السلام عليكم ورحمة الله وبركاته

أخواتى فى الله أنا سعيدة بإنضمامى ليكم فى هذا المنتدى الرائع

وأسفة إن أول مشاركة ليا تكون مشكلة عندى .. بس أنا معتبراكم أخوتى فى الله وأرجوكم عايزة رأيكم لأنى حيرانة

المشكلة ممكن تكون بالنسبة لناس كتير شئ بسيط وعابر بس بالنسبالى شئ كبير

أنا متزوجة من سنة تقريبا والحمد لله زوجى ملتزم وبيحبنى وانا كمان بحبه وبنعيش بفضل الله فى جو هادى وجميل ملئ بالحب والسعادة الحمد لله

أنا غيورة جداا بطبعى بس مفيش حاجة حصلت فى حياتنا إستفذت الغيرة دى بشكل كبير بسبب إلتزام زوجى والحمد لله الحياة هادية بينا

فى أول زواجنا كان زوجى لما بيقعد على الكمبيوتر بيعمل شات أحيانا مع رجال من جنسيات مختلفة بس لوقت بسيط لأنه هو مش بيكلم نساء على الشات لأنه لايجوز طبعا وكنت ببقى موجودة فى الغرفة بعمل أى حاجة وبكون مطلعة على كل إللى بيعمله على الجهاز مش عن تعمد ولكن بالشكل المعتاد

المهم وأحاول أختصر

من فترة وهى حوالى شهرين تقريبا لاحظت إنى أحيانا لما بدخل عليه الغرفة وهو قاعد على الكومبيوتر لأى سبب ما بلاقيه يقفل صفحة الشات بسرعة وصفحة الموقع نفسه بتاع الشات .. فعملت إنى مش واخدة بالى علشان مسببلوش إحراج ويمكن يكون شئ عرضى وأنا دايما بفرض الظن الحسن لآخر لحظة

بس الحكاية دى إتكررت كتييييير جداااااااا على مدار الشهرين دول وبيكون واضح عليه التوتر
حتى إمبارح بس حصلت الحكاية دى حوالى 5 أو ست مرات فى فترات متقاربة وكان باين عليه التوتر والتغير
وانا مش عارفة أعمل إيه .. خايفة أسئ الظن بيه وأحاسب على كدة بس أنا صبرت كتير وأفعاله دى تشكك أى حد وتثير الشبوهات حواليه
ومش بلاقى غير تفسير واحد إنه بيكلم نساء وأحيانا نفسى بتحدثنى إنه يكون متعلق بإمرأة معينة وبيتكلم معاها على طول لأنى كل أما أقطعله الحديث بدخولى الغرفة وبيرجع على طول بمجرد خروجى منها
أنا علاقتى بزوجى علاقة متميزة جدااا الحمد لله ومحدش فينا إتغير مع التانى لحد دلوقتى .. وأنا خايفة إن موجهتى له بشكوكى بدون دليل تعمل مشكلة لأنه أكيد هينكر علشان ميتحرجش
وفى نفس الوقت معنديش الخبرة الكافية على الجهاز إنى أعيد صفحات المحادثات إللى بيعملها علشان أقرأها بنفسى
وخايفة أدخل عليه فاجأة وأمنعه من إغلاق الشات وأشوف هو بيعمل إيه بس أكيد الطريقة دى هتجرح كرمته وهتكسر بنا أشياء فى علاقتنا ببعض
كل إللى أنا بعمله إنى بحاول ألمحله إنه ميدخلش على الشات ويكلم نساء بس بقوله كدة على سبيل الهزار والضحك علشان ميبنش عليا إنى شكة فى حاجة
بس مفيش فايدة

أنا عارفة إنى طولت عليكم كتير بس كنت عايزة أوضحلكم جزء من إللى بيدور فى فكرى وإللى مسببلى الحيرة .. ومش عايزة أسكت على الحكاية دى لأنى من كتر ماتكررت حسيت إنى بدأت أتغير من ناحيته وبنظرله كأنه بيخونى
فبالله عليكم ساعدونى بأرائكم وإهتموا بمشكلتى وجزاكم الله كل خير

اختي الغالية ربنا يهدي سرك ويريحك ويطمن بالك وتلاقي حل انتي ممكن حاولي ابعدي الشك عن نفسك لو بخلق اعذار لغاية ما يبان كل شي لك وحده وبالصدفة لان الشك يموت صاحبه ويدمر كل شي

