مشكور نبض على الموضوع
وراح اقول لك عن موقف غريب (ويفشل بعد) حصلي معي
مرة كنا مسافرين للطايف وكانو اهلي قاعدين في الفندق
وانا كنت شوي تعبانه قالت امي روحي للمستشفى علشان بعدين بنروح عند خوالي
المهم رحت انا واخوي المستشفى وطولنا شوي وبعد ماخلصنا واحنا راجعين للفندق
قال اخوي بروح اجيب شيء ناكله قلت طيب ووقفنا عند بقاله ونزل اخوي
شوي ولا سيارة توقف جنب سيارتنا مثل سيارة خالي محمد
ونزل منها الرجال الا وتقولين خالي محمد (كربون خالي)
المهم وانا اللي استغرب خالي ما اخذ اصلن اجازة
وانا الملقوفه انزل من السيارة واروح اسلم على خالي(اي خال الله يفشلك بس) واضرب بيدي على كتفه
الرجال يطالع فيني ويقول نعم يا اخت
قلت خال من متى جيت الطايف وليه ماقلت لنا بتسويها مفاجئه(اي مفاجئه الا مفاجعه)
المسكين يطالع فيني انا صاحيه ولا مريضه *):
قال لا ياختي شكلك غلطانه قلت خال وش فيك والله انا سحابه بنت اختك انت فيك شيء
شوي الا واخوي يطلع وشاف الرجال وسلم عليه وقال وشلونك يا خال الرجال مسكين انهبل(قلنا مهبوله وحده وبلعناها لا وجانا اخوها) *): شوي الا واخوي انتبه ان الرجال فيه حبه خال كبيرة في يده وخالي مافيه
اخوي سحب رجله وسحبني من عباتي من ورى وقال معليش يا اخوي اختي شوي تعبانه
ركبنا السيارة واحنا لحد الان مو مستوعبين اللي شفناة والله انه كربون من خالي (الطول الشكل السيارة حتى طريقه الكلام)
وبعدين دق اخوي على جوال خالي وكلمنا ولا ابو الشباب في الرياض
جلست انا واخوي نضحك لحد ماتقطعت بطوننا
بس موقف غريب تقولين انه خالي ولا قدر حتى اخوي يفرق(سبحان الخالق الناطق)
رد مع الاستدلال
الروابط المفضلة