صباح الخير اخواتي
اختي ام بندر
بالنسبة للنحافة عندك ياترى من زمان هالمشكلة عندك او كان وزنك مختلف ؟؟
عملتي فحص للغدة الدرقية عندك؟وكيف انتظام الدورة الشهرية عندك؟واخبار قوة الدم ؟؟
وكيف الوضع النفسي عندك ياترى الاوضاع مرتاحة او عندك مشاكل لاسمح الله؟؟
عندك مشاكل في الامعاء من اسهال ونحوه ؟؟؟
انا سألتك الاسئلة الشائعة الي بنحب نعرفها اولا قبل التفكير بالحلول وان شاء الله امورك تكون تمام
لحل مشكلتك تغذويا بحب انصحك بالتالي
تاكلي وجبات متعددة ومتنوعة على طول اليوم
تشربي الحليب الكامل الدسم والافضل ادخاله للفواكه وعمل كوكتيل خاصة الموز
تناول فواكه وخضار
اضافة زيت الزيتون للوجبات
البدء بتناول الطبق الرئيسي وتأجيل السلطات
الاعتماد على النشويات كالخبز والارز والمعكرونات
ادخال المربيات والعسل في الفطور واضافة العسل للمشروبات
محاولة تناول الطعام مع العائلة او الاصدقاء بحيث اضفاء جو حميم ومرح للطعام
محاولة عمل تغيير دائم في الوجبات وعدم الروتين بحيث المكان والاجواء
محاولة الحصول على النوم الكافي والتقليل من السهر ومحاولة الاستيقاظ باكرا ؟؟
التركيز على اللحوم .الكبد.صلصات الطماطم
تفيد الحلبة.السمسم.فول الصويا.المكسرات في حالات االنحافة
تناول التمر
ادخال البصل,الثوم للطعام
المواظبة على تناول اللبن
وان شاء الله تستفيدي

بالنسبة لبنت اختك هي نحيفة او سمينة وهل لاسمح الله عندها مشاكل في الغدد
بضل لعمر 16 سنة طبيعي بس الافضل تشوفها طبيبة مختصة للاطمئنان مو اكثر
والله الموفق

اختي hala510
بالنسبة للالم في رجلك هل بكون في تورم او مجرد الم في العضلات
كيف نوعية الحذاء الي بلتبسيه هل هو مخصص للمشي
لان في انواع معينة بترتاح فيها القدم خاصة المشي لفترات طويلة
وبيعتمد ايضا على نوعية المكان الي بتمشي فيه

اختي nnnnn_nora
بالنسبة لغذاء الحامل هو مابيفرق كتير بالسعرات الحرارية عن غير الحامل
بس النصيحة انه يكون اكلك متوازن وغني بالمغذيات يعني يكون اهتمامك بالنوعية مو الكمية
التركيز على السوائل والماء
محاولة التخفيف من السكريات والموالح لتجنب زيادة الوزن الغير طبيعية
محاولة تناول الطعام البحري مرتين اسبوعيا
تناول المكملات التغذوية خاصة الحديد وبالاخص اذا كان عندك فقر دم
اللجوء للحليب ومشتقاته الخالية او قليلة الدسم
محاولة التخفيف من الشاي والقهوة والمشروبات الغازية خاصة مع او بعد الوجبة مباشرة للحفاظ عى نسبة الحديد في جسمك
المشي مفيد جدا لكن باعتدال وانتباه والتعرض لاشعة الشمس يفيدك للحصول على فيتامين د
تناول الخضار والفواكه لتتجنبي الامساك والمشاكل الهضمية
تجنبي المنبهات والتوابل والمقالي لتتفادي مشاكل الحموضة في المعدة
تجنبي الاغذية الجاهزة في المطاعم غير موثوقة المصدر لتفادي حدوث مشاكل مثل التسمم الغذائي او الاسهال
الاطعمة المعلبة والملح حاولي تخففيها لتجنب ارتفاع ضغط الدم

الزيادة الطبيعية للوزن اثناء الحمل من 6 الى 11 كغ ومعك ل 16 كغ بيضل ضمن المعقول
زيادة الوزن في الثلاث اشهر الاولى من الحمل تكون غير معقولة لان مافي حاجة للطفل للوزن المكتسب وغير هيك بعد الحمل بكون صعب كتير التخلص منهم
وزيادة الوزن للحامل بشكل كبير بتعمل مشاكل بالفترة الاخيرة للحمل وممكن تكون سبب في اللجوء للعملية القيصرية لاسمح الله
وان شاء الله تقومي بالسلامة وماتزيدي كتير

