ميرهان حبيبتى معلش هو دايما كده اول اسبوع بيبقى فى مشاكل خصوصا فى الباصات اجنا برده كان عندنا مشكله بس الحمد لله اتحلت علشان التوزيع الدورات كان مش مظبط .

بودامودى انا زى ماقلتلك قبل كده اعتراضها كان على ايه هيا بنتها قضت سنه واحده بس kg2 و المدرسه كانت جنب بيت مامتها بس هيا حتعزل علشان كده كمان نقلتها من دلوقت

شكرا ايمو وجزاك الله خيرا

كتبت بواسطة merehan

هاى بنت مصر انا بنتى فى KG2 كلاس D تتصورى اول يوم ركبوا البنت باص غلط اللى بيروح مصر الجديدة وكان يوم مايعلم بية الا ربنا ورحت المدرسة وزعقت وبصراحة بهدلتهم وقابلت اسماعيل غريانى والراجل بصراحة كان بيهدينا انا ووالدها بس بصراحة والادها كان عصبى بردة معاة عشان كانت غلطة المدرسة وانا كنت مفهمة المشرفة اللى حتركب معاها البنت فى اى كلاس واسمها اية وبردة رحت الكلاس وقلت للمدرسة وكتبتلها اسم المشرفة ورقم تليفونها وبردة غلطوا والحمد للة فى الاخر الباص جبها والمدرسة اعتذرت بس بعد اية ما اعصابة طبعا باظت ولسة حتبدا يوم الثلاثاء وربنا معانا

لا اله الا الله.........موقف يبوظ الأعصاب.....و طبعاً والدها له حق يتنرفز و يبهدلهم كلهم.....ربنا يحفظهالك.
أنا ابنى فى kg 2 F و يا دوب ابتدوا شغل جد من أسبوع بس لكن حاسة ان مدرسة ال english أحسن من السنة اللى فاتت....ربنا يهدى

كتبت بواسطة kouky5

السلام عليكم
بصراحة موضوع جميل جدا وانا حبيت اشترك معاكم
ابني السنة دي بيبي كلاس في المصرية ....هما ابتدوا يروحوا المدرسة من يوم عشرة الشهر اللي فات لكن الدراسة الحقيقية من يوم 7 اكتوبر باذن الله...وربنا يوفقه و يوفق الجميع

أهلاً بيكى يا كوكى....
ابنك عامل ايه فى baby class???? شغالين معاهم كويس؟؟؟

اهلا بيكي bent masr
ربنا يوفق ابنك ويحفظهولك ..... وشكرا علي سؤالك
الحمد لله الامور حتي الان كويسة... وربنا يوفق الجميع ...ابني لما بيرجع من المدرسة بحاول اقرره علشان اعرف عمل ايه او اخذ ايه في المدرسة بس ما يحكيش كتير بيقولي مختصر الكلام وانا ببقي نفسي اعرف كل حاجة عنه.....فالاسبوع ده ان شاء الله في اجتماع مجلس الاباء ...ودي فرصة كويسة علشان نقابل المدرسات ونتابع الامور بالتفصيل وبشكل اقرب... واضح ان المدرسة كويسة والادارة هناك حازمة وده شيء جيد والمدرسات متعاونات لحد كبير وده اهم حاجة ...

عزيزتى بنت مصر ياريت تقوليلى اخبار مدرسة المصرية اية وعشان انتى فيها اكيد حتفدينى اكتر فى اللغة والانشطة واهم حاجة اللغة عشان لو حنقل البنت السنة الجاية ابقى فاهمة خصوصا السنة الجاية اخوها داخل معاها حيكون عندة 3 سنين واربع شهور وربنا يجازيكى خير

ايمو كنت عايزة اسالك سوال عرفت ان فى مدارس بتتعامل بمناهج مش زى المدارس التانية يعنى فيى اكتلر من منهج عشان بتبقى فى مناهج صعبة ومناهج سهلة ممكن تقوليلى اية دة

ميرهان تغير المناهج بيبقى فى اللغه يعنى كل مدرسه بتختار منهج اللغه الانجليزيه و فعلا فى مناهج اقوى من التانيه و فى مدارس بتعمل زى شيتات و بوكلت لنفسها اما عن اشهر و اقوى المناهج و الاكثر استخداما هو ماكميلون . بالنسبه باقى المواد فبتبقى تبع الوزاره ده لو المدرسه ناشيونال .

السلام عليكم ورحمة الله وبركاته

ام مريم الله يعطيكِ العافية ..

:

بالتوفيـــــق يآاارب لبناتكم وأولادكم ..

ازيكم يا امهات
انا دخلت بنتى مدرسة ال عثمان للغات الى فى طريق المريوطية فى الهرم ودة بعد ما شوفت مدارس كتير ولكنى اقتنعت بيها اكتر للاسباب الاتية
انها فبها 3 لغات انجليزى وفرنسى والمانى وبيبتدوا من kg1
تانى حاجة انهم مركبين كاميرات فى الكلاسات علشان نقدر نتابع اولادنا من البيت عن طريق الموقع بتاع المدرسة على النت
وكمان فيه اشراف من جامعة اكسفورد على منهج الانجليزى

ودلوقتى بنتى دخلت المدرسة بقالها اسبوع .. والخقيقة انا مش مبسوطة وبفكر انقلها السنة الى جاية .. اقولكم ليه
اولا مشكلة الباص هم بيحطوا اولاد كتير للباص الواحد يعنى العيال بتبقى مزوقة واحيانا فوق بعض وانا لما شوفت كدة اشتكيت للمدير وهو قال ان الوضع مؤقت وحيجيب باص اكبر و بعد اسبوع جاب واحد اكبر لكنه زود العيال و زهقت من الكلام و مافيش فايدة
تانى حاجة موضوع الكاميرا لسة ما اشتغلش و بيقلولى ان فيه مشكلة فى الدى اس ال من السنترال وبيحاولوا يحلوها قريب
والحقيقة موضوع الكاميرات دة كان مهم جدا بالنسبة لى لان دى اول مرة تبعد فيها البنت عنى

انا خايفة تكون دى اول الغيث و بعدين تنهمر المشاكل
وباباها قالى يمكن الامور لسة مش مظبطة فى الاول وبعدين تتحسن .. على العموم انا قلت حاجرب السنة دة وبعدين نشوف

على فكرة انا كانت عاجبانى كمان مدرسة نايل مودرن للغات حد عندة اخبار عنها