اولا
السلام عليكم و رحمه الله و بركاته
ثانيا
عندي مشكله و الله كبيره قوي
انا بنت عندي 23 سنه مش متجوزه طبعا بس اتقدملي ناس كتير و انا و اهلي عادة كنا بنرفض عشان مش بيكونوا مناسبين لينا
المشكله الحقيقيه اني انا و ربنا يسامحني على الي بقوله ده
درست في اسكندريه لمده عام واحد فقط في كليه الاداب قسم اللغه الانجليزيه وطبعا بما ان اهلي هنا في القاهره و انا مرتبطه جدا بامي ربنا يخليها لي سبت الكليه و كملتش السنه اصلا
ورجعت القاهره لحضن ماما
الي حصل في الاسكندريه ان كان في دكاتره من اصحاب بابا الي في دبي لاني مولوده و عايشين اصلا في دبي كانوا موصيين دكاتره في الجامعه عليه
وكانوا دايما بيسالوا عليه وكده
المهم في مره انا كنت في الجامعه في اسكندريه وعديت على دكتور من الي اعرفهم دول و كان عنده طالب متخرج من زمان من طلابه و هما كانوا قاعدين مع بعض
انا سلمت على الدكتور و هو عرفني بكل ادب و الله على الراجل التاني
وبعد كده مشيت وعده الموضوع عادي
بعده بفتره لقيته صدفه في الجامعه و سلم عليه و قالي انتي عندك ايميل قولتلوا ايوه
فالي ممكن تديهولي اديدهولوا وبعتلي ايميل بايميلوا
و بسس
الموضوع ده ياجماعه من بالضبط 3 سنين
و ماحصلش اي تواصل من ساعتها
بس وانا جيت القاهره و دخلت جامعه تانيه و لسه بدرس
المهم انه من تقريبا 8 شهور بدا هو نفسه يبعتلي تاني و ابيحكيلي عن اهله وان اسف انه الفتره الي فاتت مكانش بيبعت و كده و عرف اني رحت القاهره و هو على فكره متدين و محترم جدا انا حاسه اني ميلاله و بتمناه يكون جوزي بس هو مقليش حاجه كده هو كل الي قالهولي انه خايف لما يتجوز البنت الي يتجوزها تسئ لوالدته بس و انه بعد وفاته والده هو المسؤول عن العيله و هو اخواته3اخوات متزوجات وماعندوش اخوه
مش عارفه اعمل ايه ازاي ابينله اني ميلاله
الروابط المفضلة