ثانيا انتي ممكن تعرفي هو بيفوت علىاي شات واحنا ممكن نساعدك بطريقةانك ترجعي تشوفي كل الي كان بيكتبه طبعا لازم تكوني تعرفي اميله وكلمة السر بتاعته عشان تعرفي تدخلي ع اميله

وممكن كما هو يكون بيدخل على موقع بيخص العلاقات الزوجية عشان يتعلم حاجات اكثر تجمع بينكم ومش عايز يحرج منك

وهو ع الاغلب ما في خوف لانك زي ما بتقولي زوجك ملتزم وكونه ملتزم يبقى مش ممكن يكون بيدخل مواقع مش كويسة او تسي للادب او الاخلاق او حتى يكون بيعرف واحدة غيرك ده الالتزام بيحتم علينا كده والله اعلم

وزي ما قلتلك حاولي ابعدي الشك عن نفسك اد ماتقدري


اوصف للناس الجنة وانا في النار

اللهم لا تذرني فردا وانت خير الوارثين

لا تحاولي تتأكدي من صحه تفكيرك وانما حالوي تحكيله قصة لحد على سبيل الدردشه الزوجيه يمكن يفهم من خلالها وابعتيله ايميلات عن تحريم الكلام مع الجنس الاخر بدون سبب
وشو في يمكن يتغير لانه معدنه طيب وربنا يوفقكم

الله يعينك حبيبتي وانشا الله بتكون اوهام

وانا ماانصحك انك تواجهينه لان علاقتكم لحد الان كويسه وممتازه ويمكن تكوني مو متاكده من

شكوكك وبكذا يزعل منك لانك ماعندك ثقه فيه , يعني حرام تخربين العلاقه الحلوه بينكم

انا بقولك حل اذا كان الكمبيوتر بمكان تقدرين تنامين فيه بحيث انك تسوين نفسك نايمه واذا هو خلاص

حس ان انتي نمتي بياخذ راحته وانتي تشوفين كل شي اذا كان الجهاز بغرفة النوم او بغرفة الجلوس

بحيث انك تنامي على السرير خلفه او على الكنبه اللي بغرفة الجلوس وخليه يتاكد ان انتي نايمه

بعد كذا هو بياخذ راحته خصوصا اذا مابينتي له انك شاكه بشي وانك واثقه فيه تماما اما اذا لاحظ ان

ان انتي شاكه في وضعه ماراح يسوي شي وانتي موجوده حتى لو انتي نايمه

السلام عليكم
الاخت الكريمة
اختكم في الله
بالنسبة لزوجك الكريم
انت اثنيتي عليه بما فيه الكفايه
والحمد لله علي انه بخير
والله يا أختي الكريمة فكرت بحلول كثيره لموضوعك ووجدة حلول كثيره ايضا
ولكن لم اجد أسلم من هذا الحل البسيط
الذي لا يحتاج الي برامج مراقبة او معرفة كلمة السر والتجسس وغيره
إجعليه يوما جالسا كعادته وانظري هل سيرتبك كما تقولي عند دخلت اذا بانت عليه هذه المظاهر
أدخلي عليه مره أخري في وقت قريب وإإتي بكرسي واجلسي إلي جانبه وكأنكي تريدي الجلوس معه
واجلسي بجانبه وانظري ماذا يفعل
وسيظهر لك اذا امتنع عن فتح نافذه من نوافذ المحادثه
وستجدي ان النافذه تومض او تصدر صوتا تنبيها لانه يوجد كلام يكتب
قولي له رد علي المحادثه
إذا لم يكن يوجد شيئ سيرد عليها
واما اذا صح شكك فلن يرد عليها وسيرتبك اكثر
طبعا انت في دورك بكلا الحالتين ستقرأي ماذا كتب زوجك
او من يكلمه
فإذا ارتبك وبان عليه الخطأ
راجعيه في لحظتها واجلسي معه واستفسري منه لماذا يفعل ذلك
وبعدها تستطيعي حل المشكله بطرقك الخاصة
هذا ما رأيته أصح الحلول
وأسأل الله ان يوفقك ويسدد خطاك
ويطمئن قلبكي
والله من وراء القصد
أخوكم حسين من فلسطين

شوفي يا ستي

بما أنه زوجك

أجلسي بجواره ( بجواره قوي )

وتتدلعي عليه

وأطلبي منه أنه يعلمك الكومبيوتر

وطبعا مش ده المهم !!!!

