بسم الله الرحمن الرحيم
اخواتى الغاليات محتجالكم جدااا انا بمر بمشكلة او نصيبة كبيرة وحياتى بتنهار امامى
انا متزوجة وكانت حياتى ولا الاحلام من هدوء وامان ووفاء واخلاص منى ومن زوجى
مكنتش اتصور ان هيجى يوم واشتكى منه ابدا
وكنا نشوف مشاكل الازواج حوالينا ونحمد ربنا على راحة بالنا وكنت دايما بقوله لوانا قصرت معاك فى حاجة قولى متسبنيش لغاية ماالمشكلة تكبر دايما نبهنى وكان يقولى انتى مش هلاقى زيك المهم
من اسبوعين عرفت من والدتى التى بتعمل معاه فى نفس مكان العمل ان واحدة زميلتهم قالتلها انها شافته مع واحدة وماما واجهته كذب بشدةوزعل لما انا شكيت فيه وتانى يوم جه وقالى انه واجهها واكدتله انها شافته بس مرديتش تحلف امامه هو وماما وبعد كده ماما قالتلى ان الست دى ناس زميلها اكدو انها عملت الموضوع ده قبل كده وخربت بيوت كتير
قعدت مع زوجى وعهدنى امام ربنا انه ميعرفش على حد
وحاولت انسى وبعد3 ايام جتله رسالة من واحدة كلها كلام يؤكد انه على علاقة بيها وكمان انه متزوجها واجهته وانهرت طبعا وكان يوم عمرى ما مريت بيه
قالى والله مش متزوجها دى انا فعلا اعرفها بحكم شغلى دى مطلقة ومعها بنت وزوجها شاكيها فى المحاكم وقضايها عندى وهى بتيجى النيابة وغير كده انا مبخرجش معاها
وبعت لصاحبه وزوجته اللى يعتبروا قريبين مننا جدااااااا وصاحبه قالى والله انا اعرف عن زوجك كل حاجة وفعلا دى بتيجى الشغل بس هى اللى فرضه نفسها عليه وعاهدنى تانى ادمهم وقال متكبريش الموضوع وبلاش نخرب البيت ورمى الموبيل
بس انا تعبانة جداااااا ومش مطمنة خالصوافكار كتير فى دماغى وشكوك هتموتنى وهو رافض يفتح الموضوع تانى وانا شكة انه متزوجها صليت كتير ودعيت كتير ان ربنا يطمن قلبى من ناحيته ومفيش فايدة كل يوم نار فى قلبى وشكة فيه مع العم انه دخله مش كبير عشان يصرف عليها وكلامه ليا انه غلطته الوحيدة انه جرأها عليه ومصدهاش بس
انا محتاجة لمشورة لانى محكتش الموضوع ده لحد حتى امى وتعبانة جدا
ارجوكم ساعدونى
الروابط المفضلة