مرحبا يا بنات انا هاي اول مشاركة لي في هذا المنتدى الرائع عن جد كثير حلو اول مشاركة هي اني حابه اعرض عليكم مشكلتي وهي مشكلة كثير صعبة بالنسبة الي انا متزوجه من خمس سنوات وعندي 3 اطفال ولدين وبنت وكلهم تقريبا اعمارهم صغيرة وانا موظفة بشتغل من الساعة سبعة ونصف الى الساعة الثانية والنصف المهم زوجي ما بحس فيه ومش مقدر ظروفي في البيت وبرا البيت يعني بالاصح هو بداوم كل الاسبوع بعيد عن المدينة الي احنا ساكنين فيها برجع يوم الخميس باليل وبظل ليوم الجمعة وبرجع على الدوام يوم السبت المشكله مش هون المشكلة لما يجي عنا على البيت بعد غياب اسبوع طبعا انا بكون استنا فيه ومحتاجة انو يكون معايه هو طبعا ماخذ الامور عادي راكن عليه بكل اشي خليني احكي عن يوم الجمعة بالذات الي بيكون هو معطل فيها والله يا بنات بجيب اغراض البيت وخصوصا اغراض الغدا بضل يحوس حتى يروح عند اهله طبعا مع الاولاد بتركني وبروح وبطول كثير يعني احيانا بغدا وبروح وبضل لنص الليل طبعا انتو بجوز تسالوني ليش انا ما بروح معاه هاي مشكلة تانية لان في خلاف بيني وبين اهله وفضلت اني ما اروح لانهم ما بدهم اياني وطبعا زوجي بعرف انو اهله ما بدهم اياني ومع هيك واقف جنب اهله انا مش ما بدي زوجي يروح عند اهله بالعكس انا بحب يروح عشان همه اهله بس ما بقدر اني انا بكون محتاجه انو يكون معاه والله بتركني وبروح عندهم وانا طول الاسبوع تعبانه ومحتاجه زوجي زي كل البنات المتزوجات وانا مش حاسه اني متزوجة غير بالاسم حابه يحس فيه ويشعر معاه على الفاضي تكلمت معاه بس اهله اماثرين عليه كثير ومش عارفه شو بدي اسوي مع اني بدلله وبهتم فيه وبحبه وهو اخدني عن حب خمس سنين حب قبل الزواج انا صرت اكره يوم الجمعه وبصراحه هو مش واقف جنبي بحسه ضضي بكل اشي حتي لما احتاج اروح اشتري اي اشي ما بروح معايه مع انو معاه سيارة وبخذها على شغله مع انو هو مش محتاج سيارة انا محتاجة السيارة اكثر منو بس ما برضى يعطيني اياها بخليني اروح مواصلات واتبهدل من الناس والمواصلات كثير صعبة يعني ما بيجي يوم الخميس الا وانا مرهقه على الاخر عمري ما سمعت منو كلمة شكر او اي اشي يريح البال وعلى فكرة انا كثير مهتمى بولادي ومش مقصرة معاهم وعلى عليه هو بالذات والله بنان بدون هز ما بعرف شو طول الليل بالنسبة الي الليل عندي خمس دقائق مجرد ما اغمض عيني على طول بفتح بلاقي الصبح من كثر التعب انا مش زعلانه بالعكس انا مبسوطة في شغلي بس زوجي كثير جامد ومش حاسه اني متزوجة ما بشاركني باي اشي والله اني تعبت وبطلت اقدر اطلع عليه لاني كثير زعلانه منو وغير هيك بخليني ادين فلوس من خواتي وما بعطيني اياها يعني بضغط عليه في كل اشي مش مرتاحه حابه يكون زوجي حنون وحاس فيه وشاعر معي شو اعمل يا بنات بصراحه انا كنت بدي اروح عند اهلي يوم الجمعة واخليه يشبع باهله بفضل الناس عليه وانا زوجته بفضل يسهر مع اقاربه واهله احسن ما يسهر معايه وانا كثير محتاجة راجل يوقف جنبي بكل ظروفي . وانا اسفة اني طولت بس والله لو بدي احكي الله بعلم اديش انا تعبانة ارجوكم تساعدوني وتشفو شو حل مشكلتي. نسيت احكيلكم السبب الكبير الي خلاني اكره انو كان كل مشكلة بتصير بيني وبينه بعايرني بالماضي اللي كان وبجرحني كثير في كلامه.

