السلام عليكم ورحمة الله وبركاته
يا بنات أنا حاسة أنكم أخواتى وممكن يكون الموضوع ده ممكن يحصل لأى عائلة بس الحمد لله ده محصلش عندنا قبل كده لكن للأسف حصل الوقت أنا يا بنات لى إنسان عزيز على قوى والإنسان ده ربنا لم يكتب له التوفيق فى حاجة معينة رسب مرة فى سنة أولى كلية والسنة دى ثانى مرة وأنا عرفت النهاردة ومحدش عرف غيرى لأن فيه شخص معين جاب لى النتيجة النهاردة وأنا مش قادرة أقول لهم لأن مستحملش عليهم الهواء الطاير واسم الله عليهم من الزعل وأنا طول النهار ببكى بدموع وربنا اللى عالم ومش عارفة أعمل إيه مش عارفة أقول لهم إزاى الناس دول امبارح ربنا واحده اللى عالم هم عاملين معاى إيه وأنا شايفة أبوه حبيب قلبى فى الرؤيا لابس عمة و حاطط عباية عربى على كتفه وفى إيده عكاز طالع على سلم بيتنا يهتز رغم إن ما بيسندش على العكاز ده فى المنام والشخص ده فى الحقيقة لا يلبس عمة ولا يضع عباية على كتفه ولا يمسك عكاز ومش عارفة أعمل إيه لأنهم عمرهم ما تعرضوا للتجربة القاسية دى مع حد من بناتهم ما شاء الله عليهم خلصوا من غير ولا واحدة ترسب ولا سنة ولا تشيل مادة وده ابنهم الوحدانى وأقول لهم إزاى رغم إنهم مكلمنى النهاردة فى التليفون بعدها أكثر من مرة ومقدرتش أقول لهم
أهم حاجة يا بنات أن بشكركم إنى تعبتكم معايا بالقراءة وثانى حاجة ودى أهم حاجة أنا طلباها منكم تدعوا لهذا الشخص ربنا يعوض عليه ويوفقه فى حياته ويصلح حاله ويهديه ويصبر أهله ويعدى الموضوع ده معاهم على خير وما يشمتش فيهم حد ويشغل الناس عنهم لحد ما الظرف ده يعدىويفرحهم بيه فرحة كبيرة قوى تعوضهم عن زعلهم
وممكن تنصحونى بنصيحة أبلغها لهم يعملوا إيه معاه وجزاكم الله كل الخير
الروابط المفضلة