السلام عليكم و رحمة الله و بركاته

يا ريت تقولولى ايه رايكم فى مشكلتى انا مخطوبة لشاب متدين لكنه من محافظة بعيدة عن مدينتناو اول ما جه يتقدم لى قال انه هيشترى شقة فى مدينتنا و بعدها سافر و انا بدور على شقة و مش لاقية حاجة تناسب إمكانياته و بقالنا سنتين مخطوبين و مش لاقية حل فهو أقترح عليا انه يبنى شقة فى منزلهم فى المحافظة البعيدة عن مدينتنا و كده كده هسافر معه بعد الزواج الى احدى الدول العربية بمشيئة الله و أمى تعلم ذلك و لكن شرطها الوحيد انه لازم يجيب شقة فى المدينة و الاسعار نار و مش موافقة على انه يبنى فى بيتهم لانه فى محافظة بعيدة و انا خلاص بجد تعبت من أمى مش بتقتنع خالص ان دى مجرد بداية و الاسعار فى المدينة ما بترحمش و هو ابتدى يبتعد عنى و انا تعبت مش لاقية حل أرجو النصيحة و أدعولى ألاقى حل جزاكم الله خيرا

و عليكم السلام ورحمة الله وبركاته


أختي العزيزة ..سلمى سليم


كان الله في عونك حبيبتي
فعلا هي مشكلة و حيرة ما بعدها حيرة
هل ترضي والدك التي لها عليك حق البر و الطاعة
ام تتبعي خطيبك الذي لا تمكنه امكانياته من شراء شقة في نفس مدينتك

و لكن بالمنطق و بالعقل
فان بناء شقة لكم في بيت عائلة زوجك كحل مؤقت
لحين عودتكم من البلد العربي الذي تنون السفر اليه
هو حل جميل و مريح جدا و مقبول

لذلك غاليتي .. صلي صلاة الاستخارة لأكثر من مرة
فانت بذلك توكلي أمرك لله و هو قادر أن ييسر لك الخير

ثم عليك ان تلجاي لشخص يمكنه اقناع والدتك بالموافقة على هذا العرض
والدك أو اخيك أو خالك أو حتى صديقة لوالدتك
شخص يكون له تاثيره عليها و معزة كبيرة في قلبها
يجلس معها و يكلمها عن مستقبلك و عن فترة الخطوبة التي استمرت الى عامين
و التي من الصعب ان تطول أكثر من ذلك
و من الصعب اكثر فسخها أو التراجع فيها بعد كل هذا الوقت

و انت ايضا حبيبتي .كلميها بكل هدوء و حاولي اقناعها بأنك لن تبتعدي عنها
و انك ستزوريه بشكل دائم
و ستتصلي بها بشكل دائم اي ..لن تفصلك عنها المسافات
و انك على كل الاحوال ستتسافري و تبتعدي عنها

كلميها غاليتي و توددي اليها و انت تتحدثي معها
حتى تتقبل وجهة نظرك و اقتراح خطيبك

و اطلبي من خطيبك أن يتودد اليها بالهدايا و بالكلام الطيب
حتى يكسب ودها و بالتالي يكسب رضاها على الاقتراح المتاح لديكم في الوقت الحالي

اهتمي كثيرا بمشاعر خطيبك
و لا تطلعيه على كل صغيرة و كبيرة تحدث بينك و بين والدتك من حوارات او اعتراضات
حتى لا يحمل عليها أو يشعر بالملل من كثرة التذمر أو الرفض


و ادعي الله غاليتي في الثلث الأخير من الليل
أن ييسر لك الحال

و الله يوفقك و يسر لك أمرك و يتمم زواجك على خير

وعليكم السلام و ر حمه الله و بركاته .

اختى العزيزه اسال الله العلى القدير ان يفرج همك اللهم امين .

انا مع راي الاخت نوران جزاها الله خيرا كفت ووافت .

واعطتك افضل الحلول .

اسال الله العظيم ان يفرج همك ويفرح قلبك عاجلا غير اجل اللهم امين .

حاولى تقنعيها وانت كدة كدة مسافرة وربنا يسهل والظروف تسمح ويجيب شقة فى المدينة وكمان فهميها انة ممكن ياخد شقة ايجار وبعد الجواز يسبها ويرجع البلد هتعمل اة وطالما هو صريح فدة يحسب لية وحاولى تدخلى حد من كبار العئلة يكون ذات تاثير يقنعها وكلمى خطيبك يصبر معاك شوية مش يبع القضية وربنا يوفقك وتعزمينا عل الفرح ومبروك مقدما ان شاء اللة

السلام عليكم و رحمة الله و بركاتة
الف مبروك يا حبيبتى و ان شاء الله ربنا يتمم على خير فى طرق كتير جدا جدا تقنعى بيها والدتك و كلها تعتمد على المحاورة بادب و هدوء و متحسسيهاش انك معترضة على وجهة نظرها و ان رأيك من رأى خطيبك لان دا هيزيد من عنادها ممكن تقنعيها بالتالى :-

1-ان الاسعار فى المدينة غالية جدا جدا و ممكن تأجروا شقة و بعد كدة تسيبوها و ساعتها هتبقى هى امام الامر الواقع لانك هتكونى زوجتة بالفعل فكونة قال من الاول دا امر يحسبلة .
2- تكاليف البناء بالنسبة لكم هتبقى ميزة لانها شقة ملك مش ايجار و لو ماما خايفة مثلا من الاختلاط بعيلتة على اعتبار ان السكن مع اهل الزوج فى كتير من الاحيان مش مريح قوللها انهم كويسين و مش بتوع مشاكل و انتى هتبقى فى حالك و هما فى حالهم ثم انكم مسافرين فمفيش وجة للمشاكل و الخلطة اصلا .
3-اوعديها انكوا تاخدوا شقة جنبها فى المدينة بعد ما يحوش قرشين و ممكن ساعتها كمان يبيع شقتة اللى بناها لاحد اقربائة من العيلة برضة .
4- قوللها دى مش شمكلة توقفى الجوازة عشانها و امدحية و فكريها بمميزاتة كالتدين مثلا و غيرة و غيرة من لاصفات الجميلة . و ربنا معاكى و يوفقك و تتفهم وجهة نظرك

شكرا لكم أخواتى حقيقى كلمكم خفف عنى كتير عناء الحيرة اللى انا فيها و ان شاء الله أعرف أقنعها و جزاكم الله خيرا

ماشاء الله البنات الله يجاجيزهم الخير وفوا
أتمنى ان ييسر الله امرك أختي و الله يتمم عليك بالخير
وفقك الله