احترم نفسك واعرف انت بتكلم مين
الكلمة دى بقينا نسمعها فى كل خناقة فى الشارع المصرى ومقدرش احكم على اى شارع تانى لانى مشفتش غير شارعنا المصرى المهم بقى كل اتنين بيتخانقوا تلاقى كل واحد بيقول للتانى احترم نفسك واعرف انت بتكلم مين والله ابهدلك ويرفع المحمول ويقول الو سيادة اللواء فلان وطبعا تلاقى سيادة اللواء ده عمو البقال اللى تحت البيت وفاضل يقوله ابعتلى ماما من على القهوة واللى يغيظ بقى انه دايما يقول انا هعمل وهروح القسم ويحسسك ان الظباط اللى فى القسم قاعدين منتظرين اشارة من حضرته وانه ماجرهم علشان يتخانق براحته فى الشارع واللى يفقع المرارة بقى ان البنت تبقى راكبة الاتوبيس والموبايل يضرب تقول ايوة يا مامى انا رجعت من المول الاسعار هناك نار والله اشتريت توكتين ب50 جنيه
طيب يا اختى كنتى وفرى 5 جنيه للتاكسى بدل زنقة الاتوبيس ويجى واحد يضايقها فى الاتوبيس تقوله انت مش من مقامى والله ابهدلك افهم انا بس مش من مقام سيادتك ليه ماهو فى نفس الاتوبيس ولا انتى بنت 9 وهو ابن شهرين يعنى المهم بقى مطولش عليكم عاوزين اراء جامده كده وجريئة وبنات مبتخفش وتقول رايها وتحكى على اى موقف من ده حصل قدامها او معاها او مع اى حد تعرفه
رد مع الاستدلال
الروابط المفضلة