دي نصائح ارسلتها لوحده مملكه و قريب رح تتزوج اقراوها و اي ملاحظه ياريت تقولوا لي عليها
نصائح سمينه ككككككككككككككككك:
الذكريات:
مافي احلى من ذكريات ايام الخطوبه ورح تكون من احلى ايام حياتكم و رح تتمنو انها ترجع لانها كلها حتى بزعلها حلوه..(الله يجعل كل ايامكم حلوه)
1-التقويم ..
خليك دايما حاطه في بالك انك تسجلي كل شئ
كل شئ بما تعنيه كل شئ(اول قبله على الهاتف من الطرفين,اول كلمة احبك من الطرفين,كل مره تخرجوا فيها و مع كل التعليقات اللي سارت في الخرجه ,اطول مكالمه, اول مره على كل شئ استنادا على دا الكلام..
و لا تسجلي الاوقات اللي بتختلفوا فيها خلي دايما الشئ اللي تكتبي يكون سعيييييييد
2-الدفتر..
عندي دفتر من ايام الخطوبه انا بالنسبه ليا ما كنت اخليه كل مره يجي يكتب فيه لانو ملكتنا كانت سنه فكان مستحيل
اما انت خليه كل مره يجيك يكتب لك على الاقل كلمتين او اييييييييييييييي شئ يخطر على بالو و بعدين انت اكتبي تحت كلامو (يفضل دا الدفتر حتى بعد سنيييييييين من زواجكم ذكرى جدا رائعه)
3-الفيديو...
عندي تصوير للفيديو لمره جاني فيها انا صورتو و هوا بعدين صورتي مرررررره انبسطنا يومها ..
و يوم ما رحنا نعمل البروفه للزفه اخدنا الكميرا معانا و خلينا (منسقة الحفلات) تصورنا و نحن راجعين كمان جلست اصور و نحن في السياره برضها كانت حلوه ...
4- العطر..
خلي لك عطر مميز يفكرو بايام الخطوبه <<خلي واحد عطر
العطور اللي الرجال يحبوها(مجربه على عدد كبير من الرجال)
رير قولد من افون,هوت من جفنشي,سينما<<الي فيه دوائر حمرا,نينا رتشي التفاحه<<دا زوجي ما عجبو بس غيرو عجبهم
5-اللبانه(العلكه)..
في نوع علكه اسمها(cool air)طعمها نعناع حار كنا ايام الخطوبه نحن الاتنين نمضغها
فالين دحين اذا مضغناها نحس كانو البوسه من بوسات ايام الخطوبه)ممكن تكون اي علكه او حلاوه المهم شئ يفضل بيناتكم..
(((((يارب تكون ايامكم كلها سعاده و هنا))))))))
كلام ايام الخطوبه:
1-كلام الحب...
لا تكتري انت منو بالذات في البدايه خليك جدااااااااا حييه لانو الرجال يحب انو يحس انو هوا مسيطر على الوضه خخخخخخخخخخخ
و اسمعي يا ستي احلى كلاااااااااااااااااااااام
اذا قال لك: ليش ما تقولي لي كلام غزل ... قولي: استحي..و ارسلي لو رساله بكلام فوق الخيال
رح يتجنن عشين تقولي دا الكلام بنفسك ...
2-الكلام اللي يعجبوا:
سمعيه دااااااااااااايما الكلام اللي يعجو...
على فكره الكذب بين الزوجين فيما يدخل السعاده لقلوبهم حلاااااااااااااااااااااااااااال و دا لو نص حديث عن الرسول (صلى الله عليه و سلم)
يعني مثلا... تقولي: عمري ما عجبني رجال في الدنيا دي الا انت ... عمري ما لفت انتباهي احد الا انت ... انت الاول و بعدك العالم...
و اذا مثلا ما يحب انك تخرجي السوق لحالك من غير امك-و انت متعوده على دا الشئ- قولي امي جات معايا و هي ما جات
اممممممممم
يعني و قيسي على كدا كل شئ
3-الشئ اللي يزعلك او يزعلوا...
اتفقي معاه انو اذا عملتي حاجه زعلتو يقلك (يا سموحه يا حبيبتي ترى دي الحركه زعلتي)
و انت نفس الشئ...
