انا تعرفت على شاب متزوج وصارت بينا قصه حب وهالشاب كان موضح لي ان بينه وبين زوجته مشاكل عديده انا رفضت شابين تقدموا لي للزواج لانه وعدني انه بيتزوجني اذا تحسنت ظروفه الماديه... اهو جنسيته غير جنسيتي
علاقتي معاه فيالبداية كانت بالمسنجر والتلفون
في بدايه علاقتنا كان جدا حنون وطيب معاي.. وبعدين تغير الوضع وصار يجرحني ويغلط علي ويسب بكلامه وانا مستحمله
بعت كل ذهبي (( حتى الذهب امي اللي ورثته من جدتي ))وعطيته معاشي وانا كنت عايشه على اللهالكريم.. واقول ميخالف لانه كان يمر بظروف صعبه في مجال العمل وقلت بستحمل
دايما انا اللي اعتذر حتى لو كان غلطان... وكان يجرحني بكلام جدا قوي ماتوقع بنيه بتستحمله .. وهم اقول ميخالف .. في البدايه كان يعتذر على اخطاءه.. والحين دايما يحملني الاخطاء ويقولي اني حنانه ونكديه وهالسوالف.. وان ما مني فايده
قطع التلفون معاي .. وصار يكلمني بس بالمسنجر ..دقايق كل اسبوع ... على طول مشغول.... ولما اقوله ابي اكلمك انا محتاجتلك..يقولي ما اقدر استحملي و انتي اكيدما تبين تصير بيني وبين زوجتي مشاكل.... انا احترت شنو اسوي
تفاجات بعدفتره ان زوجته حامل مع انه شارح لي ان صار لها سنتين في بيت اهلها... خفت اقوله شي ويعصب وتفسد فرحته لانه يحب الاطفال... وقلتله مبروك وحسيت اني بموت .. بس ما كنت بضيق خلقه وقعدت اسولف له سوالف تضحك ... وقال سمحيلي لي انا مابي اكلمج من البيت عشان مابي اخرب علاقتي معاها لانها قامت تعاملني زين... قلتله وانا ؟؟... قالي ماتوقعتج انج ما تبين لي اكون سعيد..سكت وقتله انا اسفه
علاقتي معاه في انهيارمستمر.. اخر مره اسئله بتظل تحبني .. يقولي ما ادري لا تكلميني عن المستقبل... اناشاكه حتى زواج ما بتزوجني
ابي ارجع فلوسي ... ابي انهي علاقتي معاه... بس اخاف يفضحني ابي نصيحه شنو اسوي؟؟؟انا متالمه ليش اني ضيعت عمري وقلبي معاه... ابي ارجع كرامتي بس ما ادري ليش الضعف اللي فيني..
خايفه اهده لانه الانسان الوحيد اللي حبيته كل مره اقول ببتعد عنده ارجع بضعف له... اذكرالذكريات الحلوة في بدايه علاقتنا... اهو كان فاهمني ..كان مدللني... انا ما عندي اصدقاء واعاني من الخوف من الناس وما اقدر اعبر عن اللي بقلبي.... ما ادري ليش تغير الحال جذي عفيه قولولي شنو اسوي نفسيتي متحطمه ومتدمره وطول اليوم ابكي... ولا لي نفس أي شي... واتمنى الموت طول اليوم.. أي موضوع يبكيني وكله ساهيه في 10 ايام نقصت حوال 7 كيلوفي
استحملت اني ابتعد عنه اسبوع بس بعدين ما قدرت .... ساعدوني انا مالي غير الله ثم انتم
رد مع الاستدلال
الروابط المفضلة