امرأه هزت كيان جامعة الملك عبد العزيز
بهذا العنوان
كتبت احدى الأخوات قصة تجربة شخصيه والله اعلم بصدقها
قبها السلام عليكم 00 شخباركم ؟ هذي اول مشاركه لي بعذا
القسم وان شاء الله اكون عند حسن الظن
انا ما ادري اذا فيه احد سامع هذي القصه او لا
لان البنت صرحت بنشر القصه في المنتديات
سمعو او باالأحرى اقرو القصه مثل ما كتبتها
الأخت حرفيا ً ( يعني كوبي بيست )
(امرأه هزت كيان جامعة الملك عبد العزيز)
هلاااااااا بكل لااعضاء الحلوين اليوم جايبتكلم قصه حقيقيه حصلت معايا
واكيد حصلت لغيري قصه غريبه ومؤثره وغيرتني كتير وغيرت اشياء كتير في حياتي وبالذات في العلم
القصه دي ارتجلتها يعني ما كتبتها في ورقه وبعدين عدتها حكتبها من قلبي
وبكل احاسيسي وبصدقي وان شاء الله تفهموها
كان يامكان في قديم الزمان ولا يحلى الكلام الا بذكر النبي عليه الصلاة والسلام
في اول يوم من ايام حياتي في الجامعه وهيه جامعه الملك عبد العزيز بجده
دخلت عادي القاعه وشفت اول كتاب حدرسو مره قليل 600 صفحه بس
طبعا انا كرهت عمري قلت اش دخلني الجامعه كنت جلست في البيت اتعلمتلي خياطه ولا شي مفيد بلا هم تاني محاضره كان الكتاب اقل منو
750صفحه خلاص انتهيت قلت دحين بروح البيت ولا عاد بعتبها قصدي عل الجامعه
اخر محاضره دخلت علينا استاذه او بالصح دكتوره دخلت عادي جلست تتكلم وكلامها كان حلو وتعاملها غير عن الاساتذه التانين المهم ادتنا ايميلها ورقم تلفون المكتب وجلست تقول (احد عارف عني شي؟؟؟)القاعه فيها يمكن 200 بنت اغلبهم قالو لاااااا
قالت (انا فاقدة البصر) يعني عمياء
والله العظيم لما قالت كذا انا انفجعت دقات قلبي حسيتها وقفت من كثر الصدمه (ماتشوف ما تشوف) جلست اسال البنات اتاكد وعادت الكلام
وجلست تحكي وانا والله ماني مستوعبه دكتوره في الجامعه وما تشوف
اول مره اقابل شخصيه كذا
(ولا زم يكون في ضوء قوي على الكلام عشان اشوفو
في الثنوي لما كنت في الابتدائي بدء نظري يضعف والمتوسط ضعف اكتر وكنت ادخل الاختبار نظري اختفى تماما )
دا الكلام الي قالتو وانا كان نفسي اسالها اساله تانيه وفي قلبي كلام
كيف وكيف؟ كيف ذاكرت ؟كيف عايشه؟ كيف تمشي ؟
نزلت من لاقاعه وانا مهزوزه انا بصراحه قلبي شويه ضعيف يعني انفجع بسرعه فما اردي احد حاسس نفس شعوري؟؟؟
المهم رحت للبنات وجلست احكي واحكي وحده من البنات تسال
وانا اقلها مادري هذا الي قالتو كلهم يبغو يعرفو تفاصيل اكتر
ومشيت الايام وكل محاضره تدخلها تقلنا شي من حياتها وعلى فكره اسمها الدكتوره (وحي لقمان ) حتى اسمها غريب
مره في وحده من المحاضرات جلست تسال(يابنات اش العضو الي تقدرو تعيشو من دونو؟؟؟)سؤال غريب اذا كل واحد شاف نفسو يحمد ربو الف مره انو اعضائو سليمه
جلست افكر في نفسي اش الشي الي ممكن استغنى عنو ؟؟؟
لقيت انو كل عضو مكمل للتاني
