السلام عليكم ورحمة الله وبركاته
الحمد لله في الأولي والآخره.......مشكلتى يا خواتي ما عندي صديقات
لا تفهموني غلط أنا عندي صديقات من أيام الدراسه وللآن يتواصلون معاي بالهاتف بعض الأحيان .....وعايلتنا أكثر ما فيها البنات خواتي كثار خالاتي أيضا خواتي بالرضاع وكبرى يعني
بنات خالاتي وووووما شاء الله...كل شئ كان تمام بيني وبينهم إلي أن تزوجت من منطقه أخري غير منطقة أهلي خفت العلاقه عن السابق بحكم بعد المسافه.....لكن الآن تدهورت العلاقه تماما
صرت أينما أذهب كأني ضيفه ثقيله علي قلوبهم ينطرون بس روحتي عشان ياخذون راحتهم
فاهمين شنو راحتهم يعني مثلهم مثل أى ناس بعيدين عن الله...كل جمعاتهم ما فيها إلا الغناوي والطقطقه والرقص البايخ لا ولبس عاري واختلاط بشكل رهيب البنات يسلمون علي كل من يدخل البيت من الرجال يعرفونه أم لا يعرفونه وكل شئ بحجة النيه السليمه وإنه عادي هذا كبير مثل أبوي وهذا صغير مثل أخوي......وفاكهة مجلسهم هي الحش يعني النميمه...ما تتخيلون اللي
يقوم أول عنهم هو اللي يستلمونه أول......للأسف هذه هي عايلتي.........
يا رب يهديهم يا رب يحسن خاتمتهم يا رب...خاصة أمي يارب تهديها وتحسن خاتمتها يا رب
انا يا بنات هداني الله من فتره وصرت أنصحهم لكن أتخذوني سخريه كل ما قلت شئ حولوه إلي نكته أو قضيه هامه للمناقشه يا حلال يا حرام.....تعبت منهم ومليت من كثر ما حاولت أنصحهم لكن ما في فايده لسان حالهم يقول لكم دينكم ولي دين......المشكله أنا بعد ما أختلطت بأحد غيرهم
وما عندي صديقات بره العايله لكن قررت إني أشوف أحد يعيني علي هذه الدنيا زهقت من قعدت البيت بروحي مع العيال أبي أحد أشكيله همي ....صاحبه تزورني أزورها وعيالنا يتصاحبون
نتقضي بالسوق مع بعض تنصحني وأنصحها ودي أحس إن فيه وحده تهتم لي باللي يفرحني واللي يحزننيأتمني إنها تكون نفس ظروفي عشان تحس فيني أكثر.......زوجي طيب ومتدين
لكن تعودت علي الرفقه النسائيه ما أقدر أسوي شئ إلا لما أستشير وحده ولا أشتري شئ إلا لما أخذ راى وحده ثانيه..تربيت مع مجموعه كبيره من البنات وفجأه هذه أنا لحالي...بصراحه متضايقه حيل ودي تقولون لي شنو أسوى عشان أحصل هالصديقه اللي أبحث عنها ....
كل اللي أتمناه فيها إنها تكون ملتزمه وغير موظفه يعني ربة بيت مثلي وانشاء الله يكون عندها عيال......إشرايكم لو أحط إعلان بهالطلب عند اللجان الخيريه النسائيه...ويا كثرهم عندنا بالكويت وإلا شنو قولكم أسوي يعني .......إرحموني وردوا علي تراني صرت عصبيه من كثر الوحده اللي أنا فيها وما راح فيه إلا عيالي المساكين ...
اللهم فرج همي وارزقني بالصحبه الصالحه يارب ....اللهم اغفر لي ولوالديني ووالدين والديني وللمسلمين وارحمني وموتاي وموتى موتاى وموتى المسلمين .....اللهم آمين
الروابط المفضلة