اختي ام الشيخ راكان
كيف طبيعة اكلك خلال اليوم يعني وجبة الفطور والغداء عندك مناسبات او كتير بكونو خفيفات
حاولي انك تاخدي فطور وغداء ومابين الوجبات يكون خضار وفواكه وحليب او لبن
وبنصحك تضيفي الخل للسلطة او تضيفي ملعقة خل لكوب من الماء وشربه بعد الوجبة
واذا شعرتي برغبة لاكل بهالوقت اشربي الخل والماء لانه بيخفف الشهية كتير وان شاء الله تستفيدي

كتبت بواسطة حلوى المساء

اختي الغالية سوسن

احب تنصحين اعمل ايه لاني ضعيفة الارادة وابغى رجيم انزل على الأقل 30 كيلو

مع العلم ان طولي 150 ووزني 85

مع العلم بانه ليس لدي وقت محدد لتناول الوجبات والأكل بالنسبة لي ليس الا مجرد

تفريغ مع انه في لقضاء وقت الفراغ خصوصا اذا كان المود مش مزبوط ومعكر لا اتناول

لمدة يوم ويمكن اكثر ويمكن اقل ساعدني جزيت الجنة

الأخت الغالية سوسن الرجاء المساعدة العاجلة لو سمحتي

ولاتتاخري عليا في الرد وشكرا

اختي ام سيف
مو شرط توصلي الوزن المثالي لان مافي وزن مثالي لكل الاجسام لكل جسم طبيعته المختلفة اهم شي هو التناسق بشكل الجسم
وبما انه مقاس خصرك 75 كتير منيح لانه نحنا بنخاف اذا تعدى قياس الخصر للمرأة 80
اهم شي تخبريني عن نظام الحمية الي اتبعتيها هل ياترى كانت صحية بغض النظر عن نزولك البطيء لان اذا كانت صحية بكون صعب كتير ترجعي تكسبي الوزن الي فقدتيه وكونك كنتي مرضعة فلو كنتي معتمدة بتغذية طفلك على الحليب منك فبتكون الرضاعة ساعدتك بخسارة الوزن
هو حسب مؤشر كتلة الجسم لحتا تكوني في الوضع السليم يعني تحت ال 25 لازم توصلي لل70كغ
بس اذا كتير شكلك نحيف مافي داعي لان حتا مؤشر كتلة الجسم مابيعطي نسبة توزيع الدهون بيعتمد على الكتلة العضلية اكتر
حاولي تعوضي عن الريجيم بمتابعة الرياضة والعودة للاكل الطبيعي اذا كان بحميتك فيه حرمان وان شاء الله مابيزيد وزنك مرة تانية
وبالنسبة لصدرك ياترى في عندك ترهلات بعد نقصان الوزن
افضل شي تمارسي تمارين رياضية خاصة بهالمنطقة

اختي الحياة جميلة
بالنسبة لمريضة السكري ياريت لو تزوديني بالوزن الحالي والطول والعمر
وبالنسبة للاغذية طاردة الغازات ياريت لو تقرأي ردودي على الاخوات بخصوص الموضوع
ونغذويا مافي طريقة لتصغير الصدر ماعليكي الا ممارسة تمارين خاصة لتصغير الصدر
وبالنسبة للمكملات الغذائية متل الفيتامينات مابننصح اللجوء اليها الا عند الضرورة وتحت اشراف طبي لان في دراسات بينت مخاطرها على القلب
على العمزم هو الجسم بياخد حاجته والفائض ممكن ينزل مع البول وفي انواع بتضل بالجسم وبتعمل مشاكل كتير
الله يحميكي

اختي حلوى المساء بالنسبة للريجيم اللي تنزلي عليه 30 كغ بده فترة لحتا تتضمني عدم الرجوع للوزن وافضل ريجيم يكون صحي تنزلي عليه بحدود 5 كغ في الشهر طبعا اذا كنتي ملتزمة وماكان جسمك متعود على الحميات
افضل طريقة تماؤسيها هلأ تعملي برنامج بمواعيد محددة للاكل والالتزام بها مهما كانت الظروف
ومحاولة الابتعاد فكريا عن المشكلات وعلاقتها بالاكل يعني انك تغيري طريقة تفكيرك
حاولي تعملي رياضة وتلتزمي فيها لانها كتير بتلعب دور بتغيير نفسيتك
واكبر خطأ بتعمليه حرمانك للاكل ليوم او اكتر
احسن نصيحة انك تحاولي تجلسي مع نفسك وتكتبي الاسباب والعيوب وانتي من نفسك توجديلها الحلول لانها بسيطة بأذن لله والله يوفقك

