كتبت بواسطة ام زكريا الحلو

وزارة الاتصالات والمعلوماتية تطلب من شركات الاتصالات التابعة لها تشكيل لجان لدراسة أسعار الخدمات المقدمة للمواطنين والجهات مقارنة بالأسعار العالمية.

بالله ليش تشكيل لجان مش لجنة يا علك حال على ابسط الامور لجان لجان مش يمشو الفلوس الهلبة وحتى لا نحاسبهم على كمية الفلوس ماهو لجان مش لجنة هههه عليك حالة مش ايقولو اوقفوا سياسة النهب بطريقة اللجان هده والله نبوا نصفوا البلاد درجة درجة ولكن باسرع وقت لانقاد ليبيا من المتسلقين المخانب ازلام هدى بن عامر اولا ثم الخانب الكبير محافظ بنك ليبيا المركزي تانيا ليش ليبيا معاد فيها رجال يخافون الله ونزهاء شرفاء الا هؤلاء ارجوكم لا تدعوهم يضيعون دماء الشهداء رسالة لبنات ليبيا الحرات في هدا المجلس اللي عندها قريب في المجلس او الوزارات او الحكومة عامة يتحركو وينبهوهم على هده النقاط المهمة والله قلبي محروق اشكالات زي هده تسير البلاد ,و الهم معروفة....... حطوا العقل في الميزان معقولة ........... /////////..صفوههههههههههههههههههههههم امانة بلغوهم ]دم الشهداء لا تجعلوها تضيع هباءءءءءءءءءءءءءءءءءءءءءء امانة بلغوا اسفة تعصبت دمي محروق ,.....مش ايقولوا مهتمين ولجان والجو هدا اطلعو من هالابواب هده

السلام عليكم ورحمة الله وبركاته
اهلين بالسموحات الحرات
موضوع الفدرالية واجعلي قلبي
سبحان الله دم الشهداء قاعد سخون ومبردش
وقاعدين كل مرة يلقوا في مقبرة جماعية للشهداء
وهادوا الجماعة يفكروا في الفدرالية لا ويقولوا الفدرالية مش معناها التقسيم يغطوا في عين الشمس بالغربال
سبحان الله
طبعا مايقدروش يعترفوا صراحة بانها دعوة للتقسيم
وامدايرين روحهم اوصياء على اهل الشرق ويقولوا احني انمتلوهم مش عارفة كيف يمتلوهم
لاسمعنا باستفتاء ولا انتخاب يعني ميمتلوا الا نفسهم وميمتلوش اهل الشرق ابدا
في نظري يعتبروا مجموعة من الخونة ومفروض يحاكموا بتهمة الخيانة العظمى باش يكونوا عبرة لكل من تسول له نفسه يفكر في تقسيم ليبيا
سبحان الله
حجتهم ان المنطقة الشرقية مهمشة اللي يسمع يقول باقي ليبيا حالها زي دبي والا الدوحة
مايعرفوش حتى طرابلس لابنية تحتية امقومة ولاصحة ولا تعليم والمساكن مبنية بطريقة عشوائية والزناقي ضيقة وووووو
والا مغشوشين في ريحة التلات ابراج اللي واحد منهم طلع بني مغشوش بدون مجاري اكرمكم الله
م الاخير ليبيا كلها كانت مهمشة شرق وغرب وجنوب
والليبيين كلهم كانو مهمشين بعربهم وامازيغهم وتوارقهم
اه وخلاص اليوم تفرجت على قناة العربية عندهم حق اللي سموها عبرية يالطيف مراسلهم يتكلم تقول حق اهل الشرق كلهم موافقين عالتقسيم
ماقالش انهم شرذمة قليلة حسبنا الله ونعم الوكيل فيهم قريب ركبني الضغط
والله نتمنى اهل الشرق يوقفوا وقفة رجل واحد ضد الفدرالية ويعرفوا هالمجموعة الشادة قدرهم ويوقفوهم عند حدهم
واخيرا نقول حسبنا الله ونعم الوكيل في كل من يفكر يقسم ليبيا وربي مايحققلهم غاية ويجعل تدميرهم في تدبيرهم

