توفى الاب وترك سبعة ابناء.........(ارجوكم لا تملوا من قراءة الموضوع لانه قد يلامس حال الكثيرين )
خمس بنات وولدين
البنات الخمسة متزوجات
ولد واحد متزوج
الاب كان ميسور الحال بنى بيتا واسكن فيه بناته كل بنت ولها شقة
هو لم يكتب اى شقة بأسم اى واحدة وحتى الولد المتزوج ابوه اسكنه فى بيت أخر يملكه الاب ولم يكتبها بأسمه ترك كل شى مشاع الا محل وجزء فى بيت وارض المفروض انها بأسم ولد منهم ولكن تبقى امانة لحين تقسيمها بينه وبين اخواته وفوق هذه الارض منزل خاص بهذه الارض
يعنى المحل وارض بمساحة اربعة افدنة ( بأسم ولد منهم) و نصيب فى السيارة بما يعادل الثلثين وشقة فى بيت وثلاثة مخازن كل هذا بأسم الولدين
ورغم ذلك ما زال فى التركة الكثير
البيت الذى تسكنه البنات
ارض زراعية
نصيب يعادل الثلث فى السيارة
منزل مؤجر لسكان وفيه يسكن الولد وبنت من البنات(هذا البيت مكون من 14 شقة)
منزل فى الريف وبجانبه قطعة ارض بمساحة 45 متر
ارض زراعية اخرى
شقة فى بيت
تعالوا نقسم نسيت اقولكم ان فيه زوجة اب يعنى لها الثمن
تعالوا نقسم
زوجة الاب اخذت نصيبها فلوس
تعالوا نقسم بين الاخوات
سنة عشان نقسم
عارفين ليه
عشان البنات قالوا لاخوهم شوف الديون اللى على والدنا وبعد كده نشوف
الميراث
ظل الاخ يلم ايجار البيت اللى فيه سكان ويلم ايجار الاراضى الزراعية والبنات لا يقولون له شى على اعتبار انه بيسدد الد يون اللى على الوالد
وكان عن طيب خاطر من البنات مثل هذا التصرف حتى يخلصوا ذمة ابيهم من اى
ديون وطبعا الاخ لم يسدد اى شى الا بعد بيع شقة كانت مؤجرة ايجار جديد
المهم بعد سنة تم بيع شقة من البيت المؤجر حتى يعطوا زوجة الاب نصيبها
وطبعا كانت هناك شبهات حول كيفية بيع هذه الشقة من ناحية الولدين فقد اختصوها لانفسهم هما الاثنين كى يكون باقى فلوس الشقة من نصيبهم وكى
يكون نصيب زوجة الاب بعد خروجها من التركة من نصيب الولدين اى انهم اشتروه منها
خلوا بالكم احنا لسة مقسمناش التركة
تعالوا نقسم سيبكم من اللى بأسم الولدين خلونا ف اللى بأسم الوالد
لم يوجد خلاف فى اى شى سوى شقق البنات
الم يكن اولى على الولدين الا يتكلموا بشأن هذه الشقق
كل بنت افتكرت انه لن تدخل هذه الشقق داخل الميراث
كان فى اذهانهم انها شى مفروغ منه
ابويا اعطانى شقة خلاص خلصت ولكن
البنات دخلوا الميراث علشان يورثوا
تخيلوا لما تقعد فى مكان حوالى 20 سنة وفى الاخر تطلع منه مديون وعشان يكون ليك تتنازل عن بعض من التركة او كلها حتى تكون شقتى بتاعتى بدون منازع
وفى الاخر برضه يشاركنى فى ارض البيت
الم يكن اولىبالاخوين ان يتركوا شقق البنات بدون ان ينازعوهم فيها
أه الاب لم يكتبلهم الشقق ولكن هذه الشقق كانت من ضمن اتفاق الزواج الاب يعطى لابنته الشقة والعريس يجهزها
بالقانون الشقق مشاع لم نقل شيئا ...........ولكن بالاخوة ............
الم يكفهم ما كتبه الاب بأسمائهم كى يتركوا لنا الشقق بلا منازع
الم يكفى الاخ الذى فى حوزته الاربعة فدادين الامانة والذى يقول عنهم انها تعتبر هبة ولا يجوز منا ان نشاركه فيها
الم يكفيهم بعد ما كتب لهم انهم يدخلون معنا الميراث ايضا
لما الواحد يعيش فى مكان عمره كله وفى الاخر حد يقولك بالقانون وبالشرع
ليس ملكك انا معاك فيه
طب فين الاخوة والرحمة
كانك شجرة وجاء من يقتلعك من مكانك
ياترى قسمة الحق بالشرع والقانون ولا بالاخوة
اسفة للاطالة
على فكرة اوقات القاضى فى المحكمة لا يحكم بالقانون ولكن يحكم بروح القانون
اما هؤلاء الاخوة لا اعرف بنوا حكمهم على اى اثاث
ارجوكم لا تحرمونى من ردودكم ولكن بعد قراءة الموضوع بتمعن
الروابط المفضلة