السلام عليكم ورحمة الله وبركاته
انا عارفة انى دوشتكم بمشاكلى انا سبق وحكيت لكم عن مشكلتى مع زوجى وحكاية الرسالة وعدم الثقة
وحاولت اعمل بنصيحتكم وحاولت انسى الموضوع ومتكلمش فى تانى مع زوجى بس هو الايام دى بيبعد عنى وطول اليوم ساكت مبيتكلمش معى الا عن الشغل لكن عن حياتنا او حبه لى اويحاول يطيب خطرى من وقت للتانى لالالا
وبيتعامل معى كأنى انا الجانيه عليه انا اللى زهقته بأسئلتى واتهاماتى وشكوكى انا اللى بهدم حياتنا والله انا حسه انى وحيدة طوال اليوم لوحدى ولما بيرجع سواء بدرى اومتأخر كالعادة برضه ساكت وانا ولا لى اى قيمة فى حياته ولما اتكلمت معاه وقلتله انت متغير انت فى واحدة فى حياتك صارحنى وانا هنسحب من حياتك بهدوء ثار والمشكلة انه مبيحبش النقاش وقالى انتى حسستينى انى مقصر اعملك ايه وطبعا بصوت عال
اسكت واراجع نفسى واقول انا الغلطانة انى سألته انا بلاش الح عليه بس انا شايفة حياتى بتنهار وانى وحيدة وانه غريب عنى مش هو زوجى الحبيب
والايام دى عاوزنا نروح نقعد عند مامته 20 يوم وهو عارف ولامس انى مش برتاح عند بيت مامته من ايام جوازنا وانا متأكده انى لو روحنا الفجوة بينى وبينه هتكبر اكتر لان احنا جربنا فى بداية حياتنا وعيشنا ايام صعبة هناك لغاية ما هو بنفسه تعب من المشاكل اللى بينى وبين والدتهوقرر اننا ننتقل لبيت تانى
انا قلتله لا انا مش عاوزة اروح تانى انا عاوزة اعيش فى مملكتى ومحدش يقيد حريتى ولا يتحكم فى قالى خلاص براحتك انا هروح لوحدى
انا زهقت من المشاكل اللى كل يوم بتظهر بينى وبينه وكل مدا كل ما بنبعد اكتر واكيد هنزهق من بعض سامحونى على الاطالة بس انا فى ضيقة ومحتاجة لمشورة فرج الله همكم
الروابط المفضلة