السلام عليكم واارحمه والبركات
كيفكم اخواتي؟
والله ابي منكم النصيحه
هذي موضوع صديقه عزيزه عليه وايد ، وطلبت اعرضه عندكم لانه تعبانه حيل
الموضوع : صديقتي الزوجه الثانيه لزوجها ، يعني زوجها في عصمته الزوجه
الاولي وهي ، اخبركم عن صلب الموضوع صديقتي فى منطقه بعيده عن حرمته
الاولي مع العلم حرمته الاولي تشتغل ، وصديقتي عائشه مع رجلها فى هدوء وحب وتفاهم وايد ، يقضي
معها من السبت الى الاربعاء وفي الاربعاء العصر يروح لحرمته الاولي
يوصل معها بعد المغرب لانه المسافه بعيده ، ويطلع من هناك
المغرب الجمعه ويوصل مع صديقتي بعد العشاء... المهم صديقتي
ما حاسه بوجود الزوجه الاولي الا من تزور اهل زوجها ، لانه حرمته
الاولي فى نفس منطقه اهله ، بس الحقيقه هي ما تغار منها لانها
مثل ما تقول صديقتي مب حلوه وما فيها مميزات المراه السنعه...
المهم المشكله هذاك اليوم قال زوج صديقتي حق صديقتي يبي
يروح شغل منطقه اهله كان يوم السبت وطلب من صديقتي تروح معه خاصه الدرب
طويل وبيرد فى نفس اليوم لمنطقه عمله يعني بيردو نفس اليوم حق
بيت الزوجه الثانيه ، الغايه صديقتي فرحت وراحت معه ، ولما وصلوا
المنطقه اهله تركها مع اهله لمده ساعتين عشان يسوي فيها شغله مع العلم وصلوا منطقه اهله الصباح وحرمته الاولي فى
شغلها، كانت تستاذنه صديقتي وتطلع السوق مع امه
الغايه الرجال رد بعد ساعتين متبخر وسابحه ... ( تعرفوا السالفه)
كان صديقتي تحترق وتموت من الغيظ ، وسالته انت متبخركان يقول ايو،
واحترقت ربيعتيز لما ركبت السياره عشان يردو منطقتهم ، كانت تقوله صديقتي
من غيظها شفتك وانا طالعه السوق وكان عندك احد في سيارتك فقلت رجلي ماشي يسوي الواجب(طبعا هي ما شافت شى بس خمنت انه طلع حرمته من الدوام واخذها بيت الزوجيه) ، كان زوجها يسكت وكانه طامه على راسه ، وظلت طول الطريق صامته ما تكلمه ، وفي منتصف الطريق طلب يتكلم معها بس قالت له ما تبا تتكلم لانها تعبانه وما
لها كبد تكلمه، الحقيقه كانت صديقتي حاسه بنفور وكراهيه لزواجها في هذاك الوقت، وضايق خاطرها لانه تركها
عند امه ومن خلص شغله راح للاولي رغم انه مب حقها هذاك اليوم.
المهم بعد صلاه الظهر كلم زوج صديقتي صديقتي وهم فى الشارع ، قال لها انتي شفتي معي حرمه غريبه
هذيك ام اولادي رحت اشوفها نص ساعه بس وكله وقتي لك حتى اولادي ما شفتهما ، كانت صديقتي تسكت عنه،
كان يقول لها ما ادري شو يدور فى بالك(يقصد انك تفكري بس اني نمت معها) صديقتي سكتت طول
الطريق وطلت تحس بالقرف من زوجها ، هي حاولت تكون طبيعيه معه بس ما قادره تشل الشعور بالقرف من زوجها
والكراهيه حتي من قربها رفضته ، ويقول لها انتي تكرهيني ، الحين هي تحس بالمراره منه ، وتعقدت كثير مره من زيارتها لاهل زوجها ، كيف ممكن تساعدو صديقتي تكون طبيعيه مع زوجها ، وتقتل الشعور بالنفور من الزوج، وكيف ممكن تتقبل تروح عند اهله زوحها مره ثانبه ، مع العلم انه صديقتي حساسه جدا وتعشق زوجها.
رد مع الاستدلال
الروابط المفضلة