عشين كل واحد يعرف ايش يزعل التاني
و ابدااااا لا تنامو و انتو زعلانين حلوا المشكله قبل ما تنامو
و انا اذا عندي شئ بدي اقلوا انو مزعلني( اقلوا هوا خلاص و نحن نبى نغمض عيوننا و نبى ننام<<طبعا دا و نحن متزوجين..لانو اذا كنا قاعدين راح يكتر الكلام اما و نحن مسدوحين رح تكون في ملائكه على عقولنا ههههههههههههههه
(((و اذا ما عملتي كدا رح يفضل يعمل الشئ دا اللي يزعلك و انت رح تفضلي تعملي الشئ اللي يزعلوا))))
4-الاحترام...
اتفقوا انو الاحترام هوا دليل المحبه يعني تحترمني معناه تحبني
5-الاهل...
قوليلوا..في اي مناسبة كلام.
زي ما تحترم اهلي انا رح احترم اهلك و اقدرهم و اذا نقصت مع اهلي بشرطه تاكد انو نفس الشرطه رح تتنقص مع اهلك )<<<كلام جدا جدا مهم 6-الطلبات...
حبيبتي اي شئ في نفسك اطلبيه ... لا تخلي على نفسك شئ لانو دحين رح يجيب لك اول ما تطلبي بعد الزواج الله العالم ....
7-الانبساااااااااااااااااااااااااااااااااااااااااااا ط...
عيوني انبسطو قدددددددددددد ما تقدري
8-كلامو...
شوفي كلامو و هوا بيتكلم عن مين من اصحابو بيتكلم عن ناس كويسين و لا بطالين
لانو رح يكون زي اصحابوا...
9-تعليقات...
لا تقولي ابدا اي شئ عن اي رجال في الدنيا و انت ما تبيه يتطبع بدا الطبع لانو لمن تحكيه و تقولي: فلان سوى و عمل ..هوا على طول يجي في بالوا انو انت تبيه يسوي كدا...
فداااااااااااااااااااايما حكيه عن الحاجات الطيبه في الرجال
10-التماشي..
قولي: انك تحبي التماشي و الخرجات و الطلعات
الدبش...
رحتي شفتي فستان الفرح؟؟؟
اول شئ تسويه هوا فستان الفرح ..
و بعد كدا خدي بعض الملابس اكبر منك بقياس واحد حتى بعد ما تحملي و تولدي باذن الله يمديك تلبسيها ..
لا تكتري من القمصان الغااااااااااااااااااليه خديلك كم واحد غالي و في اماكن تبيع قمصان رووووووووووعه و اسعارها طيبه
مثلا(محمود سعيد و اريام)
خدي بيجامتين غاليه(عشين لمن تجي مكه ) و الباقي عادي ( في محل في شارع الستين يبيع بجايم حلوه
و شورتات و دي القطنيات القصيره الكت
الملابس الداخليه :
اطقم جبير خديها من المشاط
و الملونه في في لاسنزا انت طقمي كل واحد مع بعض
و لازم من سنتيانة الافراح اللي تجيك من جهة البطن كانو مشد بالمررره طيبه خدي وحده بيضا و وحده سودا<<<برضها في المشاط
و لا تنسي مريلة المطبخ <<داااااااااايما لمن تطبخي البسي المريه و القفازات النايلو (و قولي قدام اهل زوجك انت ما تستحملي روائح الاكل في يدك)
و كمان شئ جدا مهم ... بخاخ معطر للجو حطيه في الحمام خخخخخخخخخخخخخخخ
لانو انا اكلت منكح
طبعا اول يومين تلاته بعد الزواج ما رح تمشي بطنك و لمن تمشيييييييي عاد الروائح حدث و لا حرج(معليش كلام يقرف بس لازم منو)
فوط صحيه<<دي كمان بالمررره لازم
شبشب للبيت و عودي زوجك كمان عليها ..قوليلوا:اخاف عليك تمرض..
