معلش طالبة رايكم في هاد الموضوع هو بالنسبة الي حاسم
انا بشتغل من الساعة 8 للساعة 4 وخطيبي مصر اني في وقت الترويحة وانا راكبة السيارة ارن عليه واول ما اوصل البيت كمان ارن قال عشان يطمئن علي اني روحت هو بحكي انه بخاف علي وانا شايفة انه ما هو الا بس استبداد وفرض سيطرة انتوشو رايكم امبارح عصب علي لاني ما رنيت وانا قررت اني ما ارد وما رح ارن نهائيا شو رايكم بلييييييييييييييييييييييييييز انا حاسة انه الموضوع بس عشان يتاكد اني روحت على البيت وما رحت على شي محل حتى لو اني رايحة اشتري شغلة ضرورية وبتضايق لو اني مريت عند بابا وقعدت شوي او اذا اتاخرت 10 دقايق بفتح صوته على الاخر قال فكر انه صارلي اشي انتوا شو رايكم انا بدي افقع انا مش متعودة على هاد الشي كمان هو بده يشوفني دايما ولو كل يوم وانا ما بقدر اهلي بتدايقوا ما بحبوا هاد الشي وهو ما بفهم علي وبصير يحكيلي انه انا ما بحبه وكمان ما بده اياني اطلع ولااروح مكان قال انا ليش ما احكيله ونطلع مع بعض ولما بدي اروح مع ماما مكان بحكيلي انت بتفضلي تتطلعي وتروحي مش لوحكيتيلي اجي عندك او انا اطلعك ياعالم انخنقت انا بحبه بس برضه بحب اشوف صاحباتي اقد مع خالاتي اطلع مع ماما احكولي شو اعمل هاد الشي بكرهني فيه انا زهقت كمان لما يجي عندي بطول للساعة 12 وتاني يوم بصير يحكيلي ليش ما خلصت بدري وليش ماعملتيلي وانا ما بين شغل البيت مع ماما وما بين شغلي المتاخر ومش لاقية وقت لحالي مابعطيني مجال حاسة اني بطلت انام منيح ولااكل ولاشي ياجماعة بحكي معي كتير ولازم كل نص ساعة ارن وبنطول لما نحكي على التلفون واهلي بتدايقوا وبحكيله وبزت كل شي علي اني مقصرة فيه واني بتاخر عليه مع اني والله العظيم بحاول كل جهدي ابسطه بس هو بظل بده وبده وكله على حساب نفسي شو اعمل من شان الله تساعدوني
الروابط المفضلة