السلام عليكم ورحمة الله وبركاته ...
قبل كل شي انا كتتتير متضايقة لهيك كتبت بالعامية .. ف اعذروني بس متأملة توقفوا معي .. تفتحولي صدركم لابكي وفضفض .. والله عم اكتب وعيوني فاضت بالدموع ....
ليش عملوا هي البدعة تبع عيد الأم ؟؟؟
ليش عم نحتفل فيها ؟؟
طب ليش ما منراعي انو في أيتام محرومين من الأمهات ؟؟؟
في أمهات مطلقة .. متوفية .. صح ؟؟
أنا رح احكي عن حالي بتعرفوا أنو امي مطلقة ... وهي بعيدة عني و معظمكم قرأ قصتي ..
هي :
بس اليوم أنا قلت مالي غيركن ... منتداي المفضل أهلي أنتو عائلتي يلي بدي لاقي فيها الصدر الحنون يلي ابكي فيه .. وفضفض .. تسمحولي ؟؟
عنجد صرت أسأل حالي ليش كل البنات فرحانين.. اليوم .. طب ليش ماعم يراعوا مشاعري ؟؟؟
كلن بيسألوني شو نجيب ل ماما بعيد الأم ؟؟
تنزلي معنا نجيب هدية لماما ؟؟
بقلهم مافي شي اسمو عيد الأم
لانو الام كل يوم لازم يكون عندها عيد وجودنا جمبها .. اكبر فرحة أكبر من فرحة الهدية .. يلي منجيبها من السنة ل السنة ..
صح ؟؟؟ المهم أنا متضايقة لأنو اليوم من الصبح العائلة كلهم ب بيت تيتة .. وقال بدهم يحتفلو فيها ...
طلعت من البيت وعم ابكي .. ومالي نفس ومخنوقة ... مالي متشائمة ولا سوداوية ... وبعرف العيد حرام .. بس أنا ماقدرت اضبط دموعي ..
وأنا بعيدة عم ماما مو بس اليوم .. كل يوم .. عم حاول أتقرب منها .. بس لأ ماعم اقدر اتحمل الشي يلي عم تساويه فيني .. مع كل هاد قلبي ما بيقدر .. يقسى .. طيبة قلبي .. بتخليني ابكي فورا مجرد اتذكرها ... جربت اتصل فيها شوفها موبايلها مغلق ..
بحبها كتتتير.. وبتمنى تكون جمبي .. اليوم .. وكل يوم... مابعرف شو أعمل .. ساعدو ميسو
عفوا للإطالة
الروابط المفضلة