السلام عليكم ورحمة الله وبركاته
كل سنة وانتوا طيبين
اللهم بلغنا رمضان وليلة القدر ويحققلنا كل الى نتمناه امين يارب
انا يابنات حصلتيلى مشكلة ومش عارفة اعالجها ازاااى
احنا عندنا عيون البوتجاز بنظفها اول باول
من الدهون وهى بتبقى نظيفة ولكن مطفية
مفيهاش لمعة لانه بقالوا اكتر من عشر سنين فقريت فى احدى المنتديات على وصفة
وهى خل وملح الليمون وبيكربونات الصوديم فقلت اجربها
وجربتها يابنااااااااات ويااااااااااريتنى مجربتها
دخلت المطبخ امبارح ونظفته وطبعا جيت انظف البوتجاز
حطيت العيون فى حلة فيها خل وكربوناتوا وملح ليمون
وتركتها يجى ساعتين
على منظفت بقية المطبخ
وطلعت العيون من الخليط ده وفجيئت وصعقت
العيون كلها سودا ايوة سودا وادعك فيها والسواااااااد مش بيطلع
خااااااااااالص طبعا اتخنقت جدا ده غير ماما بهدلتينى وتقولى
رجعلى البوتجاز بتاعى
العيون اصلا مصنوعة من الالمونيوم والمعدن
روحت حطيت باور والسواد زى ماهو مش بيطلع وطبعا مطفى مفيهوش لمعة انقذونى يابنات قولولى اعمل ايه عشان
ارجعه ابيض تانى ازاااااى
منتظرة رودودكوا بفارغ الصبر
الروابط المفضلة