انا لبنانية عايشة في مصر,بدور على مدرسة لبنتي في التجمع الخامس.بصراحة قدمت لها في مدرسةmodern education school.ويوم المقابلة ولا سألوها اي سؤال وعجبتني المدرسة كشكل لكن انا مش عارفة اي شيء عن مستوى المدارس التعليمي في مصر وبسمع حكايات غريبة وتفاجأت لم يقبلوها لانه كل اللي ساكنين حواليها قالولي لازم واسطة عشان تدخلي وزعلت اوي عشان كانت قريبة خطوتين بس من الفيلا بتاعتناوانا مش عارفة ولا اي مدرسة.وكمان ولا مرة شفت طالب بيتكلم انجليزي منيح مع انهم بيكونوا في مدارس لغات.انا محتارة جدا .قدامي مدرستين المصرية للغات بس بحس المباني قديمة كتير وبخاف يكونوا مهملين بالنظافة والتعليم.وكمان manor house مش عارفة ولا اي حاجة عنهم.يا ريت لو حد يعرفهم يقولي عن مستواهم.وشكرا

انا متضايقة اوي ان modern education school.ما قبلتها مع انها ممتازة فب كل حاجة وكانت في حضانة امريكية في لبنان.هي عمرها 3 سنين ونص وحتدخل.. baby class.قالولي ان كان في احسن منها.قلتلهم حكمتوا عليها ازاي انتوا ما سألتوها ولا اي سؤال وبعدين انا كنت شايفة كل الباقيين.اللي قاعد يعيط واللي قاعد على جنب.ما سألوش اي حد اي حاجة فيحكموا ازاي؟انا بصراحة مش مصدقة ان حتى المدارس واسطة

انا رايي ان Manor House
اكتر من رائعةةةةة .. اتكلي على الله والحقيها بها

بنت خالتى مدخلة بناتها مدرسة ممتازة ما شاء الله اسمها GIS
بيحفظوهم قران و اذكار و بيصلوا فى المدرسة
التعليم رائع فيها ما شاء الله

بصي انا ليا اصدقاء مدخلين بنتهم مدرسه اسمها زوسر و هي جنب اكادميه مبارك علي الدائري
يعني بعيدة عنك ربع ساعة تقريبا و مستواها كويس جدا جدا و كمان بيهتموا قوي بالقران

و كمان فيه مدرسه كويسه جدا اسمها مدرسه نور هي في مدخل القطاميه امام نفق القطاميه اللي عند مدينه بالم سيتي
و المدرسه ديه انا نفسي موديه بنتي فيها و بيهتوما قوي بتعليم الاطفال الدين و القران و كمان مستوي اللغه رائع

و الكلام دة علي المدرسيتين

و لو محتاجة اي استفسار بخصوص المدرستنين انا تحت امرك

شكرا على اهتمامك.انا قدمت لبنتي في مانور هاوس.هي كشكل مقبولة بس ما ارتحت من ناحية التعليم.قبلوها على طول من غير ما حتى يسألوها اي س}ال وده قلقني وقالولي تعلي ادفعي مصاريف الاسبوع الجاي .بس انا خايفة بصراحة.يا ريت تعرفيلي عنها.وشكرا

بصي انا ليا صديقه كانت السنه اللي فاتت بتدور علي مدرسه في التجمع الخامس و سالت موجهة في التعليم
هي رشحها اخناتون . دة كل اللي انا اعرفه و هي علي فكرة كانت دايخة
بس هي ودت في مدرسه نور و انا بعدها نقلت معاها
لاني عجبني الشغل في المدرسه قوي

و بعدين هما عملوا امتحان للبنت باللغه و سالوها علي حاجات كتير و حتي علقوا علي طريقه النطق لبعض الكلمات
و اللي اعرفه انهم عاملين خصم لاي مدرسه تكلم التلاميذ في الكلاس او خارج الكلاس بالللغه العربيه

طبعا باثتثناء اللغه العربيه و ماشاء الله الاطفال حافظين مجموعه كبيرة من جزء عم و قصص الانبياء و حاجات كتير
و الاذكار اليوميه . دة عن بنتي يعني تجربه شخصيه

و مصاريفها 4500 و الكتب 450 و الباص 1500
و هم ملتزمين بكل حاجة للطفا داخل المدرسه من ادوات نشاط و ادوات دراسيه و كراسات

بصي اعملي زيارة للمدرسه و كمان شوفي زوسر برضه تحفه و فيها نفس المميزات و مش هتخسري حاجة

حبيبتي رهف القلب انا عندي اخت زوجي ولادها في نور والمدرسة مش عاجباها خالص وبتدور على مدرسة تانية.انا والله محتارة وفي وحدة النهاردة ولادها في جرين هايتس في التجمع الاول قالتلي مستواها رائع.حروح اشوفها يوم الثلاثاء.