مساء الخير اخواتي
صراحه بكتبلكم والساعه 3 في نص اللليل الي اسبوعين ما ذقت طعم النوم والسبب زوجي
القصه وما فيها انه زوجي في حالو والي 11 سنه متزوجه ولا عمري شفت عليه اشي الحمد لله وانا ما بقصر معاه يعني حياتنا عاديه جدا .. هو 45 سنه وانا اصغر منه ب 13 سنه
من شهر اجو لعنا دار اخوه وعندهم اشباب في الجامعه المهم زوجي كل ليله سهر معاهم وانا عادي
الا مره ضل سهران للساعه 4 الصبح -- بسهر عندهم في بيتهم وهم جيراننا -- المهم انا قلقت واتصلت عليه وما رد قلت بجوز في مشكله والا اشي
لما رجع بحكي: قال ابن اخوه مصاحب عده بنات في الجامعه وفي وحده لازقه له ع الاخر وقال طلب من زوجي يقنعها انها تتركه
المهم ابو الشباب دخل وتكلم معاها ع الفيس بووك وشكله الاخ اعجب فيها .. صراحه حكالي ما عمري شفت صورتها - بس مش مصدقه
وضلو يتكلمو لمده اسبوعين كل يوم ساعتين وانا ما اعرف وكل يوم بالليل يوخد الابتوب تبعي ويتكلم للساعه 3 صباحا وبحكيلي بتكلم مع اصحابي
بس اتغير معي وصار يلف الجاهز لجنب ويتبسم وينظر بطرف عينه انه انا شايفه والا لا
رحت حطيت برنامج مراقبه يارب سامحني ... واكتشفت انه بتكلم معاها
الصراحه حسيته بجر ناعم معاها واكتشفت انسان اخر بتلاعب باللغه وعامل حالو انو هاي هاي
ملخص الحديث بينهم انه قال هي بطلت تحب ابن اخوه وزوجي بحكيلها احسن بس بنصحك تعيشي لحظات الحب في حياتك وكان يطلب منها صورتها قال حابب يشوفها بس هي رافضه
يومها ما نمت من البكاء شبكت ليلي بنهاري ولما صحي عملت له مشكله وعمل لها بلوك
المصيبه برنامج المراقبه عندي سبحان الله كنت بدي الغيه وصدقت زوجي
الا داخل زوجي مع صديق رجل ع الفيس وبحكي عني
قال انه انا كشفته وهو مقهور والمصيبه انه الصديق بحكيله لازم تقلب الطاوله ع راسها وتبهدلها وما تخليها تتجسس عليك ... هذه بدل ما ينصحه
والمصيبه الاكبر انه حكاله عامل فيس بوك ثاني وراح يشوف مين الغالب شيطانه هوه والا ملاكي وقال علشان يرتاح من مراقبتي له
طيب هالقصه من اسبوع وزوجي عادي معاي وبمثل انه بحبني اكثر
طبعا للعلم البرنامج اللي عندي كشفلي كل الفيس تبعه والباسوورد حسابه العادي والحساب الاخر
هسه الليله دخلت ع الفيس الجديد والا بعت للبنت انه مرحبا وكذا
انا ما ضل براسي عقل
رحت عملت حساب ع الفيس بنفس صوره واسم البنت وسويت لها بلوك من صفحه زوجي بما انه الباسوود معي
وعملت حالي انو انا البنت وراسلته

السؤال اللي مجنني ليش هيك بعمل معي
وحابه اكمل مع زوجي كلام ع اساس اني البنت اياها وبدي اعرف شو بحكو
شو رايكم والله ما بنام الليل راح يجلطني ع الاخر
عنجد بس حكيت ارتحت وحاسس حمل انزاح عن قلبي
ساعدوني ارجوكم

الله يهدي زوجك أختي ويردة لك ردا" جميلا نفسي أشوف زلمة مابلعب بديلة مابصدقوا وتتاح لهم الفرصة
ان شاء الله بخلص من هالزفتة الي لازقة فيه وأخرتة يندم على الي بعملة
والله اني انقهرت وحاسة فيك لاني جربت هاذ الوضع
الله يجبر بخاطرك ويجعلك في عيون زوجك المرأة الوحيدة يارب ويريح بالك ونفسيتك