وأنت عارفة الباقي

كل ما تلاقيه ٌاعد في الشاااات إعملي كدة

السلام عليكم ورحمة الله وبركاته
أعتقد أن آخر ردود ل أنين الورد , mellow heart , نورا 1980 مناسبين جدا بس حاولى تكونى هاديه وأنتى بتتناقشى معاه عشان يحس بالذنب لأن لو أتكلمتى بعصبيه هيدافع عن نفسه حتى لو عارف أنه غلطان و أن شاء الله يكون الموضوع خير وتكون شكوكك فى غير محلها وأبقى طمنينا عليكى

يارب فرج هم كل مهموم ومكروب
لاتقل يارب عندى هم كبير ولكن قل يا هم عندى رب كبييييير

جزاكم الله كل خير على الإهتمام والردود الكتيرة دى جعلها الله فى ميزان حسناتكم
بس أنا عايزة أوضح بعض الأشياء
أولا أنا كويسة جدااا فى الكومبيوتر والحمد لله يعنى حجة إنى أقوله علمنى دى مش هتنفع
بس معلوماتى موصلتش إنى أعرف طريقة أعيد بيها صفحات الشات تانى بعد إغلاقها ومعرفش أصلا هل فى فعلا طريقة تعمل كدة ولا لأ
وثانيا أنا حاولت كتير إنى أدخل عليه وأقعد جنبه بس مجرد لما أدخل بيغلق الصفحة والموقع نهائيا يعنى مش بينزل الصفحة تحت .. بس مش بقدر أسأله ليه قفلتها لأنى متوقعة الإجابة أكيد لو حاجة غلط هينكر
وبالنسبة للموقع إللى بيدخل عليه هو موقع i c q بيدخل على الشات بتاعه ومش بيكون له تسجيل أو عضوية بيكتب الإسم وبيدخل عادى والمشكلة إنه فيه أكتر من غرفة .. أنا معرفش بقى هو بيدخل فى أى غرفة وبأى إسم
لأنى لو أعرف الغرفة إللى بيدخلها والإسم إللى بيدخل بيه كنت دخلت بإسمه وشوفت مين إللى هيطلب الكلام منى وكنت إستدرجته لحد ما أعرف الحكاية
ومش عارفة أوجهله أى إتهام من غير دليل
فأنا بصراحة شايفة إن أحسن حل إن لو حد يعرفنى طريقة أعرف أعيد بيها صفحات الشات ده لو كان فيه طريقة فعلا تعمل كدة
وساعتها أقطع الشك باليقين ووقتها أفتحه بهدوء بس أكون متأكدة من إللى أنا بقوله علشان هو ميقلبش الموضوع عليا ويزعل هو ويحطنى فى وضع إتهام إنى بشك فيه أرجوكم لو حد يعرف الطريقة دى يقولى عليها ضرورى

واضح انك مش عاوزة تحلي المشكلة ؟؟؟؟؟؟؟؟


انت عاوزة تصطاديه وهو مخطىء


راجعى ردي عليكي


ونفذيه بطريقة الزوج المتدلعة

وصدقينى مش ح يدخل الشات تاااني


ما انت اديتى له الشىء الذي يبحث عنه

يارب تكوني فهمتينى

هلا حبيبتي يمكن تكون فكرتي عبة شوي لكن فكري فيها و طبعا تعتمدبالاساس على طبيعة علاقتك بزوجك وعاى ما فهمت انها ok ما في هالوقت احسن واريح من الصراحة لانها اساس كل شئ بالحياة يمشي صح ، يعني اجلسي مع زوجك وبكل ادب واحترام (واختيار كلمات ناعمة وخفيفة يعني كلمت شك صعبة كثير ) اختاري كلمات حلوة ويكون هو رايق ومبسوط مو معصب و صارحيه بحيث ايكون اسلوبك في انك خايفة عليه من جلسته الطويله على النت او انك تبكي واذا سالك قوليله انك تغيرت علي وانك ما تحبني مثل قبل وقليلة ليه انا مقصره عليك بشئ واذا قالك لا قوليله ليه ما تجلس معي مثل قبل ليه دائما جالس على النت يعني حسسيه بالكلام انك عارفة شئ ودائما كوني حذره في كلامك ودائما خلي كلامك انك مستضعفة لاتكلميه ابد بلهجة انك تحاسبيه او كأنه تراقبه ،لانه طبعا رجال والرجال مايرضى حد يحاسبه .
وان شاء الله الله يكون معك ويحل مشكلتك .
ونسمع عن قريب نك كويسه معاه .