بنت بالف راجل
الوووو مساء الخير
الو ووو مين معايه
طيب ردى المسا الاول
لا مش هرد الا لما تقولى مين حضرتك
وانا مش قايل انا مين الا لما تردى سلامى
طيب ياسيدى مساء الخير انت مين خلصنى
اخلصك ايه انتى على زمتى طيب روحى انت هههه
لاء خفيف شكلك بتتسلى وفاكر نفسك دمك خفيف
اه الليل طويل قلت اضرب اى رقم اى حد اكلمه ويكلمنى
اسفه مبكلمش حد غريب
مع السلامه
لحظه بس دقيقه واقفلى
انت سلفيه ولا اخوانيه
لا يا سيدى لا سلفيه ولا اخوانيه بس متربيه
صوتك جميل اوى زى تغريد البلابل
محدش قالك كدا قبل كدا
ملكش دعوة واتفضل مع السلامه
طخ

اتصل تانى
وتالت ورابع

فيه ايه يا ابن الناس ورايه مذاكره وانت شكلك فاضى
صوت عجبنى قلت اسمعه تانى
انا مش عايزه أأذيك وابلغ عن رقمك
ياستى الرقم مش باسمى

بس عايز اسألك سؤال وهمشى
فيها ايه لما نكلم شويه
ياسيدى انا معنديش مانع اكلمك واضحك واهرج معاك
بس بجد مقدرشى

ليه ياستى فيه ايه
ياسيدى تليفونى متراقب

يالهوى يكفينا الشر هو انت اخوانيه من بتوع رابعه
وامن الدوله مرقبينك

لا ياسيدى وان كان لى الشرف اكون ربعاويه

بس تليفونى متراقب من جهه سياديه فوق

بجد دنتى مهمه اوى حاجه كبيره هو انا اتصلت
بمين بالضبط

طيب تصدق ان جوالك انت كمان متراقب
ياليله سوده واش عرفك
يعنى ارمى الشريحه دى

بجد قولى مش هنام الليله دى انا متراقب

ياسيدى فيه ملكين جمبك ملك على اليمين وملك على اليسار
كل همسه كل حرف هنطقه هيتسجل فى صفحه ذنوبى وسيئاتى

وربنا فوق الكل مطلع علينا رقيب يعلم خائنه الاعين وما تخفى الصدور

قوم يا ابن الناس استغفر ربك وصلي ركعتين
وتوب من المعاكسات
خلى ربنا يغفر ليك الى فات ويبدله حسنات

جزاك الله خير ربنا يكرمك انا تبت على اديكى
بس قوليلى انت تعلمتى الحجات دى فين

علمها لى عمو ابوالفضل
فى صفحة شخابيط تجنن

اشكرهولى كتير
ومن اليوم توبه اعاكس حد

ومن بكره انا معاكم فى شخابيط
ادل الناس على الخير وانشر معاكم
كل حاجه ترضى ربنا

رؤيه حواريه
محمد فريد ابوالفضل