لاحول ولا قوة الا بالله
بتعرفي اختي حتى لو رجال بموت بمرته وتتاح اله فرصه يمكن يعمل اكتر من هيك يعني بنات اليوم مو قلال وكمان شباب اليوم مو قلال عنجد بتحسي انه الدنيا اخر وقت كله بيلعب على كله وكله بضحك على كله شو هالشغلة هاي
كان من الاول ما حطيتي جهاز مراقبة وراقبتيه كان ضل عالاقلة بنظرك اله احترام وهاي البنت رايح يتركها هيك هيك صدقيني كله هاد كلام فاضي جوزك بده يلقد الشباب الصغار ويتسلى مش اكتر
انتي تعاليله من باب الدين واحكيله انه حرام وازا عندك بنات خوفيه واحكيله خاف عليهم
الله يهدي بالك يارب

لاحول ولاقوة الا بالله
الله يريح بالك اختي ويسامحو لزوجك يعني هو مش صغير بس صدقيني هيدي نزوة وبتمر بسرعة
ماتنسي انو في شي اسمو جهلة الاربعين يعني بيجهل شوي صغيرة وبيرجع لعقلو صدقيني
انتي ماتتصرفي معو بكره وبحدة خصوصا هالفترة
بالعكس رتبي حالك واشتغلي اكتر عالجوانب الي بتريحو واكسبيه ماتطفشيه منك
وازا ماحكي معها من البيت بيقدر يحكي معها من اي مكان برا البيت
منشان هيك ضلي مفهمتيه انك واثقة منو ليضل قدام عينك وتسيطري عالوضع
بالاضافة انو شوفي شو الي عاجبو فيها واعمليلو ياه
بنات هاليومين الي هيك هيك مافي اكتر منهن فحاولي ترجعيه الك
يعني اختي لو ثلااجتك خربت مابتجيبي حدا يضلحها لتضل وقت اكتر عندك ورح يأرقك هالموضوع لحتي تتصلح وتمشي تمام
فمابالك زوجك ورفيق عمرك
اصبري وخليكي شاطرة وقولي يا انا يا هيي
بس برواق وبشطارة مش بجهل
ودعواتنا ترافقك حبيبتي

تسلمي اختي بسمه شمس والله اني مقهوره منه ما اتوقعت انه هيك يعني هوه محترم جدا معي ليش هيك بصراحه فتحت فيس بوك الاصلي تبعو لقيته ما بخلي وحده الا ببعت لها رسائل يعني الارمله ببعتلها بوحكي بموت في الارامل المطلقه ببعتلها وبحكي بموت بالمطلقات وما بخلي حدا من شره الله يهديه يارب

تسلمي اختي مجد شمس المصيبه انه صدقته بس والله انا جاهز المراقبه مش خبيره فيه يعني صراحه ركبته هيك واتفاجات ومن ناحيه الدين هوه دين و من عائله متدينه كمان وقال الليله لسه بحكيلو اوعدني ما تحكي مع هاي البيت حكالي شو يعني ماانا عملت لها بلوك ع الفيس ما بتقدر تحكي معي ... قلت له بجوز تعمل فيس هي تعمل فيس تاني قام سكت ... عارف حالو انه هو عامل فيس وبحكي معاها وانا براقبه
يعني انا عملت حالي هي وبدي اشو شو اخرتها معو
شكرا للجميع

تسلمي اختي ضحى والله انا دلوعه ودايما بعمل حركات وجو حلو بس شو تقولي
بالنسبه انو ممكن يحكي معاها من جهه ثانيه اي نعم عنده جهاز اخر في الشغل بس انا امتلك الباسوورد تبع الفيس بووك الجديد اللي عامله
وحذفت البنت من عنده وعملت حساب بنفس صوره حسابها وانا اللي بحكي معه بدي اشو لوين بده يوصل معاها في الحكي لنشوف اخرتها معو
صراحه خطتي انو احكي مع يومين بدي اخليه يكره هذه البنت هو من قلبه اني اجر ناعم معه واعرف ليش رجع يحكي معي وانه متزوج واشو شو رايه فيي وبعدها ابهدله و احكيله روح ارجع لمترتك احسن لك
وبعدها احذفه
ومن جهتي انا اورجيه انو كان يحكي معاها وانو مش صادق هيك بدي اعمل شو رايكم

آختي لا تحسسي و لا تجسسي سيعود الأمر و بالا عليك و لا تتحملي صدمة ما يقول أو يفعل
معلوم أن الرجل الأربعيني يمر بمرحلة المراهقة المتأخرة و يتلطف مع الجنس الآخر
يشعر بشبابه معهم
و أنصحك ألا تواجهيه بما عرفت عنه و لا تتصادمي معه
هي نزوة عابرة منه و تعدي و آنت بكلامك راح تخليه يعاندك و يصبح الأمر جديا نكاية فيك