تصريح السيد وزير الدفاع اسامة الجويلي، خول الفيديو الذي انتشر في مواقع التواصل الاجتماعي، و الذي اتهم فيه باطلاً بأنه قذف و اعتدي علي أحد المواطنين

تصريح الجويلي حول اتهامه بالاعتداء على احد الثوار
www.youtube.comوزير الدفاع بالحكومة الليبية المؤقتة اسامة الجويلي في لقاء معه يروي قصة اتهامه بالاعتداء على احد الثوار عندما حاول تصويره وصرح ايضا حول محاكمة ازلام القدافي ...

كانت بالأمس تستغيث *_*

واليوم نحتسبها عند الله من الشهداء....

لك الله يا سوريا ♥

أخبار صرخة ليبيا
هذه الصورة الفائزة بجائزة العام في الدانمارك لـــ"شهيد ليبي من طبرق إسمه حسين صالح , " أعدمته كتائب القذافي بطلقة في الرأس حيث يظهر في الصورة و قد أختلطت الدموع في عينيه بالدماء التي تسيل من رأسه.

السلام عليكم ورحمة الله وبركاته
كيف حالكم يابنات
قريب ننفجر من اللي طلعوا وقالو نحن شيوخ وعقلاء المنطقة الشرقية واعلنو شرق ليبيا اقليم فدرالي
خطروا عليا المؤتمرات اللي دارهم المردوم وجاب فيهم شوية شيابين اغلبهم من دار العجزة ودارو روحهم
أعيان قبائل غرب ليبيا وداروا بيان انهم ضد الثورة وانهم مع المردوم في الوقت اللي كان فيه الغرب كله ثائر ضد الدكتاتور
بالضبط التاريخ يعيد نفسه المظاهرات في مدن الشرق كلها ضد الفدرالية وضد التقسيم
وهم في وادي تاني ودايرين روحهم متحدثين باسم الناس في الشرق
حسبي الله ونعم الوكيل فيهم باي حق يتكلمو على لسان اهل برقة باي حق ينصبوا روحهم متحدثين عليهم
والا اللي اسمه أحمد الزبير السنوسي اللي ولوه علينا منو يطلع بسلامته
نبي نقوله لو معمر سجنك ثلاثين سنة ماتطلع توة وتفرض نفسك على الناس
باي حق يحطوك علينا اهل الشرق من انتخبك والا من طلب منك تحكمنا وتكون ممثلنا في المحافل الدولية
ياناس عيوني يبو يطلعو من وسط راسي من كثر الحرق
نعيط لراجلي بدري نقوله ديروها ثورة تانية ضد الفدرالية ومازال في ليبيا طلاب شهادة
مستعدين يدفعو حياتهم في سبيل ليبيا تقعد وطن واحد مش مقسم
وكيف يقولوا لا لتقسيم ليبيا نعم للفدرالية الكلمة وعكسها ياعليك حالة وخلاص
المشكلة انهم عارفين الناس ما يبوش وعارفين المجلس الانتقالي والحكومة ما يبوش وهم في عالم تانية
خاطري نعرف اي برقة اللي يحكوا عليها أنا من سكان برقة وعارفة راي الناس هنا
ااااااااااااااااااااااااااااااااااااااه ياقلبي ولك الله ياليبيا الحبيبة

لوليتا زوجها
وعليكم السلام ورحمة الله وبركاته
ايه والله يااختي معاك حق في كل كلمه قلتيها
اللهم ان نسالك باسمائك الحسنى وصفاتك العلى ان تقسم ظهر كل من يريد تقسيم ليبيا
ليبيا وحده وطنيه لاشرقيه ولا غربيه

ليبيا وحده وطنيه لاشرقيه ولا غربيه

ولالالالا للمركزيه

الله اكبر على المنافقين المجرمين
الله يبارك فى السيد عبد الجليل قال كلام رووعة الله يحفظه
كلام مختصر ومفيد
ليبيا وحدة وطنية لا شرقية ولا غربية