ربنا يوفق الجميع يارب به ليا انا رحت Knowledge Valley يوم الجمعه كان الانترفيو و بصراحه ارتحت جدا و الحمد لله ليلى قبلت بس حتروح يومين المدرسه فى شهر يونيو و بعدها يدونى الرد النهائى و بالنسبه لاحمد يردوا كمان اسبوع اذا كانوا حياخدوه فى pre-school الحقيقه انا لما رحت المدرسه عجبتنى جدا بس كنت قلقانه بس بعد الانترقيو استرحت تماما و يارب احمد يتقبل و ليلى تنجح ياريت تدعولى لان حسيت ان الناس دى بجد هدفها تعليمى مش مجردا لربح

ميرهان حبيبتى ربنا يوفقك يارب و ييسرلك اللى فيه الخير لبنوتك يارب
bodamody انتى اختفيتى فين ؟ ياريت تطمنينا عليكى
سماح اهلا بيكى و ياريت محدش يفكر فى مدرسه الفيوتشر انا بنتى كانت فيها و طلع عينى و ادينى بحول لها و ربنا يوفقك يا رب

ايمو اهلا بيكى انتى حبيبتى......معلش بس سوءال رفيع فين knowledge valley .....و مصاريفها كام.....و هل عندهم اماكن ل kg1 و هل تعرفي حد فيها؟؟؟
معلش باه على وجع الدماغ بس انا طماعة...و جزاك الله خيرا.

ميريهان يا حبيبتى يا اختي في الحوسة...انا شخصيا افضل نرمين اسماعيل لو ليكى فرصة فيها .....و انا هناك كان فيه بنات خارجين من الامتحان و سالت والدتهم مبسوطين اوى منها و هما معاها من baby class حسيت انهم حبين مدرستهم.....بس انا كمان معرفش نشاطهم الدينى ايه.....انا اعرف ان غرياني مهتمين بالحتة دى.........
مش عاوزة الخبطك بس انا رايي نرمين اسماعيل افضل و ارجعي للبنت برده عشان ممكن تحب تفضل مع اصحابها ....توكللي علي الله و روحي قدمييلها في نرمين اسماعيل....و يا ريت بما ان بنوتك كاني في غريانى تفيدينى.........و ربنا يخليكوا ليا كلكوا يا قمرات.

حبيبتى سماح اللة يطمنك بس غريانى ايوة مهتمين بالدين والعربى حسيت انة على حساب اللغة عشان كدة انا قلقت واما بالنسبة للانشطة كانت فى غريانى مش اوى غير معامل الكمبيوتر والموسيقى لكن مافيهلش اى مهارات للاطفال زى البالية والكارتية والكوتغو فو يعنى الهوايات دى للاطفال بترفة عليهم نفسيا خصوصا انهم مش بيرحو النادى فى الدراسة كتير واستنى شوية يمكن تقبل فى نرمين اسماعيل او جربى فى غريانى السنة دى يمكن تعجبك اما بالنسبة لبنتى فهى راحت معايا المدرسة وعجبتها اما بالنسبة امدرسة knowledge valley فهى ناحية فيصل والمريوطية متهيالى حتبقى بعيدة على البنت وبردة الراى ليك

مريهان......يا زميلة الغريانى!!!!!!! هى بنوتك كانت فى فصل ايه و عند مين من المدرسين فى kg1 & 2???
أصل أنا كمان مش مبسوطة من مستوى اللغة فى المدرسة.....أساسا مدرسة ال english كانت بتشرحلهم بالعربى.....تخيلى؟؟؟!!!!؟؟؟؟ لكن اتكلمت مع أولياء أمور تانيين و كلهم قالولى ان باقى المدرسات ممتازات و ان كل الstaff بتاع kg2 ممتازين....طمنينى ربنا يطمنك.....هل فعلا الغلطة فى المدرسة دى بس و باقى المدرسات فعلا كويسين؟؟؟؟

واللة انا مش عارفة اقولك اية انا خوفت بصراحة من كدةان بنتى بردة تقع فى مدرسة مش اوى وبعدين انتى روحتى حفلة عيد الام ؟ شوفتى كنت عاملة ازاى مفيش حتى اغنية الاطفال يغنوها لا بالانجليش ولا حتى بالعربى حسيت انها مش قوى فى اللغة اما عن بنتى فهى فى kg1 فى class f عند ميس شيماء اما مدرسات kg2 انا بصراحة معرفش عنهم حاجة

سماح حبيبتى نولدج فالى هى ناحيه فيصل بتخشى من عند الشبراوى يمين هى كمان اقرب للمحور المدرسه دى اول سنه هى انترناشيونال بريتيش المصاريه 11600 + 2300 اتوبيس بس انتى بتاخدى 25% خصم طوال مده الدراسه حتى التخرج ده للى حيقدم السنه دى و الزياده 5% كل سنتين .

و الحمد لله احمد قبل فى pre و انهارده انا مبسوطه اوى حسيت ان حمل كبير و انزاح الحمد لله و طبعا ميرهان انا عايزه اشكرك شكر خاص لان انتى كنت من اسباب انى توصلت للمدرسه لما كتبتى النمره و ربنا يوفق الجميع يارب .

و عندى نصيحه للجميع ارجوكم تخلوا بالكم من موضوع اللغه و تتاكدوا من سياسه المدرسه ان المدرسات سواء الانجليزى او الرياضه يكونوا بتكلموا انجليش و ليس عربى و ده حتحسوا بيها اوى فى مرحله ابتدائى و ده اللى عانيت منه لان الولاد كده عمرهم ما حيتعلموا اللغه و ده اللىحصل لبنتى بتكتب فقط من غير فهم و طبعا مافيش قراءه و للاسف كان رد الاداره لما اشتكيت اصلهم مش حيفهموا انجليش فبنطر نشرح بالعربى!!!!!!!!!!!!!
انا بقولكم كده علشان انتم ولادكم فى مرحله ال كى جى فلامر ممكن تداركه .

و ربنا معانا جميعا انشاء الله

مبروك يايمو والحمد للة انك استريحتى عقبالنا يااااااااااااااااااااااااااااااااااااااااارب لاننا بجد تعبنا اوى على المدارس دى وربنا يوفق الجميع

يابنت مصر انتى فين وياريت تقوليلى وصلتى لاية معلش يا سماح ان المدرسة اللى بتسالى عليها طلعت بعيدة بس انتى رسيتى غلى حاجة ولا لسة وهل حتستنى رد مدرسة غريانى ولا اية ياريت تطمنونى

اية ياجماعة انتو فين انتو زهقتو ولا اية

موضوع مفيد اوى بصراحة
بس يا ر يت حد يقولنا على مدارس فى الجيزة سعرها يكون معقول
انا بقدم لبنتى فى KG1 لسه