السلام عليكم ورحمة الله ..

معليش أخواتي بخش بالموضوع علطول لان حاسه ان قلبي بينفجر عليها وابيكم تساعدونها وتعطونها الحل ولاتنسونها من دعواتكم الطيبه ..

المشكله ان صاحبتي لها علاقه بواحد من خمس سنين وهم يحبون بعض وكانت كل ماتفتح له سيرة الزواج يتحجج بأنه طالب وانه ماتخرج ولاتوظف لين قبل فتره بسيطه البنت الحمد لله اللذي لايحمد سواه تركته وحاولت تبعد عنه هو مازال يتصل ويحاول يستفزها في رسايل الجوال عشان ترد عليه ويدق ويسأل عنها وهي قالت له انت اذا تبيني تعرف بيتنا وتعال بعدين هو ظهر لها بحجه ثانيه انو عنده اخوان اكبر منه وكيف بيتزوج قبلهم ووو من هالكلام والبنت قالت له انا ما ابي تلفونات انت تبيني بعطيك فرصه قالها خلاص بعد 6 شهور انا بجيك بس ابي نتطمن على بعض بين فتره وثانيه على رسايل الايميل لأن هي مو راضيه تكلمه تلفون ..


الحين البنت متردده انو اذا جاها توافق عليه اولا هي 80% مو موافقه لانها خايفه وش مخبي لها المستقبل وخاصه تعرفون نظرة الرجل للبنت اللي كانت تعرفه قبل الزواج وان لا دينا ولا مجتمعنا ولا اخلاقنا تسمح !!

وانتم تعرفون ان فيه رجال يشكون بزوجاتهم من غير شي فمابالكم بوحده كان يعرفها قبل الزواج ؟؟
وخاصه ان الولد يوم تركته دايم يسأل عن فاتورتها كم وصلت وكم صارت ويسأل هي تكلم مين طول هالمده اذا شافت فاتورتها مرتفعه ..

واذا بغت تبتعد عنه كيف هل تغير ايميلها ورقم جوالها وكل شي يعرفه عنها ؟؟!
تواجهه بالحقيقه تقول ما ابيك بس اخاف عليها لايضرها ؟؟!
تقوله انا بتزوج ؟؟ عشان ترتاح منه مره وحده ؟؟؟

اخواتي انا مالجئت لكم الا وكلي امل انكم تساعدونها لأن هالأنسانه غاليه على قلبي اكثر مما تتصورون وخاصه ان هالبنت ماعادت صغيره هي في سن الزواج واسأل الله العظيم ان يرزقها ويرزق جميع البنات بالزوج الصالح.

لكم خالص تحياتي
ام عبدالعزيز

جزااااااااااااك الله خيرااااااااااااااااااااااااااا

السلام عليكم ورحمة الله وبركاته

بصراحة مشكلة صديقتك عجيبة يعني لها خمس سنوات مرتبطة بالشاب وماهي عارفة انه هذا غلط !!!!!! والان قامت حست بغلطتها لما الشاب وعدها يخطبها بعد سته اشهر !!!!!! شوفي يااختي اني من رأيي انه ماعندها سبب ترفضة لو تقدم لها طالما هي تريده ومرتبطة فيه خمس سنوات ، ومسألة عواقب بعد الزواج انه بيشك فيها هذا لا اعتقد انه ممكن يحدث لانه لو هو من هذا النوع من الاساس مابيقدم على خطوة الزواج منها ، لكن طالما هو مازال متمسك فيها ووعدها انه يخطو خطوة جادة بعد سته اشهر ارى انها توافق عليه لانه من الاساس هي اختارته من الاول فليش الان لما المسألة قربت تصبح جديه قامت تفكر وتغير رأيها ، ارى انك تقولي لصديقك انه المسألة مش لعب علاقة خمس سنوات مش بسيطة وماصار بينهم مشكلة علشان ترفضة فطالما هي اختارته اذاً ليش الان قامت تتحج بحجه انه بيعاملها معاملة مش حلوة وبيشك بعد الزواج وهي مافكرت طوال الخمس سنوات بهذا الكلام ؟؟؟؟؟؟؟؟ ، الحل هو ان الان لازم تبطل تتواصل معه عشان يحس انه ممكن يفقدها ويحس بقيمتها عنده فلو هو فعلاً رايدها وشاريها بيجي وبيخطبها ولو العكس خلاص بيبان الموضوع بوضوح وبيصبح درس لها ماتعيده مره ثانية ، وفي شيئ مش واضح في كلامك واللي هو ليش هي خايفة منه انه يعمل شيئ او يضرها ؟ هل هي ماتثق فيه او ترى في اخلاقة انه من النوع اللي ممكن يضرها او يلعب بها ؟؟؟ اعتقد خمس سنوات معرفة اكيد بتكون عارفة شخصيته واخلاقة وهي اللي ممكن تعرف ان كان قادر يعمل كده او لا ، ولابد تعرف هي ايش اللي تريده بالضبط لانه من كلامك احس انها كانت مش واخذه الموضوع بجدية ولما دخل في الجد واعطاها وعد بالتقدم لها بذأت تفكر بجدية وكأنه عمرها ماحسبت حساب اليوم اللي بتكون فيه زوجة له كيف بيعاملها وايش انعكاسات هذه العلاقة بعد الزواج .
لا ارى حل غير انها تقطع اتصالها به وتقول له انها ستنتظر المدة التي وعدها بها وبعدها التقدم لها وفي حال تقدم لها ونفذ وعده هذا دليل انه شاريها ويثق فيها ويتمناها زوجة له وام لاطفاله فلا ارى انها ترفضة بل على العكس ستكون قد ارتبطت على نور بالشخص الذي احبته واختارته لنفسها .

