بسم الله الرحمن الرحيم
السلام عليكم ورحمة الله وبركاته
من بعد ما عزلنا غرفة المعيشة وقلبت سنفوراتي
http://www.lakii.com/vb/showthread.php?t=732079
اجى دور غرفة الضيوف
الصيف بلش وبلشت معاه زياراته وجلساته وسمراته
وكان لابد من تعزيله لغرفة الضيوف مشان هيك الواحد بس يقعد ويفتح الشباك يشوف الشباابيك نضاف
ياللا نسمي بالله ونشوف شو رح نعمل
اول شي نزيح الكنبايات والطاولة وكل الاغراض عشان نعرف نتحرك براحة
نمسح طاولة الوسط
هاي الفوطة خاصة بمسح الغبرة وكتير منيحة لمسح التريات اللي كلها خرز
نرفع البرداية
نشيل الشبابيك..........صراحة انا شلت اول شباك وماقدرتش اشيل الباقي كتير تقال فعملت الباقي وهم محلهم
ولانه تحتينا جيران بقدرش بقدرش اكب مية
حفف الشبابيك بكنسهم تكنيس وبمسحهم بعدين
الشبابيك بمسحهم بجريدة اول شي عشان اشيل الغبرة وبعدين بملمع الزجاج بمسحهم
شوفو انا داري مش على الشارع يعني الغبرة قليلة جوا حارتتا بس لو عالشارع المية والصابون هو احسن شي
طبعا الحديد تاع الشبابيك ما ننساه
والاباجور اكيد
هلاء دور الارضية
رفعت السجاد وقشيت البلاط
يا عيني ما احلا البلاط والمشي على البلاط
نرجع السجاد ونكنسه
في ناس كتير برفعو السجاد بالصيف وبمشو على البلاط بس انا بقدرش داري كبيرة اشوية واني اشطف كل يومين والله ما بقدر خاصة اني موظفه يعني الكنيس كتير انظف واريح الي
هون غيرت الديكور الكنباية الكبيرة حطيت محلها هدل الكرسيين
صندوقي العزيز كنت حاطته باب الدار ومعزوزي مش طايقه قلت اجيبه هون بعيد عن عينه وما بشوفه بوجه وطبعا رح تسألو شو حاطه فيه؟
انا بقولكو فيه كل الكبابيد الشتوية وملابس الصلاة والسجاجيد تاعون الضيوف
وهي نظرة عامة اخيرة
فش احلى من نبته حلوة في الدار بتعطي حيوية وروح للبيت
بدي اخد رايكو شايفينلي هدول اللي على ايدين الكنباية مش حاببتهم بس هم من نفس قماشة البرادي ومعزوزي وصا الخياط يعملهم وانا حاسستهم مش حلوين
حاسة زي ما يكونو الكنبايات مرقعين الله ويكلكو
والى اللقاء في تعزيل موقع تاني من البيت
اه بعد كل ها القلبة كان لازم اكافىء حالي بنسكافيه واشي زاكي
والضيوف الهم صدر كنافة
تحياتي واحتراماتي
الماسة
ام سوسو ولولو وعبد الله
الروابط المفضلة