كتبت بواسطة
نور كوكى 87
اخواتى ام مرام وعبير طاهر
عاملين ايه - يارب تكونوا بخير
انا كانت عندى نفس المشكلة وكنت لما بتنرفز جدا ببقى عايزة اكسر اى حاجة قدامى وكنت بعملها كتير
بس بعد كدة لاقيت انى بتلف جدا ساعة العصبية لدرجة انى مرة من العصبية وانا نازلة من العربية قفلت الباب جامد لوح الزجاج بتاع الباب اتدشدش
المهم بقيت لما اتنرفز اغير الوضع اللى انا فيه يعنى لو واقفة اقعد لو قاعدة اقف واروح اتوضا على طول صراحة كنت بحس ان جسمى بدا يبرد ويهدا جدا واستغفر ربنا على طول واستعيذ بالله من الشيطان لان كل ده من الشيطان وبقيت اقول لنفسى انى هتعب نفسى على الفاضى لان العصبية دى نتايجها هتيجى على دماغى انا مش حد تانى
ودلوقتى لو مين نرفزنى ببقى زى الثلج ولو اتنرفزت بخرج من المكان اللى انا فيه لمكان تانى على طول من غرفة لغرفة مش بسيب البيت يعنى
مشكورة يا جميل طريقتك فعلا حلوة بس لو راكبة العربية و جاتلى مكالمة اعمل ايه ساعتها و الله الموقف دا حصل من يومين تقريبا جاتلى مكالمة عصبتنى جدا جدا و قعدت اصرخ و اصرخ حسيت ان الاحبال الصوتية هتتقطع من كتر ما بزعق
كتبت بواسطة
abeer taher
أناجربت هاي الطريقة وبتنفع كتير بس المشكلة يا حبيبتي يا نور انك مش دايما بتقدري تسيطري على أعصابك أحيانا مش شدة العصبية ببطل أشوف بعيوني (فعلياً) بفقد الرؤيا من كثر الانفعال بس لما بوصل لهاد الحد بهدأ لأني ببدأ أقلق على نفسي .
و خاصة لو معاكى شخص استفزازى مش بتقدرى خالص يعنى مثلا ساعات اتخانق انا و جوزى اقوله خلصت كلام طيب و اسيبه طالما خلص تقولى انتى ماشية سايبانى هوا كلامى مش عاجبك و لو زعقت يقولى صوتك ميعلاش ساعات ببقى عايزة اجيب سكينة المطبخ و اقوم بالواجب ههههههههههه
كتبت بواسطة
دينا حزينة
لما باكون عصبية بامسك ورقة وقلم واطلع كل انفعالاتى بالكتابة
حتى ممكن اصرخ على الورق
وابكى على الورق
حتى لما تخلص شحنة الانفعال كلها ابدأ فى الهدوء
مش معنى هذا انك هاتكتبى مقال او قصيدة شعر
اكتبى اى كلام
انا اوقات مش بلاقى كلام اكتبه
ممكن اشخبط
بس عارفة لو حد بتاع علم نفس شاف الشخابيط دى هايعرف يقراها
لانك بيها بتترجمى الاحساس اللى جواكى
وربنا يهديكى ويصلح حالك ويبعد عنك وعننا النرفزة والعصبية والضغط العالى
حلوة الفكرة دى برضه انا كنت زمان بعملها بس دلوقتى معاكى واحد لازم تكلميه و تناقشيه مش معقول اسيبه و اقعد اكتب بس هحاول لانها فعلا طريقة رائعة
الروابط المفضلة