وعليكم السلام ورحمة الله وبركاته

بارك الله فيك اختي على اهتمامك ..
أنا برأيي أنها تبتعد عنه نهائياً ..
لأن اعتقد وأكاد أجزم
أن موافقته المبدأية إنما هي طريقة تلاعب أخرى ومحاولة لأن يعيد العلاقة بها كما كانت ...
..
والله يرزقها الزوج الصالح
..

شوفي حبيبتي أنا من رأيي إنها تنسى الموضوع دا خااااااااالص
وتغيير رقمها وإيميلها وإذا مره مره سبب لها مشاكل كبيره الله يسلم الهيئه تتصل فيهم ويلاقون لها حل
يمكن الموضوع صعب عليها لكن تحتسب الأجر عند الله وتعتبر كل المشاكل اللي رتح تمر فيها تكفير عن ذنب دامت عليه خمس سنوات
والله يسهل عليها...بالنسبه له هو فهو رجل مثل كل الرجال صدقيني لايؤمنون مو بعيده بكره إذغ تزوجته أقل شيء يجرحها بكلمة وحده صدقيني راح تكون عندها كبيره .. بعدين لازم الوحده تكون في عين زوجها فوق وإلا ماراح يحترمها ويقدرها مثل ماتبي ...
عموما الله يوفقها ويسر أهرها ويزوجها بواحد يشوفها الدنياء وما فيها ..ومن ترك شيئا لله عوضه الله خير منه

