اود منكن مساعدتي ولو في النصيحه
عمري 23سنه احب الامومه والرعايه بالاطفال وهمي بان اتزوج لكي اصبح ام انشغل بالاطفالي كنت ادعو الله عز وجل بان ارزق الزوج الصالح ولاانحرم من الضنى الصالح
والحمدلله رزقت الاولى لكن زوجي كان رافض الحمل نهائي لكن الله قدر فلقدحملت بعد زواجي بشهران تقريبا \ماشاء الله\
وكان خبر حملي ابشع الاخبارعنده عانية ماعنيته طيلت فترة حملي وكل شي باجره كان ينغث لما اكلمه على المولود الجديد بس باخر الحمل بدى يتقبله اكثر مع العلم هو اكبر مني 10سنوات تقريبا بدى يختار الاسم ويتخيل شكله و و و و و و و و و و و و و و اشياء كثيره حلوة ماقصر معاي احسن اللبس شرىللمولودوغيره وغيره
خلصت 9ودخلت العاشر باربع ايام \قدر الله وا شاء فعل \توفي الولد في بطني توفى فيصل
الي كنت اتوقع انة راح يعيد معانا شريت له لبس العيد والسرير العالي علشان يكون بعيد عن الارض ماودي احد يلمسه من الصغار \عيال اخوي \اخاف عليه
خلوها على الله بس بدل لبس العيد لبس كفن وبدلالسرير العالي هو بالقبراتعبت بالولاده وبعد الولاده ادهى وامر صدري مورم كله حليب لبس الولد ---------------------
انا حاولت ابعد اثاره بس شكله والله والله ماقدرت انساه اناالي طلبت اشفة طلبت اشوفه لانها المره الاولى والاخيره وموبس كذا علشان اذا وقف عند باب الجنه اعرف ان هذاولدي فيصل الشفيع كنت اصبر نفسي واقول انشاء الله هذا امتحان والله يعوضني بخير منه اجيب انشاء الله توم و-و-و-و-
الحين لي 3اشهر انا تحملت الحمل والولاده في سبيل الامومه بس لللاسف زوجي مو راضي اني احمل نهائي وانا مافيه بيدي شي لانه يستعمل العزل مع العلم هو حزن كثيركثير وسالني على شكله \شكل فيصل \ومحتفظ بشهادة الوفاة بس انا اخذتها منه كان مزعلة لية الدكاتره كاتبين سبس الوفاة غير معروف والسبب الي قالوة لي الحبل السري ملتف 4مرات على رقبته
اللمهم انا ابي الضنى وهو مو راضي وشكله هاذي السنة مايبي نهائي وانا قلبي متولع متولع وش الحل وجزاكم الله خيرا


طبعا هذي قصتي قبل سنه وخمسة اشهر يعني لو مولودي عايش كان عمره سنه ونص ولكن الحمد الله مقدر ومكتوب بس لاتحزنون خلاص انا ابي افرحكم قلت مثل ماضايقتم وربي فرحني لازم افرحكم معي انا اليوم بعد المغرب حللت ولقيت اني حامل بعد محاولات كم من شهر بموافقة زوجي وتشوقه للمولود سباحنه الي يغير ولايتغير سبحانه افرررررررررررررررررررررررحو انبسطووووووووووو معي وشاركوني فرحي يارب يجعل ايامكم كلها فرح وسعاده يارب يابانات الي عندها اي نصيحه لي عن الحمل والولاده والمستشفيات بالرياض تساعدني اي اي اي نصيحه محتاجه للنصايحكم ربي لايحرمني منكم . ولاكل المفيد للحامل وحبوب زيت كبد الحوت تنفع ولاتضر وياليت وحده شطوره تسوي لي شريط الحمل مشكورين ويعطيكم العافيه

ماشاءالله لاقوة الا بالله! الله يتمم حملك على خير و يارب بعد كم شهر نسمع خبر ولادتك الميسرة آمين.

