يا اخواتي الاحباء اراحكم الله من هموم الحياة ويسر لكل سلم ومسلمة امورهم وريح بالهم واعطاهم ما يتمنوة
انا عندي مشكلة توئرقني جدا وهي تبدو صغيرة ولكنها اهلكتني تفكيريا
انا مكتوب كتابي وخطيبي عاوز يتجوز بعد بالكتيير 5 مشهور (مع العلم من اني بحبة )
وانا من ساعت ما عرفت ان بيحضر للجواز واني ممكن اتجوز قريب كدة اكتئبت جدا ومش مبسوطة خالص وبقيت عصبية جدا وكارهة كل حاجة
خايفة من كل حاجة العلاقات الانسانية بين الرجل والست والمسئوليات والخناقات بينا وحاسة انة هايزهق ومشاكل صحابي مدمراني نفسيا ومتخيلة انة هايمل مني علي طول وهايسيبني وحاسة ان واحنا بعاد كدة هايفضل مشتاقلي لكن لو اجوزتة هاتنطفي اللهفة والشوق في قلبة
وانا من النوع العصبي وفي نفس الوقت حاساسة للغاية من كل حاجة ومبستحملش الحزن
وانا هائقيم في دولة برة وانا مرتبطة بوالدتي جدا مش عارفة هاسيبها ازاي
وحاسة اني انا وهو هانبقي لوحدنا فا هايمل في البيت من القاعدة معايا
انا هاتجنن تفكيريا والشيطان اهلك عقلي وقلبي والافكار كلها ماساوية للغاية والمشكلة اني مش راضية ابين لية اة الي بيدور جوايا او في راسي ولما بيكلمني بقولة انا نفسي اشوفة واكون معاة هو صح لانة بحبة لكن خايفة لا مرعوبة من الجواز
انا تعبانة نفسيا جدا انا اعمل اة انا صح ولا غلط اريح قلبي وعقلي ازاي
ممكن تفيدوني بارائكم يا احبائي في الله
لكن بدون اي تجريح او استهزاء بمشاعري
لاني فعلا بتالم حتي اذا كانت الاخت التي تقراءة وتري انة تافه بالنسبة لها فهو بالنسبة لي حياة مدمرة وخائفة ادمر حياتي جدا حتي لو تزوجت من كثر الخوف
ولكم مني جزيل الشكر والاحترام

اختي العزيزة
هدي نفسك قليلا..لا يوجد اي داعي لكل هذا الخوف والقلق
فهو من عمل الشيطان الذي يريد ان يحزنك حتى في امر مفرح كهذا
طبيعي القلق والخوف من المسؤوليات لكن الى حد ما
فأنت غير مقبلة على حرب انت مقبلة على بناء اسرة وارتباط مقدس بإذن الله
في بيت تكونين انت ملكته والمسؤولة عن مايخصه من مسؤوليات وايضا اشياء جميلة
منها المشاركة والارتباط ومن الطبيعي وجود مشاكل كثيرة جدا في الزواج
خاصة اول سنوات الا ان ذلك لا يعني ان زوجك سيمل منك او يكرهك
على العكس هذه الخلافات هي الوسيلة للتقريب بين وجهات نظركم حتى الوصول الى الاتفاق بإذن الله
جميل ان يكون عندك احساس بالمسؤولية والخوف منها فذلك يجعلك تؤدينها على افضل وجه
لكن لا تجعلي التفكير السلبي يسيطر عليك الزواج مثل اي شيء في الحياة
تمر عليه اشياء جميلة واشياء صعبة لكن الاساس هو المهم
ومادام تم الاختيار على اساس الدين والاخلاق من قبل الطرفين
فإن الله سيبارك هذا الزواج ان شاء الله ويظلله بالمودة والحب والرحمة
وستستطيعين بمشاركة زوجك التغلب على الصعاب التي تواجهكما
الزواج يقوي الرابطة والحب بين الرجل والمرأة ويقوي الحب
حتى وان اختفت اللهفة الطائشة الموجودة ايام الخطوبة
وهذا شيء ستشعرين به بنفسك ان شاءالله
وتذكري ان زواجك في دولة غريبة رغم انه سيضطرك للابتعاد عن اهلك
الا ان فيه ميزة كبيرة ومهمة
وهي امكانية بناءك لزواجك وحياتك بالطريقة التي ترييدينها دون تدخل احد
أسأل الله ان يوفقك ويسعدك في زواجك ويرزقك الذرية الصالحة آمين.......

تعوذي من الشيطان...
وتوكلي على الله ولاتخربين حياتك
بوساوس شيطانيه.
الله يوفقك...
ونشوفك في المنتدى.
وانتي تتكلمين عن اولادك يارب
ومبسوطه.

حبيبتى ما عاشاللى يستهزا بيكى لانى كل وحدة فينا متجوزة ومرت بنفس الاحساس اللى بتمرى بيه
بس هى سنة الحياة والله الزواج حلو اوى وخصوصا لما تكونى بتحبيه
وهى تجربة لازم منها وما الك الا زوجك واحلمى بمملكتك اللى انت الملكة فيها وعيشى ايامك لانها احلى ايام والله صدقينى احسن تندمى بعدين
والمشاعر اللى انتى تمرى بيها عادية جدا وشعور اى وحدة متعلقة باهلها
عيشى حبيبتى ايامك عيشيها لحظة بلحظة
وبكرة افتكرينى (((امدى)))
على فكرة شكلك دلوعة زيى تمام

يا يا قمر دي مش مشكلة بسيطة ولا حاجة طبعا وكلنا مقدرين تعب اعصابك دة طبيعي جدا لانك مقبلة على حياة جديدة تماما
هدي نفسك كدة واتجهي لربنا وسيبها على الله
ابدأي اتجولي في المنتدى واستفيدي من الخبرات الكتيرة الموجودة ماشاء الله
ابدأي خططي من دلوقتي لحياتكم وافكار تقضي على الملل بينكم
اتقربي لله وقربي خطيبك وزوجك لله وستكوني اسعد مخلوقة باذن الله

على فكره باه مشكلتك معرضه ليها اى بنت قبل الزواج....
لان الشيطان بيكره حاجه اسمها زواج لانه خطوه حلال ويبدا يجيب الافكار دى
ف راس العروسه .... حبيبتى لا تشغلى بالك ولا تسمعى للخلافات
والمشاكل لان مش كل البيوت زى بعضها؟؟؟؟ اما الاشتياق واللهفه فدى حاجه
بايدك انتى الى تخلى حياتك ممله او متجدده دايما.... يلا يلا افرحى وان شاء الله
نسمع اخبارحلوه قريبا.....

حبيبتي صلي صلاه حاجه وادعي ربنا كتير وهدي نفسم وفعلا دي مشكله بتحس بيها كل البنات
يا رب يهديكي ويحنن قلب جوزك عليكي ويسخره ليكي ويسخرك ليه ويرزقكم بالذرية الصالحة اللهم امييييييييييييين