بسم الله الرحمن الرحيم
اختي والله انت لاتتكلمي عن زوجك فقط انت تتكلمي عن ازواج كثيرين مثله وانا زوجي اكثر من هيك لسه انتي بتشتغلي انا قاعده بالبيت وبربي اولادي وبالغربه ورغم ذلك لايعطيني كلمه ودائما على الكمبيوتر ودائما مهملني بتعرفي انا بكره كل الرجال من اجلي زوجي ولو بدي اعطيكي حل رح اظلم زوجك لاني بجد ماخده موقف منهم كلهم بس الجاي الى الله ولاتتركي الدعاء وماتهمي نفسك لانك من كتر مابتفكري بتمرضي ديري بالك على حالك وطمنيني

شكرا كثير على تجاوبك معي وانك حسيتي فيه والله اني تعبانه كثير من كثر ما تعبت معاه وحاولت كثير بكل الطرق لاكن هو ما بزهق شكله مش سائل عني لان لو بهمه امري كان على الاقل حس بظروفي اللي هي لازم تكون بتهمه لاني زوجته وام اولاده بس شو بدي احكي والله يوم الجمعة اللي فات حكالي كلمة كثير صعبة وما بتنحكه لاي احد كيف حكاها لزوجته انا مستغربه كثير من كلامه المفروض انا زوجته يعني لازم يحافظ عليه وانا حكيتلو حسبى الله ونعم الوكيل من كثر ما انقهرت من الكلمة حكاها بظلم يعني مش من حقه يحكيها بس يا بنات انا اكتشفت انو اهله هم الي قاعدين بقوه عليه هو ما كان هيك نهائي كثير اتغير واهله ساندينه يعني صافين معه على الظلم بدون حق يعني المفروض يكونا عارفين ابنهم ظالمني لكن هم مش معترفين انو ابنهم غلطان او حتى ظالمني يا ويلهم من الله وانا مش مسامحهم ابدا مها طال الزمن لا يمكن اسامحهم ولا حتى زوجي انا مش مسامحه لانه ظالمني.

الله يعينك بس حرام تفكرين في كراهيته لان اهو يتعب علشانكم

حاولي انو يغير مكان عمله او انتي غيري مكان عملك وخليكي قريبه منه

انا عارفه احساسك اتجاهو يعني لو كل الدنيا بتقولك سامحيه مارح تعملي لانو بالنهايه انتي قلبك بوجعك منو بس انا بدي اذكرك انو في خالق نلجا له عند الازمات ادعيلو وابكيلو وقوليلو يارب انا تعبانه اقوي ريحني يارب انا مش عارفه اعمل ايه انا محتاره رسيني على قرار اخدو علشان ارتاح وادعي وادعي صدقي ربنا رح يريحك خلينا على تواصل اختك التائبه 2دائما معك وصدقيني انا رح ادعيلك الله يريح بالك ويناولك الي ببالك

أختي العزيزة اولا

إذا هو بشتغل وقادر على مصروف البيت لا تشتغلي بكفي تربيت الأولاد عليكي وهو مجبور وزلمة ولا بس الرجالة تتزوج يعيني والمرة تصرف

ثانيا : يعني يوم الجمعة خليه يوم السعد عندك الفجر يعني صلاي واقرئي سورة الكهف والبسي أحلى لبس ولا يهميك بشوفك حلوة وتل القمر بنسى الطلعة وإذا طلع

أتاكدي رح يضل يفكر فيكي وبجمالك ..

وبعدين الجمعة ليش هو بوخد الاولاد خديهم ورحوا مطعم أو حديقة او منطقة للألعاب الأطفال وروحي انتي إياهم

والمهم

لا تتعبي نفسيتك واحكوا مع بعض في هدوء إذا سمح الوضع وناقشيه وافتحي صفحة جديدة مع دار حماكي والمسامح كريم

وربنا مابرضا بالظلم


وانا بفضل اموت مظلوم ولا أموت ظالمة والعياذ بالله

يعني الواحد كم مرة عايش على هالدنيا

الله المستعان

أهلا بك يا اختي ساره 2007 معنا
آملين لك امتع الأوقات بصحبتنا .

موقفك باتجاه زوجك لا يشوبه اي خطأ بل على
العكس تماما انت انسانه مهتمه ببيتك وبابناءك
وبنفس الوقت لست واقفه ضد زيارته لأهله
وهذا شئ ايجابي في حياتك .

أحيانا ما تقوم به الزوجه لا يتفهمه الزوج أو
أنه يتفهمه بطريقه مغايره تماما عما تتفهمه
الزوجة وبالتالي من هنا تحدث المصادمات
الناجمة عن هذا التعارض .

واحيانا السكوت عن الشئ يفاقم المشكله ويزيد
من خطورتها وعدم حل المشكله اولا بأول يقودها
الى منعطف آخر .

حاولي ان تحاوريه باسلوب محبب وتبيني له بانك
بحاجة له وانك تنتظري عودته بفارغ الصبر
وحاولي كل اسبوع ان تغيري شئ سواء في بيتك
او في مظهرك حتى يتلهف للبقاء في المنزل ويشعر
بان هناك محاولات تبذل من أجله .
وطالما انك موظفه فلماذا لا تجلبي له هدية مثلا
أو تعزميه على غذاء في مطعم بعيدا عن الابناء
فلربما كل تلك الامور تجعله يغير تعامله اتجاهك
لأنني وبصراحه لم اجد في حياتك تلك المشكله
الكبيره التي من الصعب حلها وانما مشكله من
السهل الوصول لها بحل .
فكثير من الأخوات تعاني من الجمود العاطفي
ولكنها بالصبر تستطيع التغلب على مشكلتها.