جلسو البنات يقولو العين والي يقول الرجل المهم هي قالت (مره رحت شركه للمعاقين لقيت انو المشلول والي مايسمع وما يتكلم له وظيفه الا الي مايشوف )كلامها كان مره مؤثر وهيه تحكي كل البنات خايفين يسالوها لكن انا ما سكت سؤال ورا سؤال ابغى اكتشف الشخصيه القويه
جلست اقلها كيف كنتي تذاكري وكيف وصلتي للمرحله هذي واساله كتير
( بقلكم يابنات انو لما فقدت بصري وخلصت الثنوي قلت انا مالي وظيفه فقررت اني اكمل الجامعه واهلي كانو يساعدوني كانو يقرولي الدروس ويفهموني لكن الحمد اللله الله عوضني بشي تاني اني لما اسمع الدرس مره وحده احفظو صم )طبعا البنات كلهم واو واو وجلست تكمل(لما خلصت الجامعه قلت ماحد حيقبلني معيده في الجامعه وانا فاقده البصر والوظيفه الوحيده اني اوقف احاضر هنا قدامكم و اصريت اني اكمل الماجستير واخذتها في سنتين بدل اربعه الين ماصرت مستشاره قانونيه ) على فكره هيه تدرسني قانون
(تصدقو يبنات انا لفيت العالم رحت امريكا وبريطانيا ورحت اوربا
لكن الحمد الله على كل حال )مادري وحده من البنات جابت سيرة التلفزيون وقالت الدكتوره
(ماشفتو المقابله الي سوتها معايا قناة العربيه؟؟؟)البنات زعقو يقولو اش اش ؟؟
(العربيه سوت معايا مقابله مدة 3 ساعات وصورو بيتي وكمان قناة المجد اتصلو عليه وكلام نواعم اتصلو عليه لكن انا مايعجبني لانو حق بسرعه يعني كلمتين وخلاص ) وطلعت مشهوره كمان
وفي اخر يوم ليه في الجامعه وحده تقرا في مجلة لها واطل الا القيها في المجله مقابله معاها وبالصور انا انفجعت قلت للبنت بالله بصورها وارجعلك اياها رحت صورتها 20 نسخه وجلست اوزع عل البنات وكان العدد قديم شويه يعني ما يمديني اشتريه والبنات الي اديتهم الورق راحو صورو
هذي حكياتي مع امرءه من جد هزت كياني وغيرتني انا ما بحكي قصه واتعب نفسي عل الفاضي انا ابغا ابين الي احد فاقد الامل لاي سبب كان
انوما يياس وسبحان الله والله الواحد يمر بظروف صعبه ويياس وخلاص الدنيا قفلت في وجهه بس ابغى يشوف مثل حي لامرأه كسرت كل الحواجز وتعبت تعبت تعبت عشان توصل للهي في وهيه فاقدة اهم شي عارفين اهم شي في حياتها كل واحد يغمض عيونو ويمشي شويه يقدر ؟؟ لا طبعا فاتمنى انكم استفتو ولو جزء بسيط بسيط جدا من الحكايه الواقعيه وخليها دافع ليكم عشان تمشو الدنيا ومو الدنيا الي تمشيكم
وعلى فكره للي يحسب انو الفلوس كل شي في الدنيا اقلو انو غلطان لانو الدكتوره وهيه لفت العالم ومن كلامها انها غنيه وعندها لكن اش سوتها
الفلو س رجعت بصرها ؟؟
كتبت هذا الموضوع لأنه اثر فيني كيف استاذه ودكتوره تدرس بالجامعه
ونحن والحمد لله ربنا عطانا عيون وغقل نفكر فيه ومش عارفين لنفسنا
الله يرعى الدكتوره ويعطيها على قد نياتها ويوفقها دنيا وآخر يارب العالمين
شنو رايكم ؟؟ قولو لي ؟؟
البنت صرحت شخصياُ
بنشر الموضوع وقالت
: اللي تبي ايميل الدكتوره
اتخبرني .
وانا بدوري بأعطيه للي
يباه
آسفه وايد اخرتكم
يلا باي
ما يبي لها كلام بعد
منقوووول
رد مع الاستدلال
كتبت بواسطة Dandoon
الروابط المفضلة