والله احزنتني بداية قصتك ولكنك اثلجت قلبي بخبر حملك..والحمدلله على كل شئ.
بالنسبة لزيت كبد الحوت سمعت انه مو زين للحامل..ودع ما يريبك الى مالا يريبك..الحين وقبل لا تراجعين مع طبيبتك ابدي بأخذ حبوب حمض الفوليك لأنها وبإذن الله تقي من التشوهات.. و ابتعدي عن الآتي: حبة البركة،حبوب الرشاد،اللحوم الباردة مثل الروست بيف والبسترمة و التركي،التونا وسمك ابو سيف ولحم القرش(بعض المطاعم الصينية تحط لحم القرش في الشوربة)..هذا اللي اتذكره حاليا..
و مرة اخرى الله يسهل عليك..

ريحاااااااااااااااااانه العود
حبيبتي قريت قصتك في البدايه وبصراحه شوي وابكي
وقلت انشاء الله انه يصير شفيع لك انتي وابوة
والله يهدي ابوة ويغير اللي براسه
لكن لما قريت التكمله والله فرحت لك من قلبي وهذاني ارد عليك وقت الفجر واسئل الله انه يثبت لك حملك وتفرحين بمولودك انتي وابوووووووة
والله يرزق كل وحده محرووومه الذريه الصاااالحه ياااارب
شوفي ياقلبي بما انك في بدايه الحمل افضل لك ماتمشين كثير والمشي يكون في الشهورر الاخيرة علشان
الله يسهل لك الولاده
الاكل كلي كل شيء فيه فيتامينات وبروتينات بس قللي من النشويات والحلويات كلي منها لان الجسم يحتااج
للسكريات بس لاتكثرين منها وبالمعقول يعني
اشربي حليب لانه مفيد وكلي بيض اي نوع مسلوق ولا بيض عيون ولا شكشوكه او اي طريقه
الملابس في البيت البسي اشياء واسعه ومريحه لك وخاصه
من عند منطقه البطن ولا تظغطين على بطنك كثير واذا تلبسين بنطلون تحاولين تكون منطقه الزم او منطقه خصر البنطلون
تحت السرة عرفتي ؟؟وكماااااااان التنانير نفس الشيء
سمعت انه والافضل في هذي الفترة انك ماتصبغين شعرك او تستعملين المشقر
لانها مواد كيماويه يمتصها الجسم بالتالي يتغذى عليها الطفل (مع ان اختي كانت تصبغ وتحط مشقر والحمدلله
هذي هي ولدت وجاابت بنت الله يحفظها سليمه)بس مجرد حرص عليك ياقلبي لااقل ولا اكثر
بالنسبه للمستشفى امي ولدت في التامينات اللي هو رعايه الرياض
والحمدلله عنايه ورعايه واهتمااااااااااام وولاده ميسرة ولا احلى واختي ولدت في مستشفى الحرس الوطني
بس ما ادري من هي الدكتورة الممتازة لكن بسئل لك امي وارد عليك
امممممممممممممممممم وش بعد ايوووووووة الببسي لاتكثرين منه لا هو ولا الغازيات كلها
الطبيعي ياقلبي احسن لك وافيد
وكل ما حسيتي انك ودك تاكلين حلى كلي كم تمرة
ومافيه مشكله انك تاكلين حلويات وتعيشين حياااتك الطبيعيه

هذا كل مافي جعبتي مع الفجريه
مع اني لسى عزوبيه بس من اللي حولي استفدت
يااااااااااارب يثبت حملك وتشوفين البيبي قمر زمااانه وتقومين لنا بالسلامه ونفرح فيك ياقلبي
واهم شيء انك تقرين ورد والمعوذات على نفسك وعلى البيبي علشان الله يحفظكم
وسلالالامي ياقلبي لك واهتمي بنفسك
نسيت اقول لك في فترة الوحااااااااااام اذا بتمرين فيها علشان بس ماتتعبين و غثيان وغيرة اذا قمتي من النوم
كولي بسكوت بالزنجبيل لانه يهدي من الغثيان ويريحك
يالله شكلي طفشتك ياقلبو
ادعو لي اني اتزوج التمساح حقي والله يسهل وييسر لنا امورنا

الحين اقدر اقول سلالالالالالالالام

حبيبتي ريحانة العود
والله اني فرحتلك كثيرررررررررر
والله يتمملك على خير انشالله ويهون عليك ولادتك

وصدقيني زوجك راح تتغير نظرته للاطفال بعد مايذوق طعم الابوة ويحس فيها وراح يحزن بعدين لولده لمى يشوفه وحيد ويقولك يلا شدي حيلك وجيبيله اخ ولا اخت مانبغاه يقعد لحاله

