أخواتي لكل منا عيوبه سواء كانت كبيرة أو صغيرة في عيوننا أو في عيون من هم حولنا . دعونا نخرج اليوم مافي أنفسنا ونتكلم بصراحة ماهي الأشياء التي تظايقك في زوجك وتحبي أن تغيريها .

لأبذا أنا وأفتح النقاش :
طيبته الزائدة وتقته فيمن هو ليس أهل لهذه الثقة .
رأسه ناشف حبتين كلمة لا ، لا يمكن يغيرها أمام أولاده .
لا يعطي إهتمام لصحته ومراقبة قائمة طعامه . أخاف عليه من الإصابة بالأمراض العصرية الضغط والسكر والجلطة .
لا يهتم بممارسة الرياضة رغم إنه كان رياضيآ بحتآ والظروف هنا أمامه مواتية لذلك الكبير والضغير رجالآ ونساءآ وشيوخآ يمارسونها .
كتبه المبعترة والتي لا تخلوا منها غرفة حتى صالون الضيوف ملأن بها . كل مايشوف كتاب يشتريه يحتاجه أو لا يحتاجه سيان عنده .
إحتفاضه بأشياءه القديمة ملابس ، أحذية ، أي شئ حجته إنه جديد وحرام يرميه يمكن يحتاجه يوم . هو ليس بخيل بالمرة يده مخرومة كما يقولون بس طبع ونفسي أغيره ولن أقدر
يصرف كثير على الأغذية لكن لو طلبت أغير طاولة أو موكيت لا يسمع أطرش .
كل هذه فشة خلق مثل مايقولوا بالشامي لأنني متزوجة 21 سنة زواج ولم أغير صفة مما ذكرتها في الأمثال يقولوا غلب الطبع التطبع . يعني مهما عمل الواحد مش ممكن يغير في طبع تأصل في الإنسان لزمن
منتظرة فشة خلق إللي بعدي

الحمد لله زوجي حسناته مغطيه على عيوبه لكن ما في إنسان كامل .... من الصفات اللي ودي يغيرها
_ حريص جداً جداً لدرجة في بعض الأمور مثل الأطفال و النظافة وأخاف أن يصل الأمر إلى الوسوسه
_ يحب يعتمد على نفسه في كل شيء حتى لو كنت قادرة على عمله يعني إجلس أستناه لين يخلص من شغله عشان يفضى لأشغالي ومشويري
_ بارررررررررد جداًً وبطيء جداًًًًً في كل أعماله

شو فشة الخلق هى أم أيمن,,, ماشاء الله عليكن 21 سنة زواج ربى يديم عليكم السعادة و الهنا

ذكرتينى بحالى كنت رياضية بحت وبذكر إنى كنت أقول لماما ليش ما بتلعبى رياضة... ودائما قول لها لما إكبر راح ظل إلعب مثل هلق... ولكنى لم أصدق بالوعد... فعلا الرياضة بتجعل الشخص أكثر مرحا و حيوية ونشاط...

بالنسبة لزوجى ولله الحمد ممتاز بس لولا ال77 عيب اللى فيه!!!! لا تصدقى عم بمزح معك....

بسم الله الرحمن الرحيم ،،

اختي العزيزة أم أيمن والله مثل ما حكيتي كل منا له عيوب لكن الحمد لله زوجي الحبيب ليس فيه إلا عيب واحد وهو لما يكون مسافر أو خارج المنزل لا يتصل فينا أبدا" يطمنا عليه إلا بطلوع الروح على أساس أنو إحنا في باله وهو مشغول كثير، والله يخليه ويكثر إتصالاته.

ضحكتوني يا صبايا
كنت من فترة بفكر بهذا الموضوع، سبحان الله!
زوجي رائع من كل النواحي صراحة، إلا شيء واحد لازم أغيره، وبدأت أنجح، وهو أنه بيتدخل في المطبخ كثير، يعني بيفتح الثلاجة وإذا شاف مثلاً أكل صار له يومين، بيرميه، وبيسأل هذا ليش ما رميتيه، وهذا متى رح ترميه!! يا ابن الحلال شو دخلك؟ ما في فايدة.. وإن شاف نقطة على المجلى بغير لون المجلى، بيحمل الاسفنجة ويبدأ بتنظيفها..! ساعتها بحس أني أهملت بشيء حتى اضطر أنه يعمل هيك، فبخجل كثير.. نبهته كذا مرة وهو مصر أنه ما بيعمل هيك حتى أخجل، فقط أنه ما بيطيق يشوف شيء على المجلى، وبدل ما يحكي بيعمل!!! لكن صرت أزعل، فاضطر أنه يخفف كثير

اه ومين سمعكم ياصبايا
انا زوجي الله يسعده و يهديه كل شي فيه روعه الا شغله هالسجائر هالكنا و هالك صحته
و الله حاولت بكل الطرق ما في فائده, على راي بابا " خليتو يبطلها " جاي بتتشطري علي روح اتشطري على زوجك
بالله يابنات تدعولو .....

انا زوجي مليح كثير الا شغله السجائر يعني دايما بيقول اذا مارح اخليكي تدخني معي ومرات بعملها
وقت العصريه هيك واحنا بنشرب قهوه بقول له هات سيجاره --انا قصدي علشان يبطل -- بيقول هذا اللي ضايل انك تدخني
وكل يوم من هالحال حتى مرات بنتي او اختي بيجي جنب شهري وبتحكي ريحه شعرك دخان شفتي لوين

وكمان نفس ايمان عنده عقده من الاشياء اللي في الثلاجه وبيحب يرمي كثير بس قطعت رجله من المطبخ
وقلت له ممنوع الدخول الا للطبخ
فبطل
بس زي ما بيقولوا حسناته مغطيه على عيوبه

بتعرفي هنلي.. لما زوجي كان بده يخطبني، كنت بعرف دينه كيف، لكن أول سؤال سألت عنه الناس إن كان بيدخن، كنت بدي إياه من دون العالم كلها، ومع هذا قلت لو بيدخن بدوس على قلبي وما باخذه.. طلع أكثر واحد بالعالم بيكره الدخان والقهوة والبنت المايعة

داخلة على 21 سنة زواج ..
وزوجي انسان كامل بمعنى الكلمة (والكمال لله وحده سبحانه وتعالى)بس آه
وآه من آه لولا ال99 عيب اللي فيه هههههه

شوفي يا اختي اعتقد اني غيرت فيه اشياء لكن هو غيرني كلية ...
في طبع في زوجي من يوم ما عرفته ما قدرت اغيره
بس بنوتي الصغيرة قدرت
بتعرفي شو هو هذا الطبع
التدخين.... صغيرتي نجحت فيما فشلت فيه.. ولله الحمد المنه
يضع سرة في اضعف خلقه.

سعدت جدآ بمشاركاتكن وقفشاتكن ويارب يخلي لكن أزواجكن وتحتفلوا بالعشرين والخمسين سنة زواج . أتمنى أسمع مشاركات أخواتي الباقيات في المنتدى .