زوجي لا يصلي.
أخواتي العزيزات هذه أول مرة أطرح فيها موضوع في المنتدى. انا متزوجة من سنة و زوجي و الحمد لله ألف مرة ما في منه و ما عمري حلمت بزوج مثله لكن فيه عيب الكل بيحكي انها مو مشكلة لكن بالنسبة لي انا بفكر كل يوم بهالموضوع و بحكي يا ربي شو الحل . مبارح خطر ببالي اني اكتب المشكلة هون و متأكدة انه الأخوات رح يحاولو يساعدوني. مشكلتي متل ما هي واضحة بالعنوان ان زوجي ما بيصلي. مع انه و الحمد لله بيصوم و بعيد تماما عن الحرام و المعاصي لكن ما قدرت اغريه و لا مرة يقوم معي للصلاة. انا الحمد لله بصلي و محجبة و دائما بحكي له كم بيكون حلو لو قمنا صلينا سوا.
سمعت كتير ناس بيحكو انه اصلا حرام انا اتزوج شخص ما بيصلي لانه هذه ردة و كفر، و يحكم بتطليق الزوجة الخ… المشكلة الكبيرة انه زوجي كان متدين جدا جدا و انه كان ما يفوت صلاة الا بالمسجد و كان عضو في جماعة اسلامية معروفة و كبيرة و هو فعلا للآن حافظ من القرآن و الحديث اكتر مني.. لكن فجأة ترك كل هالكلام و سافر لبلد آسيوي … كل ما أسأله شو الي بيخلي انسان بعد كل هالهداية يرجع لورا بيحكي لي انه شاف من أفراد هالجماعه اشياء جعلته يتراجع و يتركهم. ياما قلت له انه اذا الناس اخطأو فالقصور فيهم مو بالدين و ما في الا كلمة وحدة كل ما فتحت الموضوع: ان شاء الله قريب برجع اصلي.
بعرف انه الانسان ما بيهدي حد و أن الله يهدي من يشاء، لكن حابة اكون عملت كل اللي بقدر عليه و أنا الان حيلتي نفدت فيا ترى بلاقي عندكم حل .؟؟؟
و جزاكم الله الخير سلف
رد مع الاستدلال
شكرا
الروابط المفضلة