وبعدين قوليله انت مو صغير عشان تاخر الاطفال وماتبغاهم هاللحين يعني على الاقل لمى يصير بلاربعين عياله يكونوا بعمر العشرة سنين وانتي برضووو حاولي توضحيله هالشئ وانهم هم سنده بلحياة بعد الله

وانتبهي تتقلبي وانتي نايمة لانه اذا كنتي نايمة على جنبك اليسار وحابه تتقلبي على اليمين لازم تقعدي وبعدين تتقلبي والعكس كمان لاتنامين على ظهرك كثير واتجنبي تضغطي على بطنك ولا انك تلبسي الملابس الضيقة لانه كل هالاشياء تلف الحبل السري على رقبة الجنين

ارجوا اني اكون افدتك ياقلبي

لكي تحياتي

يعطيكم العافيه على الردود ومشكورين وماقصرتو ويارب ويارب يفرحكم مثل مافرخت يااااااااااااااااااااارب ويرزقك ياعمري التمساح حقك عاجلا غير اجل وتتحققامنياتك والمسلمين اجمعين يالله ماطول عليكم وياحبي لكم ولنصايحكم يارب تكون في ميزان حسناتكم .....

عزيزتي ريحانة الله يتمم عليكي فرحك يا رب ويعوضك في ولدك الاسبق الي كدرتي قلبي معاه بس فرحتيني بعد كذا
وبعدين اسمحيلي اعاتب زوجك هو ليه متزوج مو عشان يكون اسرة فيه احد يحب ينحرم من كلمة بابا
سبحان الله على الرجال ما عرفنا لهم والرسول عليه الصلاة والسلام قال: (تزوجو الودود الولود فاني مكاثر بكم الامم يوم القيامة). بعدين يحمد ربه ويبوس يديه وجه وقفى ويشوف الناس الي ربي حرمهم من نعمة الانجاب و يقول الحمد لله مستعدين يدفعوا ملايين الريالات بس عشان يسمعوا صرخة طفل تملى عليهم البيت وتفرح اسرتهم بكاملها.
حبي لكي ريحانة والف مبروك مرة ثانية

الغاليه...ريحاااااااااااااااانه العود...الف مبروك والله يتم حملك
بخير ....ويسهل لك ولادتك....ياررررررررررب...
ما شاء الله الاخوات ما قصروا..
حبيت ابارك لك...وادعي لك...

تحياتي لك

الأخت ريحانه العود ....
ألف ألف ألف مبروك يالغالية....
الله يتمملك بخير ويقومك بالسلامة والله يهدي زوجك .......
والله فرحتلك من قلبي مع إنك حزنتيني في البداية .....

أختي سحابة تصدقين أخذت منك معلومة جديدة....
وهي أن بسكوت الزنجبيل يخفف من الغثيان ....
مشكورة أختي على هالمعلومة الحلوة والله يجمعك بالتمساح حقك ....
لكن الله يستر لايكون مطفوق زيك <<<<<<<<<<<<<< ههههههههههههههههههه

ياللله ياااااااااااااااااااااااااااااااااااااااااارب يرزقج بالذريه الصالحه ويفرح قلبج وقلب ريلج ويحمي مولودج . والله اني وآنه اقرا قصتج بكيت ( اللي معاي بالدوام خافو ) وبعد ما قريت الخبر الحلو بعد بكيت من الفرحه . والله اني فرحتلج من كل قلبي اختي , يارب ايسرلج حملج وولادتج.

الف شكر لك ريحااانه على الدعوة الحلوة


لينا الحمدلله انك استفدتي مني شيء
بعض الناس يقول اني ماعندي الا الدجه
خخخخخخخخخخخخخخخخخخخ علىطاري التمساح حقي
يقولون هو كلامه مثل الاهبل اذا بدء يسولف
يقولون ماتدرين هو ابتدء بالساالفه ولا انتهى
ولاتعرفين راسه من رجلينه..............عااااااااااد وشلون مدري عن اخوااني
ويقولون مو مثلي لكن لك عليه
لكن اذا الله جمع بيننا بخير
لالالالالالالالالالالازم اسوي له سمكرة وسيرفر من جديد مثل المنتدى لمى غيرو السرفرات حقته
هههههههههههههههههههه وسلالامي لك ياعسوله