السلام عليكم
الحمد لله الكل عودي نفسك اول ماتسمعي الادان تروحي تصلي


اليوم ان شاء الله هنتفق علي حاجه مع بعض
يوم بيوم هنضف حاجه
علقي علي الطبيخ الاول]
وانتي في المطبخ
لازم يكون فيه ترابيزه وكرسي

هاتي قماشه كبيره
وافرشيها علي الارض
فضي ادراج المطبخ درج درج
ومعالكي قماشه بيها خل وامسحي الدرج وافرشي كيس نايلون
وانت بترتبي بجانبك كيس كبير الحاجه اللي موش ضروريه حطيها في الكيس

ونتفق دايما بنكون لابسين جوانتي اثناء غسل المواعين
وقبل الساعه 5 تكوني خارجه من المطبخ
وتاخدي دش وريحتك حلوه
وكل يوم هنعمل مع بعض حاجه جديده
ممكن تحطي في الغساله الاتوماتيك الغسيل وتضبطي البرنامج
الهدف اليوم
غسيل
وطبيخ
وترتيب ادراج المطبخ

الحمد كله شاطر وموش محتاج المساعده
انا عن نفسي نظغت الاربع ادراج ولقيت بلاوي كتير زياده
طبعا الي بيلاقي حاجه بيحطها في الدرج
وعملت الاكل
ومسحت المطبخ
والمواعين ماتنسيش تلبسيها فوق بعض
شلت الزياده من الملاعق وخليت اربعه من كل حاجه
الصواني الكبيره فوقها الصغيره
والبراد بتاع الشاي بيكون نظيف
ووضع كل الفوط واللوف في انا مضاف عليه شويه كلور وصابون مخفف
والبوتوجاز
ومريحه شويه انا بكتب في فتره الرست
وهنشر الغسيل
طبعا لمحه سريعه علي الريسبسن اي زياده علي ترابيزه الانتريه والسفره
وكفايه كده النهارده
لاني بعد ماستريح هعمل كيكه ان شاء الله

برنامج عمل الغد باذن الله
تهويه الفروشات وتغيير ملايات السراير
عمل كبيبه بالبرغل وشيلها في الفريزر
عمل المصقعه
عمل عجه صينيه في الفرن
تخزين بسله لانها اقربت تمشي
عمل قطر للبسبوسه

احمدك يارب كلهم
اشطر مني وموش عايزين
حاجه مني
علي العموم انا مستنيه

hhhh w allahi enti echatra

wink ya habibti enti aazlti

hamdilah a ssalama

ما شاء الله فكرة حلوة تسلم ايدك

موضوعك جميل وازاي مش محتاجين موضوعك ده مهم جدا اكيد كلنا بيوتنا مليانه حاجات كتيرة ملهاش لازمة وعايزة تتوضب


ان شاء الله هبتدي من بكرة وجمعة وسبت هاخده اجازة علشان جوزي بيبقى قاعد في البيت

جزاكي الله خيرا اختي مواضيعك كلها مفيدة جدا جدا

موضوع نحفة طبعا يا استاذة امال بس هتابع من بعيد لانى مش فى بيتى لفترة هتطول شوية وربنا يبارك لك

موضوووووووووووووووووووووووووعك راااااااااااااااااااااااااااااااااااائع
ربنا يبارك لنا فيكي يا استااااااااااااااااااااااااااااااااااااااااااذة
مع انها جت متأخرة
بس ما نقدرش نستغنى عنك

موضوعك جميل وحلو
وكل مواضيعك باقراها اكتر من مرة
ماشاءالله عليكي ربنا يحفظك
تنظيم وترتيب وكل حاجتك حلوة يااستاذة

فكرة حلوة التخلص من الكراكيب أنا مبحبهمش


بس أعمل ايه جوزى بيحبهم دايما ألاقى حاجاته فى درج المطبخ من مفكات ومسامير وبنس

أصله بيحب يشتغل أوى بايده وهو بصراحة شاطر

بس الكركبة أعمل فيها ايه خلاص زهقت والولاد ما بيصدقوا أدخل المطبخ بيطيحوا فى الشقة

يعنى أرتب وأنظف مكان يبوظ مكان تانى