يا امههههاااااااااات محتاجة مساعدة حد يعرف حاجة عن برنامج اليوسى ماس وهل هو فعلا مفيد

بصى حبيبتى انا لست اما بعد ولكنى كنت مدرسة بمدرسة لغات يدرس بها اليوسى ماس وهو برنامج لتحسين المهارات الرياضية والعقلية للطفل.......عموما هذا الموقع سيفهمك كل شىء
http://www.easchools.com/en/school/ucmas_2.asp

من وجهة نظرى انه اليوسى ماس شىء اضافى ومش اساسى خالص وافضل ان ابنى يلعب رياضة او يتعلم كمبيوتر احسن , لكن طبعا القرار ليكى
واتمنى اكون افادتك

كتبت بواسطة منار الإيمان

بصى حبيبتى انا لست اما بعد ولكنى كنت مدرسة بمدرسة لغات يدرس بها اليوسى ماس وهو برنامج لتحسين المهارات الرياضية والعقلية للطفل.......عموما هذا الموقع سيفهمك كل شىء
http://www.easchools.com/en/school/ucmas_2.asp

من وجهة نظرى انه اليوسى ماس شىء اضافى ومش اساسى خالص وافضل ان ابنى يلعب رياضة او يتعلم كمبيوتر احسن , لكن طبعا القرار ليكى
واتمنى اكون افادتك

شكرا ليكى يا اخت منار على افادتك ....... ياريت لو حد من الاخوات عندها خبرة مع البرنامج تفيدنى عما اذا كان مفيد فعلا من الناحية العملية وبيحسن فعلا من قدرات الطفل و ايه اخبار اسعاره

السلام عليكم و رحمة الله و بركاته
انا قرأت في موقع اسلام اون لاين استشارتين عن اليوسي ماس واحده كان الدكتور بيقول فيها انو لم تثبت فاعلية البرنامج فعلا و انه متاجرة بمشاعر الأباء و بأكد عليكي لم تثبت يعني ممكن تثبت و ممكن لأ يعني الدكتور ساب الباب متوارب
الأستشارة التانية لدكتور تاني قال فيها انو مفيد في الرياضيات بس و لكن لا يزيد الذكاء و الكلام اللي بيتقال عنه و دا اتقال ايضا في برنامج 90 دقيقة واضاف الدكتور ان افضل منهج رياضيات هو منهج سنغافورة معرفش نوصلوا ازاي
بس تبقى نقطة و هو تجربة الامهات و دول اختلفوا في اللي قال افادني و في اللي قال لم يفيدني فهل دا متوقف على الفروق الفردية بين الأطفال معنديش فكرة والا متوقف على المدرسة اللي بتشرح مش عارفه
عموما في استشارة ثالثة لسة شيفاها دلوقتي و بتقول نجرب و نشوف هل في تقدم واستفادة والا لأ بس تاريخ الأستشاره دي من 3 سنين الأستشاره الأولى من سنة و استشارة دكتور الرياضيات هي اللي حديثة
اعملي استخارة و ربنا يعينك

انا كمان كنت لسة بسال عنة علشان بنتى وعرفت انة 10 level وكل level 3 شهور وسعرة 160 فى الشهر و بيبدا من سن 4 سنوات ولازم الطفل يكون عارف من 1 الى 10 بالانجليزى كتابة و قراءة بس انا سمعت انة كان فى مدارس كتير ابتديت تطبق عندها نظام اليو سى ماس بس الوزارة رجعيت بعد كدة ولغيتة لانة مش بينمى الذكاء زى ما كانو بيقولو انا لسة بصراحة ما جربتوش لكن يا ريت لو فى اى ام جربتوة تقولنا هل هو مفيد ام لا

يا ترى ايه احسن اماكن فى القاهرة بتدرس البرنامج ده بنجاح ؟ لو حد عنده فكرة ياريت يفيدنى .... انا سمعت ان فى مكتبة الطفل ( مكرم عبيد) فى فرع ليهم

بصراحه انا شايفه انه برنامج فاشل
انا بنتى بقالها 3 شهور فيه ومش شايفه اى حاجه جديده
وفروا الفلوس احسن فى شئ مفيد

انا ابني أخد 3 مستويات وشهر من المستوى 4 و محستش بفرق بس قلت يمكن فروق فردية لأن كان في الامهات تانية بتشكر و انا ابني كان صغييير لما دخله كنا آخدين استثناء امتحنوه و دخل بيسك 5 سنين بدل 7 و انا قلت دا السبب هو كان فارق معانا في الماث بس لأن احنا كنا سابقين المدرسة فأنا قلت الوقت اللي بيحل فيه واجب اليو سي ماث يحل على ماث المدرسة من المعاصر أجدع
و أهم نقطة هي انو ساب اليو سي ماس من سنة فاللي اتعلموا فيه طااااااااااار يعني افادته ليه في الماث مؤقتة زي مثلا اللي بيتعلم لغة و سابها يعني مهارة مرتبطة بالوقت مش حاجة بتتنمى او تختلف في الدماغ نفسها او التفكير نفسه او مهارة زي القراءة و السواقه و الكتابة متتنسيش حتى لو قعدتي سنة متقريش او متسوقيش لأ هي زي المذاكرة تمام اللي بناخدو السنادي ننساه السنه الجاية كنا بنحفظ فكرة و نطبقها و بخخخخخخخخ نسيناها
بس بأكد ان كان في امهات مبسوطة فانا لسه بقول يمكن فروق فردية في مخ ابني حبيبي ننوس عين مامته

يا حنونة و يا كرانكى اولا احب اشكركم على ردودكم بس افتكر ان سبب استيأكم كده ان اولادكم تركوا البرنامج وهم لسه فى المستويات الاولى يعنى اكيد الفرق يبان فى المستويات المتقدمة مثلا 7 او 8 ... الحقيقة انا محتارة بخصوص البرنامج ده وبحاول احكم عليه بموضوعية