تحدثي معه بلطف و قوليله يا زوجي أنا واثقة فيك و لكن مش واثقة في بنات هذا الوقت
أخبريه كيف تسمح لنفسها تكلم رجل غريب عنها
البارحة مع قريبك و اليوم معك و الله العالم مع من كذلك

تكلمي عن الموضوع من الناحية الشرعية و الإجتماعية كموضوع عام و خل زوجك خارج الموضوع
يعني لا تشخصي الموضوع

واستعيني بالدعاء ( اللهم اصرفه عنها و اصرفها عنه) و ألحي في ذلك
(اللهم رده إلي ردا جميلا)

و كوني عادية في تصرفاتك و حتى لو راقبتيه لا تخبريه بما تعرفين
لا يجب أن يعرف أنك تراقبيه لأن هذا راح يكرهه فيك
خليك هادئة و طبيعية و اهتمي أكثر بنفسك و يشعر بذلك

ربنا ييسر أمورك

والله الموضوع صعب
عبتطلبو منها تكون هادية وتعمل حالها مافي شي
بس الموضوع صعب والوحدة مو بايدها يبين انها معصبة ومدايقة
والله يا اختي نصيحتي لا تكملي موضوع البنت
فورا اكتبيله انك مابدك تحكي معه وانك رجال بس عبتضحكي عليه
خليه يخاف وييشك باي بنت ممكن يحكي معها
لا تستني لتشوفي شو بده يعمل
انهي الموضوع اريح لبالك
تاني شي طالما عبحكي مع الارامل والمطلقات هي لانه عجبه الموضوع ومابقى بده يوقف
مابيهمه مين البنت ولا شكلها ولا عمرها
المهم يحكي مع شي بنت
انك تلاحقيه وتراقبيه هاد مو حل
هالشي رح يخليه يحب انه يحكي من ورا ضهرك ويعمل شي خاص فيه
برايي تخوفيه قليله اذا ضليت على هالحالة بصير اتجرا واعمل متلك
كما تدين تدان
خاف على مرتك هدول يمكن اللي عبتحكي معن متزوجات وعبحكو من ورا ضهر ازواجن
بترضاها الي اول شي
اذا بترضاها خليك متل ما انت

وشوفي شو بيطلع معه

من ردودك يظهر أن زوجك يكلم نسوان من غير هذه البنت
يعني البنت مش هي الموضوع و إنما زوجك
يقدر يخليها و يكلم واحدة ثانية
و عليه لا تخلي زوجك يشعر إنك بتشكي فيه بل أخبريه أنك واثقة فيه لكي يستحي من نفسه
و فكرة أنك تكلميه على أنك البنت إياها فلا أوافقك فيه لأنه لو كشفك الموضوع يتأزم أكثر
و لو أباح لك بما تكرهين سينفجر الأمر
و خذي بقول الله ( لا تحسسوا و لا تجسسوا)
و حاولي تهدئي الوضع و خليه براحته ، إلّا و يمل و يرجعلك
حرري فكرك من البنت و فكري كيف ترجعي زوجك لعندك و تغنيه عن بنات الشات
خليك مسيطرة على الوضع و تجنبي ردود الفعل غير المدروسة
و أبعدي فكرة كيف أنتقم منه بل فكري كيف تكسبيه

تمنياتي بتحسن الأحوال عن قريب

كتبت ردي مرتين وراح
صراحه ما بضمن بنات هاليومين
وزوجي من الرسائل اللي ببعتهن للبنات بحب يحكي ويتفرج مع انه ما حدا رادد عليه الا هاي البنت ... مع انه من عائله متدينه وهو متدين ... وحكيت معه انو بوعدني ما يحكي معاها
بس ولا عاملي قيمه
وكل ما يصير مشكله في البيت بكون هو السبب بصير الاشي علي والحق علي وانا اللي ما بفهم .... زوجي عصبي كتير
بدي اتابعه واراقبه واشو اخرتها معو انا عاديه بس من جوا بحترق بس بدي اصبر لانو كل اشي الو حد
يعني خليه يطلع غلطان هالمره مع انه صديقه بحكي له اتعلم تقلب الطاوله وتخلي الحق عليها وصار يقلي دايما اني مقصره معو مع اني الحمد لله كل اشي بطلبه حاضر
خطتي اني عامله حالي البنت اياها وبدي احكي واشو لوين راح ينزل بمستواه وبعدها راح اخلق اي مشكله واهدده اني راح ابعت الرسائل اللي بينهم لزوجته يعني كل الخيوط بايدي
دعواتكم معي اخواتي عنجد عنجد قلبي بحترق وراح ينفجر