هدايا العيد من شركة المدار وليبيانا
عاجل : شركة ليبيانا والمدار ، ستمنح 60 دينار رصيد مجاني لمشتركيها

قاموس:من اللهجة الغرباويه الي اللهجة الشرقاويه
*
*
*

*
*
*

سحنون = بلبوول
اقعد = قمعز
خيرك = كنك
هلبا = بكل .. واجد
تلقيح = تشفيط
مليح =تمام
ولي = خش .. رد .. ارجع
هكرز=سراااق
تتسهوك=اتبصر
سمسينة=زريعة
رجلي=كراعي
ايه=اها
ياسر=سادك .. خلاص..بطْل
ياودي...تي ياودي ياسر=تي خلاص سادك
اركح= ارتزع
شني=شنو
حقا=خطرها
حسابك معايا = توة اتشوف والله انوريك ^^
والله هو خير منا =والله هو صقع علينا
شبحتها=شفتها
شكلاطة=شوكولاطة
اشبح = بحت..شوف
خناب = سراق
استحاشتك = رايفت عليك
بيرو =بنينه
ماهناش..قاعد مجاش = مش قاعد
زوز = اثنين
علاش = عليش
شلابيخ = كفوف
ولى = عدا
طن = تن...

السلام عليكم ورحمة الله وبركاته
كل عام وانتم بالف خير
ينعاد علينا بالخير والنصر يارب
ربي يكون عيدنا عيدين ..

وعليكم السلام والرحمه

اهلين ام مودى روحتى ولا مازال

اهلين نورة وربي يرحم وخيك ويتقبله من الشهداء

السلام عليكم ورحمة الله وبركاته
اشجان
بارك الله فيك وربي يفتح عليك
واسال الله ان يجمعنا بعرفه العام القادم
راهوا عندنا حصه حتى احنا عندنا ثوار والا
اللهم احفظ ليبيا من شر الفتن ماظهر منها وما بطن
اللهم اهدى شباب ليبيا لما فيه الخير للبلاد والعباد
اللهم كل من اراد بنا وبلادنا سؤ اجعل كيده فى نحره
اللهم امييييييييييييييييييييييييييييييييييييييين

اختي ام طلحه
طمنينا عنك
قلبي عندك ان شاء الله تكوني بخير

وعليكم السلام
اهلين الحنونه
شغلتنى ام طلحه اليوم
يارب تخش واطمنا عليها

ايه ياملكة روحت من الشرم بس لليبيا ان شاء الله بعد العيد
خلاص مستاحشة المرة هدي هلبة
ام عائشة
ربي يرحم شهدائنا
ويتقبلهم في جنات الخلد
اللهم امين

متقولوليش وين باقي الستات والصبايا
وين مشوا
راهو نجيبلكم غولة بو شفشفوفة بيش تخوفكم وتجيبكم

السلام عليكم
شن حالكم وبارك الله فيكم
شمعة ليبيا
ام ياسمين
ام عيشة نورتينا وربنا يرحم كل شهداء ليبيا
ام مودى شكرا على الهدية وشن صار فى اللوسة قاعدة نراجى هههه
حنونة ياهلا شن حال الثوار ان شاء الله بخير
ملوكة نشوف فيك تناشبى فى اللى ماتتسمى هههههههه سلمها يارب
وين الباقيات نبوا الهمة والنشاط خيركم كسدتوا