قدر الله وماشاء فعل

**M!ss Mahy** · 25-07-2007, 05:22 PM

اهلا ياا جماعه
انا عشان ابلغكم
ان انا سقط السنادى
الحمد لله على كل شئ
والف شكر لكل اللى دعتلى والله بارك الله فيكم الله يكرمكم
وياريت تدعولى كمان يقدملى الخير وانى اقدم تظلم يتشال من عليا مواد
تحياتى

**um KHALEED** · 25-07-2007, 05:27 PM

لاتزعلي نفسك وانشاء الله السنه الجايه تعوضيها وبامتياز والله يوفقك ويقدملك اللي فيه الخير ويحقق اللي في بالك

**فتاه تحب الله** · 25-07-2007, 05:30 PM

ماهى مش عارفه اؤلك ايه غير انى اؤل
فعلا قدر الله وماشاء فعل لعل اللى حصل انشاء الله يكون خير ليكى
يمكن ليكى نصيب فى حاجه بسبب السقوط دا انا كمان كنت سقط سنه وسبحان الله بعد لما سقط عرفت اد ايه ان السنه اللى انا سقطها دى كانت خير جدا ليا ولو كنت نجحت يمكن كان فى حاجات كتير حلوه مكنتش هتحصل لاكن الحمد لله ربنا مش بيعمل حاجه لينا إلا اذا كانت خير .
اوعى تزعلى نفسك ويارب يقبلوا التظلم بتاعك .

**دعوه شخصيه** · 25-07-2007, 05:44 PM

قدر الله وما شاء فعل....
واتمنى يكون فيها خيره.لك يارب
واتمنى من الله ينقبل التظلم ..
والله يوفقك.

**vet_basbosa** · 25-07-2007, 05:52 PM

ماهى حبيبتى والله متزعليش كل شئ نصيب بس اهم حاجه تتعلمى من اخطائك وانا متاكده انك السنه الجايه عزيمتك هتبقى قويه وتتفوقى ان شاء الله وبعدين زى ما قالوا الاخوات جايز يكون ده خير ليكى وهونى على نفسك كده دى مش نهاية الكون يا ما ناس نجحوا ومعملوش حاجه وفى ناس اتاخروا شويا فى التخرج بس ناجحين فى حياتهم جدا والنماذج حوالينا كتير
ربنا يوفقك فى موضوع التظلم وابقى طمنينى عليكى
سبحانك الخير كله بيديك والشر ليس اليك فالحمد لك والشكر لك

**angel_81** · 25-07-2007, 08:57 PM

ماهي حبيبتي متزعليش نفسك قدر الله وما شاء فعل اكيد ربنا كاتبلك الخير انا كمان سقط قبل كده ووالله حاسه بيكي وعارفه شعورك وده مش معناه انك فاشله بالعكس شدي حيلك السنه الجايه وربنا يسهل وعلشان خاطرنا احنا بنات لكي واخواتك في الله متزعليش نفسك يعني في داهيه الكليه كلها احنا هانستفيد بيها ايه لو حصلك بعد الشر حاجه حبيبتي قومي اغسلي وشك واتوضي وصلي واخرجي مع صحابك ولا كأن حصل اي حاجه صدقيني والله عن تجربه لو سيبتي نفسك للاكتئاب انتي اللي هاتخسري وعلي فكرة احنا هانحتفل بيكي كأنك نجحتي بالضبط وكلنا معاكي يا رب يعوضهالك اللهم امييييييييييييييييييييين

**M!ss Mahy** · 25-07-2007, 11:55 PM

الف شكر لمشاعركم الجميله دى والله
انا بجد مش عارفه اعمل ايه انا حقدم التظلم وخلاص متشكره اوى ليكم كلكم والله
انجل81 شوفى الرسائل الوارده وشكرا لردكم
حبيبه قلبى بسبوسه شكرا لردك
ام خالد و دعوه شخصيه و فتاه تحب الله الله يجازيكم كل خير على لرد

**eman_for_allah** · 26-07-2007, 05:14 AM

ماهى
معلش ياحبيبتى اكيد ربنا له حكمة من كده
وان شاء الله تعوضيها بنتيجة أجمل بكتيييييييييييييير
وماتخافيش ان شاء الله ربنا معاكى
وكفاية انك قلتى قدر الله وماشاء فعل

**عمرى لزوجى** · 26-07-2007, 11:47 AM

حبيبتى ماهى الجامعه كده معلش باه قدر الله وماشاء فعل .....
وعلى فكره زى "فتاه تحب الله" ماقالت يمكن ان لم يكن اكيد ان شاء الله
ربنا شايلك الخير ف مكان تانى .... اوعى اوعى تزعلى نفسك انتى متعرفيش الخير فين؟؟؟
واسالى مجرب ؟؟؟؟؟ يلا باه قدمى التظلم وانسى السنه دى خلاص وابداى صفحه جديده..
ماشى يا ماهى ولا ايه؟؟؟

**M!ss Mahy** · 26-07-2007, 02:05 PM

ماشى يا احلى بنات
انا ححاول ابتدى من جديد وربنا يكرم يارب
والف شكر ليكم والله انا عمرى مانسى وقفتكم جنبى

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: قدر الله وماشاء فعل

أدوات الموضوع

العرض