تنظيف الأفيال ~ ملكه النظافه والتنظيم 2 ~
أهلا بيكم حبيباتي الغاليات
رجعت لكم مره تانيه بموضوع جديد
تنظيفي اليوم كان للأفيال ... أيوه الأفيال مش مصدقين
لقيت أم الأميره راحت اليابان علشان تطوي التي شيرتات قلت طيب أروح الهند أشتري فيلين
المهم اشتريت الفيلين من الهند ورجعت خخخخخخخخخ << مصدقه حالها
خلاص نتكلم بجد شويه ... عندي فيلين زينه لكن كنت ركنتهم شويه لمده حوالي 6 شهور في حجره بأخزن فيها حاجات
وشفتهم امبارح قلت أنظفهم وأحطهم مره تانيه للزينه
تعالوا نشوف شكلهم أول ما خرجوا من الحجره ... يااااااااااي التراب عليهم فظيع
وطبعا كالعاده شمرت الأكمام وأعلنت حاله الطوارئ وجبت الريشه واديتهم ترييشه سريعه
وطبعا لسه شكلهم متبهدل من التراب
رحت وقفت في ركن منظفاتي وقعدت أفكر إيه اللي ينفع معاهم
لقيت البليدج بتاع تنظيف الموبيليا بعطر الربيع وكنت أول مره أشتريه وقلت أجربه وجبت فوطه قطنيه
وعملت هجوم متكرر علي الفيل برشات سريعه من البليدج
وبدأت أنظف كويس بالفوطه في كل مكان وفي الزوايا
وكمان نظفت الفيل الكبير بنفس الطريقه
تعالوا نشوف شكل الفيل بعد التنظيف بيلمع ازاي
تعالوا نشوف الفيله الكبيره الماما والفيل الصغنطوط ابنها جنب بعض
ايه رأيكم في النظافه واللمعان
يلا يا بنات " بص بص بص ... بيبي الملكه وبس "
وإلي اللقاء في موضوع ترتيبي تنظيفي تجريبي جديد
رد مع الاستدلال
Twittery
الروابط المفضلة