أحكى لنا >>> كيف كان التعارف ؟؟؟؟؟؟؟؟؟

**azmiralda000** · 28-07-2008, 08:19 AM

تعالو يا بنات نفتكر الايام الحلوة و كل واحدة تحكى لنا على قصة جوازها و ازاى اتعرفت على جوزها
كان جواز صالونات و لا عن حب
لو انتى متجوزة جواز صالونات قوليلنا هل فعلا الحب بييجى بعد الجواز
يالا تعالوا و احكوا و سمعونا

**azmiralda000** · 28-07-2008, 08:22 AM

انا هبدأ
.
.
.
انا اتجوزت عن قصة حب طويلة دامت لمدة 3 سنوات
.
.
.
اتعرفت على جوزى فى فرح
اعجبنا ببعض من اول لحظة
اتعرفنا و اتكلمنا كتيييييييييييير من غير مانصرح بحبنا
جوزى كان لسه ظروفه ماتسمحش بالجواز
سافر يشتغل و فضل يكلمنى
لما ظروفه اتحسنت اخيراااااااااااا
.
.
.
صارحنى بحبه و قالى هنزل ف الاجازة اخطبك
اتخطبنا 8 شهور و بعدها اتجوزنا
و بعدها بسنة و شهر جبنا الاستاذ سيسو
ربنا يخليهم الاتنين سيسو و ابو سيسو

**yehia2007** · 28-07-2008, 08:30 AM

ههههههههههههههههههه ربنا يخليهم يا رب
انتى بتقولى قصة حب طوييييييييله 3 سنوات
انا اقول على نفسى ايه 10 سنوات بس مش حقدر احكيها دلوقتى لاحسن دى عايزالها قعده وانا لسه منمتش من امبارح
لى عوده ان شاء الله

**abeer taher** · 28-07-2008, 08:39 AM

الله يخليلك سيسو وأبو سيسو يا رب يا أزميرالدا
أنا كمان قصتي بتشبه قصتك بس أحنا حبينا بعض 4 سنوات وتعرفنا على بعض في الشغل كنا ساكنين في نفس المنطقة وبنروح في سيارة الشغل وهيك صار النصيب وهلأ صار لنا 4 سنوات متزوجين وعنا ولدين الله يحميهم

**صاحبة البيت** · 28-07-2008, 10:59 AM

ياسين يا ولدى أمك لسه بتجول حب
أجتلها يا ولدى وأغسل عارك

دى جالت أنها بتحب أبوك
أباى

التار ولا العار يا ولدى

هو فى واحدة تعمل اللى أمك بتعمله

يظهلر أنها شالت توب الخشى ياولدى
أقتلها يا ولدى

**نور تقية** · 28-07-2008, 11:47 AM

موضوعك لذيذ ام ياسيين

و فكرتينى بالذى مضى هههههه

الحمد لله اتجوزت عن حب و زوجى كان زميل دراسة و بعد ما خلصنا

و الظروف اتحسنت و الحمد لله رب العالميين اتجوزنا من 5 سنيين يعنى

عارفيين بعض دلوقتى من 10 سنيين و ربنا ينعم علينا بالستر و السعادة و راحة البال

و شكرا على الموضوع الجميل

**lubnam** · 28-07-2008, 12:00 PM

انا يقى اتجوزت جواز صالونات
هو قريب مرات خاليوجه عندنا وشوفته وشافني وحصل نصيب
والحمد لله عندي دلوقت عمر وحامل في التاني
ربنا يخليلي العيال وابوهم يارب

**صاحبة البيت** · 28-07-2008, 12:10 PM

يوه ......نسيتونى أقولكم أتعرفت عليه أزاى
والده كان صديق والدى

وظل والده يحاول مع والدى لمدة عام
ووالدى رافض لأن أمى كانت مريضة

وأنا كنت والحمد لله اللى باخدمها
وكانت لا ترضى بغيرى
بالرغم من وجود أخواتى معى
وقد كان
زواج أنتريهات

أصل أحنا معندناش صالون

وطبعا أتعلقت به جدا
لأن والدتى توفيت
بعد خطبتى مباشرةوالحمد لله

**randoda2002** · 28-07-2008, 01:53 PM

انا وكل اخواتي اتزوجنا زواج تقليدي

والحمدلله مبسوطين مع ازواجنا
والله يخليلنا ولادنا ويحفظهم

**ghada00** · 28-07-2008, 02:08 PM

تعارف تقليدى بس تحول لحب الحمدلله

باقى يومين و نكمل سنتين متجوزين والحمد لله متفاهمين و بنحب بعض و بنخاف على بعض

امانة تدعولنا ربنا يرزقنا بالذرية الصالحة يا رب

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

عرض نتائج الاستفتاء: أتجوزتى إزاى ؟؟؟؟

الموضوع: أحكى لنا >>> كيف كان التعارف ؟؟؟؟؟؟؟؟؟

أدوات الموضوع

العرض