الله يكتبلها اللى فية الخير

رايي من راي اخواتي



انها تبتعد


واذا يبيها يعرف طريق بيتهم

شوفي عاد إذا الولد قاعد يتحجج فأنا رايي وبكل صراحة إنه بيتلاعب فيها وفمشاعرها وأنا مارح أقلك أسأليني لاني بعرف ووو لا أنا بقولك أسأليني لأني سبق وسمعت هالقصص من مجربات بنفسهن وطبعا أنا جيت أديك نصيحة لوجه الله ممكن تقبليها وممكن تنسيها يالغلا المهم إنها لازم تتركه بهدووء هذا إذا ماتبي الخبر ينتشر بين الناس يعني قبل لا تغير رقم الشريحة تبع التلفون تبدأ تخليه طافي يعني طول الوقت مغلق ولاتفتحه وإذا مارح تقدر لازم تسكره وتخبيه بمكان أمين ماحد يقدر يوصله بحجة أنه ضايع وتخليه كذا يجي شهر أو شهرين وأنا أفضل الشهرين هذا عشان يبدأ يفقد الأمل أما الإيميل فتسويلها واحد ثاني وما تخش الأول بنوووب وإذا تبي تضيف إيميلات عائلاتها تدخل فوقت مايمكن يكون هو شابك فيه الخط أو تقدر تشبك وتساوي الحالة ظاهرة من دون اتصال عند الأشخاص الاخرين وتنساه هو وإيميله وتلفونه المهم تخلي الشهرين يعدو من دون ماتشوفه أو تسمعه أو تتواصل معاه بأي طريقة وحتى لو هددها عن طريق رسايل يبعثها إذا ماطلعت معاه لازم تتجاهلها ولا كأن لها وجود لأنه بيسوي كذا عشانه يبي يشوفها وما أظن إنه بينفذ تهديداته إذا ماردت عليها وتجاهلتها لأنه بيضل يهدد لين ماتسوي الي فباله وأظن إن الشهرين لامروا لازم تغير رقم جوالها وماتعطيه لاحد غريب وبظن إن بعد كل هالمده بيبدا ينساها وتقبل بأول رجل صالح يتقدم لها ولازم قبل لايصير شي خطير تعلمه بالسالفه وهو أكيد بيتفهم وإذا ما قدرت تواجهه فأنا من رأيي تسجل كلامها في شريط وتحطه لها قرب رساله فيوم ماتكون هي متواجده معاه لأنها إذا خذت الولد الي حبته هذا طبعا إذاااا تقدملها بيصير يعايرها كثيير وما بتعيش حياة سعيدة لأنه مستحيل يوثق فيها بعد ما اعتبرها خانت أهلها معاه ويمكن بتخونه وبتتنكد وايد فعيشتها والله أعلم
أما عن طريقة نسيانها الأول الي عرفته ل5سنين يعني مو سهله ففي بادء الأمر ما رح يكون سهل عليها أبدا لأنها 5 سنوات فلازم تحاول وتثبت وتساعدينها لأنها اكيدبتعاني وايد وابي أنبهك إنها لازم تتفادى الأماكن الي تشوفه فيها بأي طريقة أما إذا اضطرت تروح أماكن هو متواجد فيها فتغير طريقة لبس عبايتها وشيلاتها وانشاالله مابيقدر يعرفها ولازم ماتطلع وحدها بعد كذه لأن نفسها أكييد بتغلبها وتحاول تتواصل معاه ونبهيها أختي أنها ما تجيبله أي فرصه ولا تخبره حتى بابتعادها عنه إنما تخليها في وقت مفاجئ وتحطه في الأمر الواقع ولازم إنتي بعد تساعدينها وتحثينها ولا تخليها تعاني وتحاولي تنسينها الي صار وأكثر شي لازم تساويه هو إنك تكوني لكم عدة صديقات صالحات وتساوولكم عدة جلسات في البيوت وتقعدون كلكم وأكيد هي بتنسجم معاهم وبتلاقي الي يملي عليها الفراغ الي بتحطه فحياتها وهذا لازم يتم فأسرع وقت.

وما أوصيك أختي عليها تراها 5 سنين يعني ماهي قليلة ولا هي هينة ولازم تستحملينها وتستحملك

ودمتي بأمان الله وحفظه يالغلا ولا تنسين تتابعينا بكل جديد يصير معاها تراها أختنا منا وفينا
ومشكوورة أختي وتسلمي على خوفك عليها ومحاولة مساعدتها وفوق هذا كله اللجوء إلى بنات منتدى لك الغاليات اللي أكيد بيفيدونك أكثر مني وما رح يقصرون

انا بايد الاخت المسلمة ومفيش تانى كلام يتقال وهى ما تفتحش الاميل بتاعها وتغير رقم التليفون علشان ما يحاولش انة يرجع القديم تانى وربنا يوفقها

بسم الله الرحمن الرحيم

أختي الحبيبة ... ام عزوزي

أهلا و مرحبا بك

بارك الله فيك على اهتمامك لمشاكل غيرك و حرصك على راحة و سعادة الآخرين

الحين البنت متردده انو اذا جاها توافق عليه اولا هي 80% مو موافقه لانها خايفه وش مخبي لها المستقبل

أولا أحمد الله كثيرا على انها عادة الى رشدها و شعرت بخطئها في حق نفسها
و اهلها وقبل كل ذلك في حق دينها .. و ابتعدت عن هذ الشاب
و يبدو من حديثك واضحا انها غير مقتنعة به كزوج و لا تشعر بالأمان نحوه
و لهذا عليها اولا ان تستخير اكثر من مرة حتى يهيء لها الله من امرها
رشدا ... و ان كانت تنوي حقا الابتعاد عنه تماما و هذا خيرا لها
عليها ان تقطع كل سبل الاتصال بها امامه و تطلب من طرف ثالث اذا كان
هناك طرف ثالث على علم بالأمر أن يبلغ هذا الشاب
بنيتها في انهاء كل شيء لأنها لا تريد الاستمرار اكثر في الخطا و ارتكاب المعاصي و انها
تدعو الله ان يغفر لها و له ما تقدم من ذنبهما

و اذا كان لا يوجد هذا الطرف
تبلغه هي بنفسها بلهجت الانسانة التائبة الى الله
و تطلب منه الابتعاد عنها و تدعو له بالهداية و المغفرة


و الله يوفقها لما يحب و يرضى