السلام عليكم اخواني و اخواتي..
أول مرة اكتب في المنتدى.. و أتمنى استفيد منكم
الموضوع واقعي و عني أنا.. و لكن بما أني فاشل و ما أعرف كيف تفكير البنات :P.. أتمنى أسمع آراء الأخوات في المنتدى لعلي استفيد.
الحمدلله ربي وفقني و تقدمت لخطبة بنت تعرفها أمي و لقينا منهم القبول. لكن للآن الموضوع فقط بين أمي و أم البنت. عزمت على زيارتهم في بيتهم في أقرب فرصه.. لكن ربي ما كتب لي أزورهم قبل ما يشرفنا رمضان. و لأنهم ساكنين في مدينه ثانيه و راح اضطر اسافر.. قررت أأجل الزيارة إلى ما بعد رمضان و العيد بإذن الله.
المشكلة الآن.. هو اني بطريقة ما حصلت على ايميل البنت !!
و في بالي الآن اني ارسل لها ايميل.. أسلم عليها و أبارك لها بالشهر. و أيضا انشالله بهالرسالة يزول التخوف و التوتر من يوم الزيارة. خاصه و اننا ما نعرف أي شي عن بعض غير الي سمعته من أمي عنها و الي سمعته هي عني من أمها.
فأتمنى أسمع آراء الأخوات في المنتدى.. و خاصه الي من السعوديه من المنطقة الوسطى. لأنهم طبعا أقرب للعادات و التقاليد لكن أيضا الجميع مرحب بهم و آرائهم.
وش بتكون ردة فعلك اذا كنتي في هالموقف و شفتي ايميل من خطيبك يسلم عليك و يبارك لك بالشهر.. و أنتم إلى الآن ما بعد شفتوا بعض؟ هل بتفرحين و تعتبرينها خطوه حلوه و انها تكسر الثلج الي بينكم؟ ولا بتقولين يا عيباه وراه يرسل لي ايميل و هو ما بعد زارنا في بيتنا ؟
انشالله انها ماهي شي محظور في الدين، بالعكس انشالله ان فيها الألفه و قرب القلوب من بعض مثل النظرة الشرعية. لكن العادات و التقاليد هي الي تضيق الصدر
تحياتي لكم و انتظر آرائكم
الروابط المفضلة