السلام عليكم اختي سوسن

بدي أغلبك بالسؤال عن صحة ابني عمره سنة و5 شهور وزنه 11 كيلو بحسه ضعيف وكل ما حد يشوفه من المعارف بين فترة وفترة بيحكي ابنك ضعفان، صحتو منيحة ما شاء الله يعني مرضه بحمد الله مو كتير ونشاطه ممتاز واسنانه 8 قواطع و4 انياب و4 اضراس وبيمشي من عمر سنة. بطعميه 3 وجبات رئيسية بتخللها 3 رضعات حليب نيدو وفواكه وبسكوت وهيك اشيا، بس بحكم عمره فهو بغلبني وقت الاكل وبضل ألحق وراه لحتن يكمل صحنو. يعني هل نشاطو ومناعتو بتكفي اني احكم انو صحتو منيحة حتى لو وزنو قليل؟
بدي اغلبك تعطيني نموذج ليوم واحد لتغذية طفل بعمرو وشو الوجبات اللي ممكن اعملها خصوصي منشانو لحتى تفيدو بهالعمر علما بانو بياكل من اكلنا في البيت بس انا براعي موضوع التنويع في الاكل لمن بطبخو خاصة بخصوص الألياف.
شكرا لاستماعك

اختي ام الوسام:
سؤالك اغلب الامهات دائما بيسألوه وبسبب طبيعة مجتمعاتنا بتحب الطفل السمين او بمفهومهم كل ماكان الطفل سمين بتكون صحته منيحة وهالشي خطأ كبير بنقترفه بحق اولادنا
كتير امهات بتحاول تطعم طفلها كتير ووجبات كبيرة لحتا يسمن وتنبسط هي بشكله بس مابتعرف انه هالشي رح يكون سبب بتعاسة طفلها لما يكبر ويكون عائق امامه لخسارة الوزن لان اغلب الوزن المكتسب من مرحلة الطفلة يتجزن بالجسم كخلاليا دهنية جديدة ولو حاولنا نخفف او نعمل حميات رح يضل العدد ثابت ولو صغر حجم الخلايا
بالنسبة لابنك وزنه منيح بالنسبة لعمره وبيعتمد على وزنه يوم الولادة فاذا كان طفلك وزنه 3كغ عند الولادة ف على عمر السنة بكون 3 اضعاف وزنه يوم الولادة وعلى هيك بكون 9 كغ
ولاتنسي واغلب الامهات بيسألو عن هالشي انه الطفل بعمر السنة ومابعدها الزيادة في الوزن والطول رح تكون مختلفة تماما عن وزنه خلال السنة الاولى من عمره
ولاتنسي انه الطفل مداركه تغيرت وتغيرت اسليبه فكان اهتمامه بالاول الاكل وبس اما هلأ ن بعد المشي بصير بده يكتشف المكان والمحيط الي حوله فاهتماماته للاكل بتخف عن اول وبصير يستغني عن الاكل في سبيل اللعب والمرح والتسلية
بماانه نشاطه طبيعي والحمدلله ماعنده مشاكل مرضية واسنانه موجودات
لاتهتمي بحكي الناس المهم انه صحته كويسة
الوجبات بالنسبة لابنك بياخد في اليوم بحدود 6 وجبات في اليوم
الفطور يكون اما حبوب الفطور مع حليب,او بيضة او لبنة او عجة وحاولي تدخلي خضار وفواكه
بس الحليب مهم كتير
الغداء بتكون اي شي من الي عاملينه بس يكون خفيف الملح
والعشاء يكون بشبه الفطور
بين الوجبات يكون حليب .خضار .فواكه.البان
وحاولي تخففي الشيبس والبسكويتات
حاولي تكون حصصه من الطعام الكلي لليوم يحتوي على :

- الحليب ومشتقاته: 3 حصص

- الحبوب والنشويات: 6 حصص

- اللحوم والبقوليات: حصتان

- الخضار: 3 حصص

- الفاكهة: 3 حصص
حاولي تعززي حب الفواكه عند طفلك هاد اهم شي
والخضار حاولي تنوعي فيها بالالوان يعني خضراوات خضراء وبرتقالية .حمراء .
العصير حاولي تخففيه مو كتير ياخده
التنويع مهم كتير واستمري عليه
الزيت حاولي تعتمدي على زيت الزيتون وباليوم مسموح 3 ملاعق صغيرة
وربنا يوفقك ويخليلك اياه