دائما وكل ليلة ابكى وبحرقة من الظلم والافتراء
كل يوم انظلم انخدع .... انهان لاتفه الاسباب
ابتديت اكره اولادى بسبب معاملة زوجى السيئة لى
وبسببهم
كان زوجى زعلان منى اوىىى تعرفون لماذا





لانى انجبت اول طفلة لى اللتى كنت اتمناها من الله
وكان همه ان يكسر فرحتى بحجة انا مش عاوز عيال دلوقتى

وجاء الطفل الثانى بعد ما حالتنا استقرت ماديا كتيير واتحسنت
وبردة نكد عليا بعدها بحجة انه مش عاوز عيال

هوعاوز يخلية مسؤليتة تجاههم مش اكتر وكان بيقول مش عاوز عيال علشان
مايشلش مسؤليتهم
واللهى تعبت اوى
وقيسوا على كدة فى كل حاجة وكل مناسبة سعيدة واللهى ما ان تمر مناسبة الا ونكد عليا فيها وكسر فرحتى
حتى فى يوم زفافى
حتى فى يوم اختيارى لعفش البيت

كل دة كوم وسوء معاملتة لى واهانتة المستمرة لى امام ابنائى كوم تانى
فعلا مش عارفة اربيهم وهو بجانبى
بيعلمهم كيف يسيئون معاملتى

مش عارفة اروح لمين واشكيلة
والله دموعى تتساقط منى غصبا عنى امام ابنائى
اكمل لكم غدا انشاء الله

أهدى كدة وأستعسذى من الشيطان واحنا معاكى

لا حول و لا قوة الا بالله ... ربنا يعينك يا رب والجئي الى الله أوي و ان شاء الله ربنا عيكرمك و يفرج كربتك... مستنيينك

واللهى يا حبيبة قمت صليت الفجر وجيت
اعوذ بالله من الشيطان الرجيم

الله يهديه ويسخره لك
بس حبيبتى الاولاد ذنبهم إيه ؟
ادعى ربنا سبحانه وتعالى يفرج كربك
وعاملي زوجك بالحسنى واتحملى علشان اولادك
وكترى من الاستغفار طول اليوم او كل يوم 100 مره
وإن شاء الله حيتبدل حالك الى الاحسن
هو ده وعد ربنا سبحانه وتعالى للى يكثر الاستغفار ان يجعل له من كل هم فرجا ومن كل ضيق مخرجا ويرزقه من حيث لا يحتسب
وخلى زوجك يداوم هو كمان عليه
وأقيمى الليل على قدر استطاعتك والله يعينك
ونبهى عليه مشاكلكم تناقشوها بعيد عن الاولاد
لو حصلت مشاده لا سمح الله قولى له لو سمحت تعالى ندخل غرفتنا علشان الاولاد ميسمعوش
وربنا ييسر أمرك ويوفقك

لا حول ولا قوة الا بالله
معلش يا حبيبتى والله وجعتيلى قلبى ربنا يصبرك يارب ويهديهولك ويحنن قلب ولادك عليكى يارب
هما اطفالك اعمارهم اد ايه؟؟؟

ربنا يفك كربتك و يصبرك
و انا من رأيي انك تهتمي ببيتك بولادك و ضحي بكل ما تملكي لاجلهم
و لا تتعبي حالك طالما انك مش ظالمه حد و قايمه بواجبات زوجك
كثر البكاء و الهم يهد الحيل و ان إنهد حيلك مين حيقوم بواجبات و لادك فكري فيهم و في مستقبلهم و ابذلي جهدك و صدقيني راح يكوني هم الامان لك
اختك
زهرة

الله يصبرك ويهدي زوجك
استغفري الله ودعيلو بالهدايه

استكمل معكم رحلة العذاب
واللهى يوميا يمد يدة على وضرب بعنف وعلى الوجة بدون اى سبب
وامام ابنائى وممكن دة يتكرر فى اليوم الواحد 3 -4 مرات
وولادى سنهم مابين 3سنوات والسنة
يعنى فى مرحلة تكوين الشخصية
عندما اشكى لوالدتة تقولى ما تشكليش منة
لانك لما بتشكيلى منة كانك بتشتكينى انا بالظبط
ماما ماتقدرش تزعلوة
ففهمت من كلامها انها مدلعاة اوى
بس هيا هتحل مشكلتى اذاى اذا كان زوجها دائم الزعيق لها امامى يعنى ما بيحترمهاش امامى
قولت فعلا الولد طالع لباباة
بس انا ذنبى ااية يمكن هما بيعملو معايا كدة علشان والدى متوفى ومش عندى اخوات رجالة كبار
وماعنديش حد يقف لة
غير ابنة خالتى الكبير ودة طبعا بيخاة لبيتى يتخرب وبيجى فى صفة ضدى
لحد ما كلهم فرعنوة عليا
انا قسما بالله دائما اصلىى وبدعى زوجى للصلاة ولكن دون جدوى
دائما كل ما يذهي لحماتى بيجى مقلوب عليا تماما ومش عوز يكلمنى منعا للخناق
وفاكرنى مش واخدة بالى من كدة
انا مش عارفة هما عاوزين اية بالظبط
عاوزينة يطلقنى قسما بالله ماعنديش اى مانع
دة بالعكس دة انا هرتاح وهعرف اربى ولادى فى جو هادى بعيد عن المشاكل
ولا عاوزينة يعيش معى وكأنة مش موجود بردة ماعنديش مشاكل ومش فارقة كتير
دائما اهلة بيقولولى انتى واخداة مننا وباعداة عنا علشان يعنى ما بيروحش عندهم كل يوم
كانهم ما يعرفوش هو بيعمل معايا اية واحنا عايششن اذاى
دة نادرا ما بيجى يجلس معنا انا والاولاد وساعتها علشان يفرج عى فيلم وبتختم ت\القاعدة بخناقة على اىحاجة
انا لو قعد احكيلكم على حياتى يبقى عاوزالى عمر تانى
القاكم غدا انشاء الله

كتبت بواسطة . تيوليب***

الله يهديه ويسخره لك
بس حبيبتى الاولاد ذنبهم إيه ؟
ادعى ربنا سبحانه وتعالى يفرج كربك
وعاملي زوجك بالحسنى واتحملى علشان اولادك
وكترى من الاستغفار طول اليوم او كل يوم 100 مره
وإن شاء الله حيتبدل حالك الى الاحسن
هو ده وعد ربنا سبحانه وتعالى للى يكثر الاستغفار ان يجعل له من كل هم فرجا ومن كل ضيق مخرجا ويرزقه من حيث لا يحتسب
وخلى زوجك يداوم هو كمان عليه
وأقيمى الليل على قدر استطاعتك والله يعينك
ونبهى عليه مشاكلكم تناقشوها بعيد عن الاولاد
لو حصلت مشاده لا سمح الله قولى له لو سمحت تعالى ندخل غرفتنا علشان الاولاد ميسمعوش
وربنا ييسر أمرك ويوفقك

انامع راى تيوليب وانشاء الله يجيب نتيجة وربنا يلهمك الصبر ويهديه
وياحبيبتى متنكديش على نفسك علشان النكد دة بيجيب امراض عضوية
ربنا يكفيكىشرها وانتى ولادك محتاجينك ربنا يخليكوا لهم