أما ان لا تكلميه وتذهبي عند أهلك فهذا كلام لا
يصح لان ذلك لن يصلح الأمر بل على العكس
سيولد في نفس زوجك التحدي والاصرار ويتفهم
من تصرفاتك بانك انسانه تفرضي رأيك عليه .


أتمنى لك كل السعادة

الله يعينك اخت ساره وانتى لا تكرهى زوجك بالعكس انتى تحبينه لاكن تكرهى تصرفاته فالكره كلمه صعبه وشكرا

صباح الخير كلكــــــــــــــــــــــــــــــم شكرا كثير على التواصل معايه وانا اسفة اليوم داومت لان الجهاز عندي بالشغل مش في البيت حابه ارد عليكم واستخلص الامور حبيباتي كلكم والله حاكيت معاه بهدوء وحكيتلوا اني انا محتاجه انك تكون معايه وبلبس وبجهز حالي يوم الخميس عند وصلته من الشغل رغم اني بكون تعبانه بس برضي عشان هو بحب يوم الخميس مع هيك ما بلاقي منو تقدير مثلا عشان خاطري يقعد عندي مرة يوم الجمعه لاكن ما في فايدة وبالنسبة اني ابطل اشتغل هذا صعب لان ظروف زوجي مش كثير كويسة لاني انا بدفع اجار البيت واجرة المربية الي بتكون قاعدة عند الاولاد وهو بس بصرف على البيت وعلى السيارة الي عنده ويا ريت انا مستفيده من سيارته وباخدها معاه طول الاسبوع بضل واقفه على الشارع لو بعطيني السيارة كثير بخفف عني تعب المواصلات والله المواصلات هيه اللا تعباني وحكيت معاه بخصوص السيارة عشان اسير اروح فيها بس على الدوام مع اني انا معي رخصة يعني مش رح اغلبه كثير بس بدي ادرب عليها اشي بسط يعني ما بحس بتعبي المشكلة في ذهابه عند اهله والله شو ما سوي معاه الا يروح وبوعدني ان يروح بكير بس لما يشوف في ناس عند اهله بفضل يجلس معاهم وبنسى اني بستنا فيه وهذا الموال من زمان يعني الة سنتين على نفس البرنامج مش كاين يغير ابداً يعني ما زهق ابدا من مشوار اهله وكمان باخذ لولاد معاه وبالنسبة اني اروح انا وياي والاولاد على الملاعب او مدينة الالعاب بحكيلوا بس بضل فكروا في اهله ما بحب يطلع اي مكان ولما احكيلوا خدني عند اهلي وصلني وبس ترجع من عند اهلك تعال روحني تخيلوا ما برضى يوديني ولا برضى يروحني بحكيلي روحي لحالك وهاي المشاكل كلها من سنتين نفس المشاكل ما تغيرت نهائي هيه هيه حاولت اشوفلها حل مش راضية تنحل ومسببه الي تعب نفسي كبير بس ما بحب ابين لاي حدا اني تعبانة وبعدين بالنسبة لاهله انا مش رح اقدر اروح عندهم لانهم كثير جرحوني وبهدلوني وغلطو معايه وياريت لو بحسه انهم غلطو معاه كان اهون لاكن هم بدون احساس وصعب تعيشي مع ناس ما عندهم احساس ولا حتى دين تخيلوا ام زوجي ما بتصلي نهائي ولا بتفتح على قرأن والله عمري ما شفتها بتصلي بصراحه ناس بخوفوا والله من كم شهر انا خلفت وجبت ولد ونمت بالمستشفى ما فكروا يزوروني بالمستشفى عشان انس انهم زعلوني يعني فوق ماهم غلطانين بزيدوا غلط في غلط لو اجو عندي على المستشفى والله كان نسيت كل الي راح ورح افتح صفحة جديدة معهم في حدا مثلهم شو رأيكم احكولي والله اني تعبت وحترت وصرت احس زوجي مثلهم ما بحس نهائي زيهم بالضبط نفس تصرفات اهله انا مش حابه احكي مع زوجي لانه بعرف كل اشي وعارف ليش انا زعلانه ما في داعي احكي معاه لانه عارف شو الي بريحني بس ما بعرف ليش هو قاسي مع اني انا حنونه عليه. دلوني الله يخليكم .

واللهى يا حبيبتى انصحك نصيحه اهتمى بنفسك واولادك وصحتك وانسيه خالص علشان ماتتعبيش
وافرحى واضحكى ولا يهمك منه