شوفي حبيبتي ,,, العيد عنا باميركا بيبدأ من الساعة 8 الصبح,,, بتتجمع الجاليه العربية بمنطقتنا اما بالمسجد او بمكان بيستأجره المسؤولين بالمسجد لحتى تكون صلاة العيد و العيدية فيه
بعد ما نصلي صلاة العيد طبعا بتبدا الناس تعيد على بعض ,,وبعدها بتتجمع النساء بقاعة و الرجال بقاعة و اوقات بقاعة وحدة لكن النساء بجهة و الرجال بجهة اخرى ,,
بيكون المسجد محضر عيدية للاطفال و بيوزعها عليهم و هي عبارة عن كيس حجم صغير بداخله حلوى للاطفال و لعبة صغيرة و عيدية ( 1 دولار فقط لا غير).
اما نحنا الكبار فبيكونوا محضرينلنا حلويات العيد من (بقلاوة و كعك العيد و دونات و قهوة و عصير) على كاونتر المطبخ اللي بالقاعة او السمجد
بتتكفل عائلة بتقديم هالحلويات ,,,وبنقعد لحد الساعة 12 او 1 الظهر و بعديها بنرجع لبيوتنا و بتبدأ الزيارات العائلية و زيارة الاصدقاء و سلامة تسلمكم خلص العيد,,
بالنسبة لعيد الاضحى نفس الشي لكن اضافة لذلك بيعملولنا حفلة عشاء بعد العيد باسبوع او اسبوعين بتتجمع الجالية العربية بقاعة كبيرة بالجامعة ,,و بيكون برنامج الحفل عبارة عن (مسرحيات و اناشيد ودبكة للرجال ) ,,و بيقدموا ما لذ و طااااب من المأكولات و الحلويات الشرقية .
طولت عليكي لكن ان شاء الله اكون افدتك .
رد مع الاستدلال
الروابط المفضلة