بما اني ان شاء الله طالعة على توجيهي <<< ادعولي دعوة قوية
و بما انها سنه مصيريه و عنا بفلسطين سنه عليها stress قوي و كل الناس بتركز عليها فانا قررت اني استفيد و اسمع تجربتكم ز طبعا المنتدى مليان بنات و امهات الله يبارك فيهم خلصوا توجيهي و الهم تجربة معها
فياغالياتي بطلب من كل وحدة تحكي تجربتها مع توجيهي و كم نسبة و شو عوامل نسبتها العالية او المنخفضة و كيف معارفا تقبلو و كل الجوانب يعني

السلام عليكم أختي .
أولا لإختلاف المسميات فأنا احترت هل التوجيهي هو نفسه الثانوي أو البكالوريا ؟؟
عموما من جملتك :

و بما انها سنه مصيريه و عنا بفلسطين سنه عليها stress قوي و كل الناس بتركز عليها

فأنا فهمت أنها الثانوية .

آسفة على البداية المٌربكة
أنا دخلت السنة الثالثة في الثانوية في 2002 ، و كنت أحاول أركز طول السنة ، أحفظ أول بأول ، و دائما لا للتأجيل ، إذا ما فهمت شيء أسأل الأستاذة على طول ، و الحمد لله أهلي و بالذات أمي كانت تحاول هي كمان إنها تهيء لي الجو ، قللت من الإجتماعيات حتى في المدرسة ابتعدت عن البنات غير الجادات .
مشكلتي أنني ركزت و أخذت وقت طويل في مواد الفهم ، و تراكمت عندي مواد الحفظ مثل قصائد الأدب العربي
هذا بسبب إني كنت داخلة في المسار العلمي ، لأني أبدا ما أحب التاريخ و الأدب
بس الحمد لله في النهاية حصلت نتيجة 88.8 %
أعلى موادي كانت اللغة الإنجليزية 93%
و أدناها الفنون الجميلة 73%

مرحبا أختي أنا (سولانا) من الأردن وأكيد أنت بتعرفي شو التوجيهي في الأردن
نتيجتي هي 77.1 وندمانه جدا جدا جدا جدا جدا جدا إني ما كنت أدرس يوم بيوم وأنا علمي وأسهل من العلمي مافي على كل حال التجربة عندي وبدك الحل (اسمعي قبل أول يوم دوام بتروحي حافظة كل الدروس ولما ترجعي راجعيها وحضري لليوم التاني وهيك وكل WEEK END بتراجعي المواد اللي أخدتيها طول الأسبوع وهيك لأخر السنة ووعد مني إنك مش راح تجيبي أقل من 95 والله والله وأوعك في يوم إنك تتهاوني في التحضير أو المراجعه لأنك رح تتدمي متلي وعلى فكرة كنت اليوم بدي أرمي حالي تحت سيارة بس الله ستر )

من تجربتي في الدراسة الحفظ مو كل شي...حلو إنك تحفظي القوانين والتواريخ بس مو مثل الممارسة
يعني أنا إيش كنت أسوي
لما أحضر للمادة أقرا الكتاب..بعدين أسوي لنفسي مثل التقرير أو الملخص بس يكون على شكل أسئلة...
زكنت أسوي بطاقات معلومات (الوجه أحط عليه السؤال - الوجه الثاني الإجابه) كانت جدا مفيدة في الدراسة وتشجع علي الحفظ والتركيز

طبعا القراءة اليومية للكتاب والفهم الجيد يساعد..أهم شي لا تشتتي نفسك بقراءة كتب إضافية الا اذا حسيتي انك محتاجة للشي هذا
والأهمن هذا كله لا تخافي وتحطي في بالك ان التوجيهي شبح يهدد مستقبلك بالعكس...خليك متفائلة...

حبيباتي شكرا ع المرور و مشاركتي تجربتكم و ان شاء الله استفيد لاني خايفة كتير من السنة و سولانا ما تزعلي وو لا تاكلي هم كل اشي بتصلح ممكن تاخديلك اي ماده و تعيديها و تعلي مجموعك و ان شاء الله الله يعوضك