السلام عليكم ورحمة الله وبركاته
حبيت انقل لكم ما حصل لي بعد حجي لهذي السنة مع هذه الشركة حتى تاخذوا الحذر منها
بدأنا طبعا بالذهاب للمطار طلبوا منا الحضور الساعة 11 مساءً حتى لا يفوت موعد الطيارة وما اقلعت الطيارة الا الساعة 3 صباحاً
وصلنا لجدة وانتقلنا بالباصات الى مواقف كدي وبعدها طلبوا منا الذهاب للحرم على ان الباصات راح تمشي لمنى الساعة 1ونص وهي بتوقف بنفس المكان ذهبنا للحرم بسيارة خاصة واعتمرنا وبعدها رجعنا بسيارة خاصة ايضاً للمواقف الساعة 12ونص وزجي يقول للسواق بسرعة قبل لا تمشي الباصات جلسنا ندور بالمواقف للساعة 1 وثلث واحنا ما لقينا الباصات بمكانها وطول الوقت واحنا ندق على المشرف ولا مجيب لحد ذا الوقت واكتشفنا انه فيه باصات حملة ثانية مغطية على الباصات ولا فكروا يحطون حتى لوحة وبالنهاية ما مشت الباصات الا حوالي الساعة 3 عصراً
ذهبنا لمنى وتعدى الباص الطريق فاضطرينا اننا نكمل الطريق مشي
وصلنا لمنى وصاروا الناس متغدين بس لو تشوفون الغدا والله لو انك جوعان وتشوفه تنسد نفسك رز ولحم بس شكله ( الله يكرم النعمة ) مبين انه ملياااااااااااااااااان دهن والادهى من كذا باااااااااااااااااااااارد والخيمة صغيرة وفيها 20 شخص
رحت للبوفيه ادور شي يسد جووعي ما لقيت شي دقيت على زوجي وطلبت منه يجيب اي شي ناكله على الاقل لو يسد الجوع
انتظرنا العشاء واحنا مأملين على شي صاحي المهم جانا العشاء الساعة 10 من الطازج بس تخيلوا فروج مشوي مو بارد وبس الا ثلج اكلناه غصب لاننا جايعين وكان ورانا بكرة الذهاب لعرفة
الساعة 3 الفجر تحركنا لعرفة وكنا ثلاث باصات مع بعض طبعا كل السواقين ما يدلون المهم طلع النهار علينا وأحنا ما صلينا الفجر ولولا تكلموا الحجاج ولا كان عادي فوتوا الصلاة وحجتهم اننا ندخل عرفة مبكر ؟؟؟؟؟؟؟؟
صلينا وكملنا المسير ومن كثر ما السواقين حريفين بمعرفة طرق مكة دخلنا عرفة وطلعنا منها ووصلنا لطريق يودي السيل الكبير وبدا السواق يلف ويدور حتى يرجع لعرفة واحنا بالطريق صدم السواق طفل نيجيري عمره ثمان سنوات ما أدري توفى أو بالإنعاش وبعدها توقفت الباصات نزلوا بعض الحجاج وراحوا لعرفة بسيارات خاصة واحنا منهم المهم وصلنا لعرفة تقريباً الساعة 11 صباحاً والساعة 12ونص تقريباً وصلوا الحجاج اللي بالباصات مع العلم ان الباصات وقفت ومشوا حوالي 5 كيلوا وبعض الحجاج من كبار السن ( احسبوا الوقت من 3 الفجر لحد 12 ونص الظهر )
وصلنا لعرفة عبارة عن 5 الى 6 مخيمات طبعا المخيمات مرة مزدحمة فاضطرينا اننا نجلس بالممرات ( والله كأننا شحادين ) حوالي المغرب نادوا على الباصات وطلعنا بس ما شفنا ولا باص اضطرينا نجلس بالمخيمات لحد الساعة 9 مساء مع العلم ان المخيمات غير مضأة
الساعة 11 ونص مساء توقفت الباصات وقالوا ان الباصات موقفة بسبب سد الطريق وما ندري متى تمشي جلسنا لحد الساعة 2 صباحا ولما ما تحركت اغضطريتنا ننزل ونكمل الطريق مشي تخيلوا ساعتين ونص واحنا نمشي مشينا الساعة 2 ص وجلسنا بمزدلفة ولا نص دقيقة بس عشان نكون بتنا فيها وما وصلنا للمخيم بمنى الا الساعة 5 ونص ( والله من التعب ودي اصيح ) طبعا اللي جلسوا بالباص ما وصلوا الا الساعة 12 الظهر ؟؟؟؟؟
جلسنا باقي الايام بمنى واحنا عايشين على بسكويتات وشبس لان الاكل مرة ما تتقبله النفس وبيوم 12 لازم نطلع من منى قبل غروب الشمس حتى ما نبيت بمنى جلسنا ننتظر الباصات بس غربت الشمس وباصنا ما وصل وطبعا كما العادة طلعنا من منى مشي وكملنا سير للحرم بسيارة خاصة وبالنسبة للي جلسوا بالباص ما مشى الباص الا الساعة ست وزيادة والساعة 1زوربع وصلوا لمكان عبارة عن قاعة افراح خالية من كل شي حتى موية الشرب جلسوا فيها لحد الفجر وبعدها راحوا للحرم للطواف والساعة 11 ونص تقريباً مشوا للمطار ووصلوا الساعة 2 الظهر مع العلم ان الرحلة الساعة 7 ونص المساء
لما راح زوجي يحجز مدح له الموظف الحملة وقال إنه مجرد موظف ماله فايدة ونصح رجلي بالحملة وقال ان فيه حجاج حجوا العام الماضي وراح يحجون ذا السنة ( الله من الكذب ) وأن وزارة الحج أعطتهم نفس المكان وهي ما تعطي الا الشركات الممتازة
سألة عن الشيخ اتللي بيكون بالحملة فقال أنه نفس الشيخ اللي كان معهم العام الماضي وبالنهاية صار الشيخ ( شريط )
الحملة تضم 3000 حاج وما فيه الا 10 دورات مياه عند الرجال ونفسها عند النساء و8 عاملات نظافة فقط لاوينفخون بعد
بالحملة فيه ناس من جدة ومكة والطائف وتبوك غير الرياض هم دفعوا 3الاف بس واحنا دفعنا 5الاف ونص والمعاملة وحدة بعد يمكن هم احسن مكان اقرب للبوفيه ودورات المياه
الوساخة تملا الممرات وبكل ثقة يقولون تعاونوا معنا ونظفوا ؟؟؟؟؟؟ ( ما أدري جايين نحج ولا ننظف )
الحملة الظاهر كل سنة لها أسم العام كان اسمها إيلاف وذا السنة الميعاد وماندري وش بيكون إسمها السنة الجاية بس للمعلومية صاحبها ( العتيق ) ولها فرعين واحد بالبطحاء والثاني بالسويدي طريق الابراج شارع عائشة بنت أبي بكر ثاني إشارة
أحـــــــــــــذروا منـــــــهــــا
تمنيت أني صورت كل شي حتى تشوفون حياة المشردين اللي عشناها واسفة إذا طولت عليكم بس والله من القهر للي فيني
أكرر أسفي على الاطالة
تحياتي
رد مع الاستدلال
الروابط المفضلة