اللي يهتم بالايتام وله خبره معاهم يدخل ويعطيني معلوماته (ولا عليكم امر)

[lovelygirl]

السلام عليكم ورحمة الله وبركاته
على اعضاء احلى منتدى بالنت كله (( من جهة نظري ))

بدخل بالموضوع على طول
من فتره طويله وانا عندي هذا الهاجس ومو عارفه كيف احققه وابي مساعدتكم يالغالين
انا ودي ازور دار للايتام واشوفهم واختلط معاهم وودي في المناسبات اسوي لهم حفلات عاد من فتره وهذا الامنيه تتردد علي كثير حاولت
ودورت على دار للايتام عندنا مالقيت وماني عارفه كيف ابتدي حتى لو لقيت

انا في المنطقه الشرقيه وبالاخص بالدمام
طلبي منكم يالغالين اللي عنده او عندها تجربه مع الايتام يقولها لي وحتى لو من بلد بعيد وطلبي من اللي حولي بالمنطقه الشرقيه اذا يعرفون دار للايتام في الدمام او في المنطقه الشرقيه عموما يقولون لي عليها
انشاءالله الاقي مبتغاي عندكم

شاكره لكم ردكم مسبقا يالغالين

[نمارق النرجسية]

والله ما عندي فكرة بس ربي يكون معاك في فعل الخير ويجعله في ميزان حساناتك

[lovelygirl]

namrk النرجسية
شكرا على مرورك ودعوتك يالغاليه
اجمعين انشاءالله
وانشالله بقية الاعضاء مو مقصرين

[lovelygirl]

وينكم ياغالين
مافيه احد له تجربه مع الايتام لامن قريب ولا من بعيد
على العموم الله ييسر لنا ولكم

[سناء الطائي]

الاخت العزيزة ------انا من العراق وهنا واقع حال الايتام بائس بائس بائس------وعندما تقدم مساعدة او معونة من احد فانها تسرق كما تسرق اللقمةمن الفم وحالهم يرثى لها في عموم العراق ولكن انا في محافظة الكوت اعمل على تقديم ابسط المعونات من خلال المنظمات الانسانية التي اعمل فيهاوالغير عراقيةفاذا اردت معلومات اكثر اكتبي لي على الموقع -----انا احس بمعانات الايتام لانني ام بالدرجة الاولى وانسانه اشاطرهم الهموم والالم واحس----برغبتك الانسانية لان الانسان هو المخلوق الذي كرمه الله

[أم مودي]

ياأختي أنا كنت أشتغل في دار للأيتام ، وإذا كنت حابه تزوريهم وتاخديلهم هدايا أو تعمليلهم حفلة أو حتى تستضيفي أحد الأيتام فأسألي عن دور التربية (الرعاية)الإجتماعية في منطقتك والمسؤولة مباشرةً عن دور الأيتام ، وأسألي عن برنامج الأسرة الصديقة للأيتام وخذي كل التفاصيل اللي تبغيها منهم ، أعانك الله على فعل الخير.

[lovelygirl]

سناء الطائي
هلا وغلا فيج ياحبيبه وهلا باهل العراق كلهم الله يعلم اشكثر انعاني في معانات العراق واهل العراق الله يصلح الاحوال وينصركم على من عاداكم اللهم آآآآآآآآآآآمين
اي تجربه خضتيها يالغاليه اكتبيها لي
ولو في يدنا انقدم مساعدات للعراق واهل العراق ولكل مسلم محتاج على وجه الارض كان سوينا من زمان لكن ما بيدنا غير الدعاء
اللهم انصر الاسلام والملمين في كل مكان اللهم انصرهم على من عاداهم وثبت اقدامهم واهزم اعدائك اعداء الدين واجعل تدبيرهم تدميرا عليهم ياارحم الرحمين اللهم يامجري السحاب وياهازم الاحزاب اعل كلمة هذا الدين
اللهم آمين اللهم آمين اللهم آمين

نورتي موضوعي الغاليه تسلمين على المرور والرد

[lovelygirl]

أم مودي
تسلمين يالغاليه على الرد
ممكن اعرف انتي من وين وكيف كان النظام عندكم في الدار واذا كنت ابي اطبق نظام الاسره الصديقه اللي اهي اني اقدر استضيف عندي اليتيم لمده من الزمن كيف النظام وكيف النظام اذا حب احد يسوي حفله عندكم للايتام
وعطيني من بعض تجاربك مع الايتام نفسهم
اعذريني على كثر اسئلتي الغاليه ما صدقت لقيت احد له تجربه مع الايتام
شاكره لج ردج مسبقا

[gamosha]

انا بعد امنية حياتي ان اشتغل في دار الايتام على الاقل الواحد يقدر يسوي الخير على طول مع هالاطفال المساكين بس المشكلة ان ماني قادرة اوصل لهم ولاني قادرة اتصل عليهم اسأل واستفسر عن بعض الاشياء يعني مثل حالتج اختي العزيزة اتصلت على البدالة وقالوا لي ان رقم الدار الايتام غير مسجل عندهم ماني عارفة شلون وشنو اسوي ودددددددددددددددي اروح لهم بس ماعندي احد يوديني يقولون ان مكانهم بعيد شوي
احنا في دولة الكويت بس ماني قادرة اعرف واستفسر عنهم واهم عندنا بالكويت؟؟

[محــ الرحمـن ـــبة]

الحمد لله.. جزاك الله كل خير.. والله ييسر أمورك...