كيس للعبايه(دايما لمن تخرجي خليه معاك حتى لو العزيمه في بيت عشين يقولوا مرت ولدنا بالمررررررررره مرتبه )
و الباقي خلاص عادي بس دي اهل الاشياء بالنسه ليا خخخخخخخخخخخخخخخخخخخخخ
يوم الفرح:::
الله يجيبو و يتممو على خير ياارب
مهم جدا جدا انك تنااااااااااااااااامي و تشربي مويه قبلها بكم يوم عشين وجهك يورد
و اهم من كللللللللللللللللللل شئ في الدنيا
(((((((خدوا معاكم للفرح مويه زمزم و تمر عجوه و انت و ياه كلوا و اشربوا منو و الله يكفيكم شر العين ))))))))
الزفه:
ليش ما تسوي زي زفتي؟؟؟
انو يطلع ابوك يلبسك الدهب و اخوك يلبسك الشريطة الحمرا <<<ترى مرره حركه روعه و رح تكون جديده جدا جدا على اهل زوجك
في الفندق:
مدري اكيد رح تاخدوا فندق مو معقوله تروحوا على الرياض على طول ...
لا تنسوا الصلااااااااااااااااااه <<في صلاة سنه يصليها الرجال مع زوجتو و يدعي بعدها(ناسيه الدعاء و الله لانو هوا اللي يقولوا )
و بعد الصلاه؟؟؟؟
الله يوفقك ترى ما يعور انت بس اتركي نفسك <<<لحظات لا تنسىىىىىىىىىىىىىىىىىىىىىىىىىىىىىىىىىىىىىىىىىىىىى
في السفر..
اذا كانت الرحله transate
حينزلوكم من غير شنط على المكان فكوني محتسيه وخدي معاك ملابس في شنطة صغيره لي بيه يوم و يوم عشين ربي يسلمك من الالتهابات
و خدي معاك (ملح خشن غشين تشطفي بيه)
و خلوا رحلتكم و انتو راجعين تمر بجده عشين تمري على اهلك في مكه
في مدينتك اللي رح تسكني فيها...
خلاااااااااااااااااااص بدات الحياه الحقيقيه خخخخخخخخخخخخخخخخخخخخ
خلي عندك جدول للحاجات اللي تسويها في الصباح من نظافه و ترتيب
و حسك عينك احد من اهل زوجك يتصل عليك في الصبح و تقولي نايمه....
قوليلهم انا مسويه جدول انظف فيه البيت عشين كدا ما يجيني النوم
و لا تنسي تقراي سورة البقره كل تلاته ايام
(((((لازم من الغساله الفل اتوماتيك ))))
ام زوجك..
احترميها و قدريها و كل شئ
بسسسس لا تكتري و تقللي معاها يعني: لا تكتري كلام معاها عشين لا تسير مشاكل
و كمان لمن تسوي شئ طيب حكيه لزوجك اذا كان مهو موجود بس باسلوب
اخوات زوجك...
خلي بينكم علاقه احترام عشين لا تاخدو على بعض بزياااااااااااده
اخوان زوجك...
اذا كنتو تكشفو او ما تكشوا ما لك و مالهم حتى كيف حالك؟؟ مو لازم<<لانو حالوا ما يهمك سواء طيب و لا بطال
الستات الكبار...
سلمي على راسهم و يدهم و احترميهم و كل شئ يقولولك عليه قولي طيب ... و بعدين سوي اللي انت تبغيه
زوجك...
دا جنتك و نارك
احترميه و قدري و داااااااااااااااااايما حزنيه عليك
لانو الانوثه و الرقه و النعومه هي دي الاشياء اللي ما عند الرجال و يحب كل رجال انها تكون في مرتو
مثلا: ايام الدوره بالذا اليومين اللي في البدايه لاتقومي و تطبخي و تشيلي البيت قولي:ظهري يوجعني و بطني تمغصني
و حتى لمن تحملي باذن الله..
حل المشاكل...
زي ما قلت من اول ..لا تناموا و انتو زعلانين من بعض ابدا ابدا
في طريقه بالمره حلوه
اذا كانت الزعله كبيييره
اكتب لو رساله في دفتر (نفس الدفتر حق الخطوبه)
و اخلي مفتوح على الصفحه اللي فيها الرساله في المكان اللي دايما يجلس فيه
و هوا يقراها على مهلوا (((رح اكتب نموذج ان شاء الله)))
و ابدا لا تزعلي برة غرفة النوم اذا زعلتي في اي وقت خليك في غرفة النوم و خليه هوا اللي يخرج منها
(((((((((((((((((((اي سؤال او استفسار انا جااااااااااااااااااااااهزه سواء على الكلام الموجود او اي شئ تبغيه)))))))))))))))))))))))
نصائح ثمينه
رد مع الاستدلال
الروابط المفضلة