بما اني قاعده عند اخواتي في بيت بابا وماما عشان هما مسافرين
هتقمر عليكم وهنزلكوا جدول بكره ان شاء الله
المهم
1. شغلي قرأن في البيت
2.افتحي الشبابيك والبلكونات طبعا لو الجو حلو والشمس طالعه
3.اعملي نسنس وللا شاي بلبن وفطار ظريف كده وتعالي استمتعي بيه وانتي بتصبحي علي حبايبك اللي في النادي ايوه يا جماعه عايزين نرجع نتقابل تاني زي زمان
4.اللي عندها غسيل تشغل عليه
5.الطبيخ شوفي هتطبخي ايه النهارده
6.وانتي بتجهزي للطبيخ اجلي الكام طبق اللي موجودين في الحوض
7.اليوم نمسح البيت كله بالميه والمعطر
8.اليوم هنختار اكتر غرفه مكركبه ونعملها
ممكن غرفة الليفنج
9.طله سريعه علي باقي الغرف
10.لفه سريعه ع الحمامات (اعزكم الله)
11.كده مباقيش غير التطبيق والكوي
12.وانتي بتحطي الهدوم المتطبقه هترتبي الرف اللي عليه الدور طبعا
ونختم طبعا بالسلام الجمهوري بتاعنا
تحيا جمهورية النظافه .... تحيا جمهورية النظافه وياريت مننساش ندعي لبعض وندعي لدكتورتنا ربنا يقومها بالسلامه وترجعلنا تاني
وسلامتكم يا احلي الحلوااااااااااااااااتواعذروني علي انقطاعي عنكم وعام هجري سعيد عليكم كلكم بإذن الله
الروابط المفضلة