اصنعي بنفسك حامل مبتكر للشواحن
طبعا مين مبيضايقش من شكل سلك الموبايل او الكاميرا وهوا بيشحن
سلك متدلي ع الأرض
قد يكون مكعبل أو يكون الجهاز اصلا عرضي للسقوط أو لعبث الأطفال
المهم انا فكرت وخططت ووصلت لنتيجه حلوه
وسهلة التنفيذ
ستحتاجين إلي
قطعتين من الجلد
12* 16 سم
مقص
لاصق
ابره وخيط للخياطه
سناره وخيط للكروشيه
قلم رصاص
اداه لصنع دائره
سلك كهرباء رفيع
الخطوات
*علي ظهر الجلد هنرسم دائره في النصف الأعلي من القطعه الأولي
*بالقلم الرصاص قسمي الدائره إلي 8 اجزاء
*قصي بالمقصالأجزاء الثمانيه مع تركهم ثابتين من جهة الدائره
*افتحي الأجزاء الثمانيه للخارج وثبتيهم باللاصق
وتصبح بهذا الشكل
* نقص الأطراف بخطوط موازيه للشكل السداسي
*نقوم بثني حوالي 2 سم من عرض قطعه الجلد الأخري
ونقص مربعين صغيرين اسفل يمين ويسار القطعه
(لاحظي الصوره الأولي)
*نثبت هذه القعه من الجانبين في القطعه الأولي
اصبحت من الخلف هكذا
*نغلق الجزء الأخير بشريط اللصق
*ثم نخيطه يدويا
*الان ازيلي شريط اللاصق
وقد أصبح لدينا علاقة بهذا الشكل
*بقي لك حرية التزيين
أنا إشتخدمت الكروشيه طبعا لأني بعشقه
وكانت النتيجه
ومن الخلف ادخلي سلك رفيع في الدائره لتقويتها
ودلوقتي جه معاد التجربه الحقيقيه
روحي عند الفيشه
ادخلي الشاحن في منتصف الدائره وضعيه في الفيشه
لفي السلك واربطيه
وصلي الموبايل وضعيه في الجراب مع السلك الملفوف
بسم الله ما شاء الله
اخترااااااع
المهم وانا بنزل الموضوع حسيت إن الكروشيه ممكن يعمل أكتر من كده
وبسرعه بسرعه جبت خيط وعملت دول
وده باترون الورده وورقة الشجر
وثبتتهم كده ع الجنب
ودي أصبحت النتيجه
أحلي مش كده
ومن النهارده وداعا لفوضي سلك الشاحن
بجد بجد شوفوا كده الفرق بين زمااااان ودلوقتي
ان شاء الله تعجبكم وتنفذوها
وعلي فكره مش هتنازل عن الخمسه
وتحياتي للجميع
وتحيه خاصه لأمونه وكل بنات الكروشيه
رد مع الاستدلال
الروابط المفضلة