكل و البيت و الاولاد هيشغلونا اكيد.

موضوع رائع وضرب ع الوتر الحساس...

انتى بتشتغلى و لا لأ؟؟؟؟؟؟؟؟؟؟

اهه.. محامية.. بعيد عنكو.. يعني شغلي بتطلب وقت كتير ودوام طويل..
بس لمن خلفت.. طلبت ينزلولي بالوظيفة.. ولحسن حظي.. وبما انهن بستغنوش عني بالشغل.. وافقوا..

طيب شغلك له تأثير على بيتك؟ بالسلب و لا بالايجاب؟

مرات هيك ومرات هيك... بصراحة بحس مرات انه الشغل بينظملي وقتي اكتر من القعدة بالبيت..

طب ايه سلبيات و ايجابيات الشغل او القعدة فى البيت؟

سلبيات الشغل كتيرة.. منها انك مهما تحاولي تنظمي امورك.. دايما شي بيجي ع حساب شي تاني.. فبتبقي مقصرة بشغلك وببيتك وباولادك وجوزك..

الايجابيات: نظام اكتر.. يعني انا باليوم اللي بشتغل فيه بحس انه في نظام معين وكل شي بينعمل بوقته.. اما في ايام العطلة فالنهار بيخلص وانا مش عاملة شي..
وكمان الشغل بعطي معنى لحياتك وبيزيد دخل العيلة وبيقلل من المشاكل الزوجية..

لو بتشتغلى قوليلنا بتنظمى وقتك ازاى بين البيت و الشغل

الصبح طبعا بحضر الاولاد للحضانة وبحط زوم غسيل.. وبعد ما ارجع... يعني الساعة 4.. بنشر الغسيلات وببدا احضر الغدا... اللي هو عشا... طبعا اولادي بيكوني متغديين بالحضانة.. عبين ما تطلع الطبخة بقعد العب مع اولادي..

بعدين منتعشى.. وبقعد كمان مرة مع اولادي وجوزي... وببدا ارتب وانظف البيت ع السريع.. وبعدين بييجي وقت الحمام والنوم.. وبعدها ساعة مع جوزي..

بصراحة بتيجي عندي واحدة بتساعني مرة بالجمعتين -يوم خميس- وانا بالشغل.. بتنفضلي البيت نفض... بهداك النهار وبنهاية الاسبوع البيت بيكون نظيف فبتفضى للكوي... اما بالجمعة اللي ما بتيجي فيها.. فنهاية الاسبوع بيكون عندي شغل ليوم الشغل...

انا صحيح مرات كتير بتعب.. وبقول خلص ما عدتش اقدر... بس انا بعرف حالي.. مش ممكن اقعد بالبيت من غير شغل..

بالنسبه لي انا اشتغل صارلي 5 سنين من ثبل الزواج ،،، ولما ولدت اخذت اجازة شهلاين اموومه ،، والله مليييت من البيت ،، ووقت الدوام بنتي اوديها عند امي والحمد لله اكون مطمنه عليها ،، وما اتخيل نفسي بدووون عمل ،،، احب عملي والناس الي معايا لأني اجتماعيه

و عليكم السلام عزيزتي أزميرلدا
بالنسبة لي أنا خريجة جامعة من 7 سنوات و بدأت أعمل من 5 سنوات و في نفس السنة
تزوجت يعني بداية حياتي المهنية مع حياتي الزوجية تعبت في الأول لأني كانت بداية صعبة خصوصا أنها بداية لحيايتين معا لم أكن أعرف عنهما شيئا .
وبعد حوالي 1.5 عام تولد يونس حفظه الله وهنا أعلنت تعبي الكلي
ولكن و لله الحمد مع فوات الوقت بدأت بالتدريج أتأقلم .و أنا الآن تقريبا مسيطرة على ظروفي
تماما. و موفقة بين البيت و تربية يونس و العمل و الكل يعتمد عزيزتي على النظام.
المهم تعرفي كيف تنظمي نفسك دون الإستغناء عن جهة من الجهات
وفي الأول و الأخير الله المستعان

السلام عليكم

انا من ساعة متخرجت لم اجد فرصة للعمل بسسب تخصصى فأنا متخرجة من كلية الزراعة والمجال فيها صعب ولما تزوجت اصبح المانع من زوجى حتى للعمل فى مجال
وبصراحة انا سعيدة ببيتى وبنظام حياتى ومتخيلة انى لو اشتغلت مش هكون سعيدة ولا هعرف انظم وقتى واسعد بكل دقيقة فى يومى وفى نظرى ان السيدة العاملة المنظمة لوقتها هى فعلا امرأة ناجحة والله يوفق الجميع

بصى

انا رابع اختيار ومبسوطه بيييييه اوى لله الف حمد

ولو فكرت اشتغل فى يوم

بطلع عليه فى نفس اليوم واغير رائى

وشكرا على موضوعك يا ام سيسو اللذيذو

وعليكم السلام ورحمة الله تعالى وبركاته
انا الاختيار الرابع
ومرتاحة والحمد لله