السلام عليكم ورحمة الله وبركاته
شخباركم بنات ان شاء الله طيبين انا لي فتره مادخلت هالركن وكتبت فيه
واليوم يايتكم بموضوع و يايتكم ندردش شوي بموضوع وايد مهم وشاغلني
المهم ادش بالموضوع عندي وحده من صديقاتي وهي قريبتي وصديقتي بنفس الوقت
وهي عزيزه علي بس مرات احس انها حاطتني تحت المجهر ومسويه زووم على وعلى تصرفاتي وحركاتي
طبعا انتوا عارفين الواحد مو على رذم واحد مره زعلان مره معصب مره فرحان مره سعيد مره المزاج
اكس حسب ظروف اليوم وظروف الي مرينه فيها خلال اليوم
طبعا صاحبتي هذي تقريبا بديت اخسرها تماما لانه تبيني على رذم واحد مااتغير وتتغير تصرفاتي
وكل شي اسويه تعلق علييييييييييه تعليق جارح لو ناقشت اختي قالت ليش كذا وكذا
لو علق على احد تقولي ليش علقتي بهالموضوع جذي لو ابديت راي تقولي اسلوبج مو حلو ليش سويتي جذي
وللاسف ماتقولها بنفس الوقت لا تحطها بقلبها وتذكريني فيها مره وحده باسلوب جارح
لو كنه قاعدين مع مجموعه وتناقشنه بحديييييييث واحتدت الاراء تلقين لومها على رااااي انا فقط
وتنسى ردود افعال النااااااااااااس
المشكله الثانيه
لاحظوا هي صديقتي المفروض دايما دايما دايما توقف ضدي مع الطرف الثاني حتى لو هم غلطانين والحق معاي
وتبي دايما انا الي اقدم التنازلات عشان خاطرهم واكون اراعي الجميييييييييييييع
طبعا اي تصرف اسويه او اي شي اشتريه اقترحه تعلق عليييييييييييييه على بو انه ميانه وقراب وصديقات
ابدا ماتهتم لمشاعري واحاسيسي ومن كثر معزتها كنت اسكت ومااصارحها واطوف وابلع الموضوع
واحاول انساه لين وصلت لمرحه اني مااقدر اسكت ومسكتها وصارحتها بكل شي وشكثر هي جارحتني ومستمره
على جرحي وطبعا فضيت كل الي في قلبي
وهم لقييييييييييت منها صراحه وقحه بالردود علي ولقيت لوم على كبييييييير على تصرفاتي
طبعا انا من وجهة نظري شفتي شي فيني موعاجبج تعالي كلميني بس لا توجهين لي الكلام مباشره جدام الناس
ويكل وقاحه وطبعا هي وجهة نطرها الصراحه راحه وانا انسانه صرييييييييييحه
صار الواحد يغلط على الثاني باسم "الصراحه راحه "
بس للاسف انا شايفه شي ثاني انا شايفه انه الصراحه صارت بزمنا وقاحه
طبعا الوضع الي وصلتله والحاله الي قاعد تنتابني الحيييييييييييين مع صديقتي اني اذا اجتمعنه بمكان
مااتكلم واحاسب الف حساب على كلامي ومااحب ابدي رااااااااااااااااي ابدا اكتفي اسمعها
واذا صرنا مع مجموعه اوجهه رايي فقط لبقية المجموعه واذا هي تكلمت ماارد ولا اعلق
وصلت لي حاله مااحب اصارحها بمشاكلي ولا الي في قلبي ولاترتيباتي ولا شي ابدا وقاعد احاول تصير العلاقه
جدا جدا جدا سطحيه وهي لاحظت هالشي وهم تصرفت بصراحه اي هي وقاحه معاي
تعبت من هالموضوع ولو هي بس صديقتي قطعت علاقتي فيها تمامابس هي صديقتي وقريبتي يعني حتما بشوفها
واكلمها واجابلها
انا حيل محتاره وماني عارفه شسوي ان صارحتها واويلا وان حقرتها واويلا وان عاملتها بسطحيه واويلا
مرات احس انها تكرهني وغيرانه مني وحاطه حرتها فيني ومرات اقول لا احنا اهل مستحيل
ومرات ومرات والله صج صج محتاره ليش تعاملنني جذي
تتوقعووووووووووووووووون شنو اسوي مع انسانه
الصراحه عندها وقاااااااااااااااااااااااااااااااحه
الروابط المفضلة